სამი სეზონია ”ნიჭიერი” ეთერშია და უკვე ფაქტობრივად, წინასწარ ვიცით, თუ რაზე გამოთქვამს პრეტენზიას მაყურებელი.  მაგალითისთვის ძალიან ბევრი მასალა გვაქვს, თუმცა, მაინც  ძირითად პრობლემებს გაგაცნობთ.

მაშ ასე, საკითხი ნომერი ერთი: პირველი სეზონიდან მოყოლებული, რაც არ უნდა მაღალი დონის შოუ აჩვენოს მონაწილემ, ყოველთვის გამოჩნდება უკმაყოფილო ადამიანთა რიცხვი, რომლებიც აგრესიული ტონით მიგვითითებენ სხვა ქვეყნების ანალოგებზე, გვეუბნებიან, რომ აქ ყველაფერი მდარე ხარისხის არის. მიუხედავად იმისა, რომ უამრავი განსხვავებული საინტერესო სანახაობა გვქონია – მოცეკვავეების ჯგუფები, რომლებიც არაფრით ჩამოუვარდებიან სხვა ძალიან განვითარებული ქვეყნების მოცეკვავეებს ყველა თვალსაზრისით. მომღერლები, რომლებსაც ძალიან გამორჩეული ვოკალი და მონაცემები აქვთ. სახალისო, იუმორისტული ნომრები, ილუზიონისტები, აკრობატები…ნომრები, რომლებიც კონკრეტულად შეიძლება არც ერთ ჟანრს არ მიეკუთვნოს, მაგრამ მართლა საოცარი სანახაობა იყოს…მოკლედ, ამაზე აღარ ვდაობთ და უბრალოდ ერთ საკითხზე გავამახვილებთ ყურადღებას – თუ ისეთი უხარისხოა ნომრების დონე, როგორც ამას ამბობენ, მაშინ მარტივ შეკითხვას დავსვამთ: რატომ მიჰყავს ჩვენი კონკურსანტი, აქ წარმოდგენილი ნომრის 100%-იანი კოპირებით ჩვენზე ძალიან ბევრად დიდ ქვეყანას თავის პროექტში?  უკრაინის მაგალითზე ვამბობთ ამ შემთხვევაში…

მარტივი მაგალითი იმისა, რომ ყოველთვის ვინმე უკმაყოფილო გამოჩნდება, მომღერლების შემთხვევაც არის. ორი სეზონის მანძილზე, კომენტარების ბუმი იყო იმასთან დაკავშირებით, რომ ძალიან ცუდები ვართ სიმღერის დოზების გამო ნიჭიერში. წელს, როცა სამმა კასტინგმა ისე ჩაიარა, ერთი მომღერალიც არ გადასულა შემდეგ ტურში, კიდევ უფრო მეტი პრეტენზიულობა გამოავლინეს – სიმღერას მოვითხოვთო.

სახალისო ნომრებთან დაკავშირებით საერთოდ რთული სიტუაციაა: ”რატომ უშვებთ ასეთებს? რატომ დასცინით? ვის გაჰყავს ესენი სცენაზე? ჟიურიმ რატომ გადაიყვანა? და სხვა მრავალი მსგავსი კომენტარი იწერება.

ჩვენი პოზიცია ამასთან დაკავშირებით იცით როგორიც არის – მოდის კონკურსანტი, უნდა მონაწილეობის მიღება, ასეთი ნომრები კი  შოუს ნაწილია, იმ პროექტის ნაწილი, რომელმაც simon cowell-მა შექმნა და რომელიც მსოფლიოს ძალიან ბევრ ქვეყანაში წარმატებით მიმდინარეობს. დანარჩენმა მსოფლიომ უკვე გაითავისა, რომ სახალისო, უცნაური, ან საერთოდ წარმოუდგენლად გაუგებარი ნომრების გარეშე, არც ისეთი კარგი საყურებელი იქნებოდა ეს ყველაფერი.

გიორგი ვარძელაშვილი, იგივე ფაინა, ამ სეზონის ერთ-ერთი გამორჩეული მონაწილეა. უბრალოდ, ჟიურის ორმა წევრმა ჩათვალა, რომ ერთხელ საყურებლად საკმარისი იყო ეს ნომერი და მიუხედავად იმისა, რომ გეგას მთელი გულით უნდოდა კიდევ ენახა ის, ვერ გადავიდა შემდეგ ტურში. ამას მოჰყვა დიდი გულისტკივილი კომენტარებში: ”რა მოხდებოდა, რომ გაგეხარებინათ?”, ”ის  (რომელიღაც სხვა მონაწილის მაგალითი) გადაიყვანეთ და ამას რას ერჩოდით?!!”
ახლა, როცა ვიფიქრეთ, რომ ამ ადამიანის ჩართვა რაღაც სახით (და არა ”სრულუფლებიან” კონკურსანტად) შესაძლებელი იყო და მისი ნომერი კიდევ ერთხელ შეიძლება ვნახოთ, საზოგადოება ორად გაიყო – ერთნი, რომელთაც ძალიან მოსწონთ ეს იდეა და მეორენი, რომელთაც დარწმუნებულად კატეგორიული ტონი აქვთ, რომ ეს არის შეურაცხყოფა, დაცინვა და ა.შ.ამაზე მახსენდება სოსო ნარიმანიძის მაგალითი, მაგრამ ამ შემთხვევაში მსგავსი ადამიანების რიცხვი ნაკლებია. როგორც ჩანს, გარკვეულ წინსვლას მივაღწიეთ.

სოსო, გიორგისგან განსხვავებით, გადავიყვანეთ შემდეგ ტურში. მაშინვე გაჩნდა პრესაში სტატიები, რომ რუსთავი2 ”ნიჭიერის” მონაწილეებს დასცინის და ეს მაშინ, როცა საზოგადოების დიდ ნაწილს გულწრფელად შეუყვარდა ეს ადამიანი. სხვას არაფერს გამოხატავდა ნახევარფინალში მის მხარდასაჭერად შემოსული ხმების კოლოსალური რაოდენობა! თქვენი აზრით, გამხიარულების მიზნით, მოსახლეობის ასეთი დიდი ნაწილი მისცემდა ხმას? თუ ხმის მიცემისთვის გაღებულ თანხას თან მიჰყვებოდა მათი ”აგდებული ტონი”? :)

და მთავარი  საკითხი – გამარჯვებული. გამარჯვებულის გამოვლენამდე დიდი დრო გვაქვს ამ სეზონზე, მაგრამ რაც არ უნდა მოხდეს, უკვე პროგნოზირებადია ინტერნეტ მომხმარებლის გარკვეული ნაწილის პოზიცია. ორივე წელს, ”ნიჭიერმა” ფინალში 10-10 საუკეთესო მონაწილე წარმოგიდგინათ. აქედან, თქვენი ასარჩევი იყო ლევან შავაძე გაიმარჯვებდა, თუ ანი ხანჩალიანი, დათო რობაქიძე, თუ მარიამ კახელიშვილი, აკრო სტაილი, თუ ვანო ფიფია და ა.შ. წელსაც ფართო არჩევანია. ყველა სახის ნომერი გვექნება ნახევარფინალებში მას შემდეგ, რაც კასტინგები დასრულდება. დაწყებამდე აუცილებლად შეგახსენებთ იმ კონკურსანტებს, ვინც შემდეგ ტურში გადავიდნენ :)

მოკლედ, დაველოდოთ მოვლენების განვითარებას და ერთად ვეცადოთ, რომ საკითხს მხოლოდ ერთი მხრიდან ნუ შევხედავთ.  ”ნიჭიერი” ბევრი ადამიანის ცხოვრებას ცვლის და ჩვენთვის ეს არის მთავარი <3

დაგველოდეთ, შემდეგ ორშაბათს – ახალი, საინტერესო, ყველაზე ნიჭიერი და სკანდალური ნომრებით ვბრუნდებით! თქვენ კი, ყოველთვის შეგიძლიათ მოგვწეროთ მოსაზრება პროექტის შესახებ, კეთილი სურვილები, ჯანსაღი კრიტიკა და ა.შ. რომლებსაც დანარჩენ მკითხველებსაც გავაცნობთ აუცილებლად.

რამდენიმე დღის წინ, გეგამ თავის ფეისბუქ გვერდზე დადო გრანდიოზული მოწოდებით აღსავსე სურათი და მეგობრებს ჰკითხა: “აბა, რამდენს გინდათ ფაინას დაბრუნება? :D” ამ მოწოდების შემცველი ფოტოც დაურთო:

ფოტომ 400-მდე Like და 100-მდე Share მოიპოვა. გარდა ამისა, კომენტარებიც, სადაც ბევრი მსურველი აღმოჩნდა მისი კიდევ ერთხელ ხილვისა “ნიჭიერის” სცენაზე. როგორ იცით, კასტინგზე ჟიურის ერთადერთი წევრი, რომელსაც ძალიან უნდოდა გიორგი ვარძელაშვილი შემდეგ ტურში ეხილა, სწორედ გეგა იყო.  საკუთარ ტვიტერზეც თქვა ეს ფოტოს გამოქვეყნებამდე, რამდენიმე დღით ადრე:

Aeroportis avto-sadgomis dispecherma mkitxa Faina ratom ar gadaiyvanetooo!!!! :D gaiget Sopo da Vano??? :D

— Gega (@Gega418) April 6, 2012

“ნიჭიერის” ბლოგის და ფეისბუქის სახელით ვაცხადებთ, რომ გამოხმაურების მიხედვით, ინტერნეტ მომხმარებლები ძალიან დადებითად არიან განწყობილნი ამ კონკურსანტის მიმართ. შესაბამისად, თუ სათანადოდ ვიაქტიურებთ, დიდი შანსია რაიმე სახით მოვახერხოთ მისი ნომრის კიდევ ერთხელ ნახვა.  მითუმეტეს, რომ ეს თვით გეგას სურვილი და წამოწყებაა!

იგეგმება გრანდიოზული ფლეშმობი, სადაც  დიდ ტერიტორიაზე, ყველა მისი გულშემატკივარი ერთად შევიკრიბებით და შევასრულებთ “საფირმო” ცეკვას. პროექტის პროდიუსერები კი, აუცილებლად გაითვალისწინებენ ამას…

მაშ ასე, მონაწილეობა რამდენიმე გზით შეგიძლიათ:

1. დააყენეთ Facebook Timeline Cover-ად ზემოთ ნაჩვენები  ფოტო (გადმოწერა)და დაასკრინშოტეთ. გამოაგზავნეთ app-ის საშუალებით – WE WANT FAINA BACK! შესაბამისად, ჩვენ გვეცოდინება ვის დავუკავშირდეთ  დეტალებთან დაკავშირებით.

2. ამავე აპლიკაციით, გამოაგზავნეთ ფოტო, სადაც იქნებით მსგავს პოზაში გამოსახული მარტო, ან თუნდაც მეგობრებთან ერთად:

3. ★ნიჭიერი ART★-ში “ფაინას” კვირა ცხადდება! მისი დაბრუნების მოთხოვნის ყველაზე კრეატიული და ორიგინალური ნამუშევარი, iPod Shuffle-თი დასაჩუქრდება. მაგალითად, ეს შეიძლება იყოს თქვენი ფანტაზიით გაფორმებული წარწერა, რომელსაც დახატავთ რვეულის ფურცელზე, ცარცით ასფალტზე, ფუნჯით ტილოზე და ა.შ. :)

4. “ნიჭიერის” ფეისბუქზე კვირის განმავლობაში, დროდადრო დავდებთ სურათს, სადაც დატაგვის საშუალებით გამოხატავთ თქვენს პოზიციას.

 თუ სხვა რაიმე გამორჩეული იდეა დაგებადათ, დაგვიკავშირდით მეილზე – tini@rustavi2.com

შემოგვიერთდით ჩვენ და  გეგას, ვისაც გინდათ, რომ ფაინას ნომერი კიდევ ერთხელ იხილოთ და ერთად დავუმტკიცოთ პროდიუსერებს და ჟიურის დანარჩენ წევრებს, რომ  WE WANT FAINA BACK!!! აქვე, უპასუხეთ გამოკითხვას:

 Loading ...

უკვე მეორე წელია ”ნიჭიერის” პარალელურად მიმდინარეობს პროექტი ”ინტერნეტნიჭიერი”, სადაც, მსურველებს შეუძლიათ გამოაგზავნონ თავისი ნიჭის ამსახველი ვიდეოები და  გამარჯვების შემთხვევაში, საქართველოს ბანკისგან საჩუქრები მიიღონ.

წელს, პროექტი კონცენტრირებულია პატარა ნიჭიერებზე, რადგან სპონსორი საქართველოს ბანკის საბავშვო ანაბარია. მონაწილეობა მხოლოდ მათ შეუძლიათ, ვისი ასაკიც 16 წელს არ აღემატება. ყოველ ოთხშაბათს, 12 საათზე, ”ნიჭიერი ბავშვების” ვებგვერდზე anabari.ge, ახალი ტურის ვიდეოები იდება და ხმის მიცემის პროცესი იწყება. ტურის გამარჯვებული ვლინდება შემდეგი კვირის სამშაბათს, საღამოს 10 საათზე. ერთ ფავორიტს მომხმარებლები ირჩევენ, ხოლო მეორეს – საქართველოს ბანკი.

ათი ტურის შემდეგ, იქნება სუპერფინალი, სადაც 20 სუპერფინალისტიდან, ნიჭიერის ჟიური – გეგა, ვანო და სოფო შეარჩევენ პირველი, მეორე და მესამე ადგილების მფლობელებს. ასევე, გამოვლინება მომხმარებლების ფავორიტი.  I, II და III ადგილზე გასულები მოიგებენ 3000, 2000 და 1000 ლარს შესაბამისად, რომელიც მათ საბავშვო ანაბარზე დაირიცხება, ხოლო მომხმარებლის ფავორიტს საჩუქრად iPad 2 გადაეცემა.

ამ მომენტისთვის, გამოვლენილია პირველი და მეორე ტურის გამარჯვებულები.
პირველ ტურში ფავორიტები აღმოჩნდნენ:

პატარა გაბაძე ნინო , რომელიც ცნობს დიდი მხატვრების ნამუშევრებს

და მომღერალი გია მახარაძე

ხოლო მეორე ტურის გამარჯვებულები გახდნენ:

10 წლის ნიკა ბრეგვაძე, რომელიც უკრავს ფანდურზე

და პიანისტი ხატია კაციტაძე(ვიდეო).

დღეს, 22 საათზე, მესამე ტურის გამარჯვებული გამოვლინდება.  ხვალ “ნიჭიერი ბავშვების” მეოთხე ტური იწყება. მეოთხე ტურისათვის ვიდეოების მიღება საღამოს 10 საათამდე გრძელდება!

თუკი გყავთ შვილი, და, ძმა, ან სხვა ნათესავი, რომლის ასაკიც 17 წლამდეა და აქვს რაიმე განსაკუთრებული ნიჭი, შეგიძლიათ მიიღოთ მონაწილეობა კონკურსში ”ნიჭიერი ბავშვები”. წესებს და პირობებს შეგიძლიათ გაეცნოთ ბმულზე.

წარმატებებს ვუსურვებთ ინტერნეტ-ნიჭიერის ყველა მონაწილეს.

კიდევ ერთი ნომერი უკრაინულ got talent-ში ჩვენი კონკურსანტების მონაწილეობით – პირველი სეზონის მოცეკვავე წყვილი, აკა და გვანცა, ამჯერად უკრაინული ანალოგის პროდიუსერებმა წაიყვანეს პროექტის ახალი სეზონისთვის. ჩვენთვის, რა თქმა უნდა, სასიხარულოა, რომ ისეთ მრავალრიცხვოვან ქვეყანაში, როგორიც უკრაინაა, მიუხედავად მოსახლეობის რაოდენობრივი სიმრავლისა, მაინც თავად ეძებენ საინტერესო ნომრებს და ეთერში გასული 3 ქართველი მონაწილიდან, 2 სწორედ “ნიჭიერის” კონკურსანტია!

გაიხსენეთ აკას და გვანცას კასტინგი და ნახევარფინალი:

აკა და გვანცა პირველ სეზონზე გამოჩნდნენ ჩვენთან. წყვილმა მაშინვე დიდი პოპულარობა მოიპოვა. განსაკუთრებით თავიანთი რომანტიული ურთიერთობის გამო არა მხოლოდ ჩვენი, სხვა გადაცემების  ყურადღებაც მიიპყრეს. მათი ნომრები, უმეტეს შემთხვევაში სწორედ ამ თემის ირგვლივ ტრიალდებდა და ასეთივე იყო უკრაინის შემთხვევაშიც…ლამაზი კოსტუმებით, ურთულესი საცეკვაო მოძრაობებით და ძალიან დრამატულ-რომანტიული შოუთი წარსდგნენ ჟიურის და მაყურებლის წინაშე. მათი დიდი მოწონებაც დაიმსახურეს. იხილეთ ვიდეო:

გვანცა და აკა შემდეგ ტურში არიან! “ნიჭიერის” გუნდი წარმატებას უსურვებს მათ ♥

დიდი ხნის ლოდინის შემდეგ, ნიჭიერის სცენაზე მომღერალი გამოჩნდა! ლენკა ზვიადაძემ  შეასრულა სიმღერა “Reflection”, მულტფილმიდან “Mulan” და ძალიან მოაწონა თავი როგორც ჟიურის, ასევე მაყურებელს. ნიჭიერის ბლოგი, მას რუსთავი 2-ს შენობაში გაესაუბრა.

როგორც აღმოჩნდა, ლენკა 3 წლის ასაკიდან მღერის, როდესაც ის სიმღერის სტუდიაში მიიყვანეს.  დედა ამბობს, რომ ის აქტიური, ენერგიული ბავშვი იყო და სტუდიაში უფრო ”ენერგიის დასახარჯად” და სხვა ბავშვებთან ურთიერთობისთვის მიიყვანეს.

სიმღერის გარდა,  სწავლობს ფორტეპიანოზე დაკვრას და ბავშვობიდან სხვადასხვა წრეებზე დადიოდა, მათ შორის სამოდელო სააგენტოშიც. აქედან გამომდინარე, პატარა ასაკიდან ბევრ კონცერტზე, კონკურსზე თუ ჩვენებაზეა გამოსული.  ასევე, მონაწილეობას იღებს საბავშვო სპექტაკლებშიც.

გარდა მრავალფეროვანი წრეებისა და სიმღერის, ლენკას ძალიან უყვარს თავის მეგობრებთან ერთად ყოფნა და თავისუფალ დროს (როდესაც ის აქვს), სწორედ მათთან თამაშს უთმობს. როგორც თვითონ გოგონამ აღნიშნა, მას ძალიან უყვარს თავისი მეგობრები. ასევე,  ძალიან უყვარს ცხოველები. ნება რომ ჰქონდეს, მთელი ზოოპარკი ეყოლებოდა სახლში, თუმცა ჯერ-ჯერობით მხოლოდ ერთი კატა ყავს, სახელად ნეფერტიტი.

ლენკას საყვარელი ქართველი მომღერალია მამუკა ჩარკვიანი. უცხოელებიდან კი, ვიტნი ჰიუსტონი და სელინ დიონი უყვარს.  როგორც  ამბობს, ნიჭიერის ამ სეზონში, ყველაზე მეტად ანი ქაშიბაძე, ნონა გიუნაშვილი და ნიკ მალფოი მოსწონს. ხოლო წინა სეზონებიდან მისი ფავორიტი მარიამ ტომარაძეა.

პატარა მომღერალს ვუსურვებთ დიდ წარმატებებს.

მესამე სეზონი, ნიჭიერში, საცეკვაო ნომრების სიმრავლით გამოირჩევა. მათ შორის, ჟიურის წევრებმა ზოგი დაიწუნეს, ზოგიერთის ნახვა კი, შემდეგ ტურშიც მოისურვეს. სამწუხაროდ, ხან და ხან ისე ხდება, რომ შემდეგ ტურში გადასული ნომრის, გადაცემაში სრულად ჩვენება, არ ხერხდება. ერთ-ერთი ჯგუფი, რომელიც მე-4 ეპიზოდში სულ რამდენიმე წამით გამოჩნდა, იყო LC.  ამიტომ, ნიჭიერის ბლოგმა, გადაწყვიტა ჯგუფი უფრო ახლოს გაეცნო და ბლოგის მკითხველისთვისაც მიეწოდებინათ მეტი ინფორმაცია მის შესახებ.

ნატა, ქეთი, მარიამი, ლიკა და ნათია

ჯგუფის წევრებთან შესახვედრად, ცეკვის სტუდიია ”LC”-ს სარეპეტიციოში წავედით. გოგონები სწორედ აქ, ცეკვის შესწავლისას შეხვდნენ ერთმანეთს და ნიჭიერში გამოსასვლელად, სტუდიის სახელი აიღეს. როგორც სტუდიის ხელმძღვანელმა, დავით ფიცხელაურმა აგვიხსნა:  ”LC”  არის აბრევიატურა ინგლისური სიტყვების Lose Control და ”კარგად გამოხატავს იმას, რაც ცეკვის დროს ემართებათ”.

ნიჭიერის სცენაზე გამოვიდნენ:

• ნატა ასატუროვა, 16 წლის
• მარიამ ქოქოევი, 19 წლის
• ლიკა რაჯებაშვილი, 20 წლის
• ქეთი ეღიკაური, 16 წლის
• ნათია წამალაიძე, 15 წლის.

ერთად გოგოები დაახლოებით ერთი წელია ცეკვავენ.

ჯგუფი ცეკვავს ჟანრში ჰიპ-ჰოპი, თუმცა ხშირად სხვა სტილების ელემენტებსაც ურევენ კომპოზიციაში. ერთად გამოდიან სხვა და სხვა ოლიმპიადებზე და შეჯიბრებებზე. 1 თვის წინ, IDO-ს ოლიმპიადაზე, თავის კატეგორიაში 1-ლი ადგილი აიღეს.

ნახევარფინალში გადასვლის შემთხვევისთვის, ჯგუფს უკვე მომზადებული აქვს ახალი ნომერი. თუმცა, ბლოგის თხოვნით, მათ კიდევ ერთხელ იცეკვეს ის ნომერი, რომელიც ნიჭიერის კასტინგზე გაიტანეს. მისი სრულად ნახვა შეგიძლიათ ქვემოთ მოცემულ ვიდეოში.

გოგოების ნაწილი ჯერ კიდევ სწავლობს, თუმცა, როგორც ამბობენ, მათი ცხოვრების მთავარი საქმიანობა ცეკვაა. ვარჯიშობენ კვირაში სამჯერ, ორ-ორი საათი და სტუდიაში თავს, როგორც ოჯახში, ისე გრძნობენ. ძალიან უყვართ ერთმანეთი. თავად მათი ხელმძღვანელი, დავით ფიცხელაური, 6 წელზე მეტია ცეკვავს.

ვუსურვებთ ჯგუფს დიდ წარმატებებს, როგორც ნიჭიერში, ასევე მომავალ შეჯიბრებებში.

“ნიჭიერის” ბლოგმა, ახალი სეზონის კასტინგების მიმდინარეობისას რამდენიმე მონაწილესთან წინასაკასტინგე განწყობა გამოიკითხა. ერთ-ერთი მათგანი, მეოთხე გადაცემაში ნანახი მოცეკვავე, ზვიად ალიევი იყო, რომელმაც ასე გამოხატა თავისი განცდები ჩვენთან საუბრისას:

“4 წლის წინ, პირველად ვნახე Britain’s Got Talent-ი. ბავშვობიდან ვცეკვავ და ძალიან მომეწონა. მას შემდეგ, ინტერნეტში თითქმის ყველა ანალოგი ვნახე და ყოველთვის ვოცნებობდი, რომ მსგავს სცენაზე გამოსვლის საშუალება მომცემოდა. როცა გავიგე, რომ რუსთავი2-მა საქართველოშიც ჩამოიტანა Got talent-ი, დავიწყე გამოსვლაზე ფიქრი. უფრო სწორად, მაშინვე გადავწყვიტე, მაგრამ  სანამ არ ჩავთვალე, რომ ნამდვილად მზად ვიყავი, მონაწილეობა არ მიმიღია.

ცეკვა ჩემი ჰობია და არა პროფესია, თუმცა, ბავშვობიდან მთელ ენერგიას მას ვახმარ. ახლობლებისთვის სიურპრიზი იქნება ჩემი გამოსვლა. ჯერ სახლში ვვარჯიშობდი, შემდეგ კი საღამოობით სკოლის დარბაზში.

სოფოს, გეგას და ვანოს მიმართ ძალიან კარგად ვარ განწყობილი, ვიცი, რომ ობიექტურები არიან და ველოდები როგორ ჩაივლის ჩემი ნომერი. ძალიან ვნერვიულობ, ოთხი წლის ოცნების ასრულებამდე სულ რამდენიმე საათია დარჩენილი!” 

http://nichieri.ge/prestage/

ამის შემდეგ, როგორც ნახეთ, წარმატებით გაიარა კასტინგი და მიუხედავად იმისა, რომ გადაცემაში ნანახი ცეკვაც ისეთივე ხანმოკლე იყო, როგორიც დამონტაჟებამდე, მაინც გადავწყვიტეთ სრული ვერსია გვეჩვენებინა თქვენთვის:

ნიჭიერის  მესამე სეზონის მეოთხე კვირის გადაცემა ძალიან საინტერესო გამოდგა. მასზე ბევრი, სხვა და სხვა სახის ნომერი იყო წარმოდგენილი. კონკურსანტების ნაწილს მიეცა შანსი, მონაწილეობა შემდეგ ტურში გაეგრძელებინათ, ზოგი კი კონკურსს მიღმა დარჩა. მოდი გავიხსენოთ ისინი, ვინც ჟიურის მოწონება ვერ დაიმსახურა.

მამუკა ტორონჯაძე

48 წლის მამუკა ნიჭიერში ინგლისური გაზეთით და თავისი დაწერილი სიმღერით მოვიდა.  როგორც თავად თქვა, დიდ ბრიტანეთში ცხოვრებისას, ის საკმაო პოპულარობით სარგებლობდა და ამის დამამტკიცებლად, სწორედ ზემოთნახსენები გაზეთის სტატია მოიტანა.

სცენაზე მამუკა ორი მოკლეკაბიანი გოგოს და თოვლის ბაბუის თანხლებით გავიდა. როგორც აღმოჩნდა, მის ნომერში, სხვა ღირშესანიშნავი არაფერი იყო. პრიმიტიული მელოდია და კიდევ უფრო მარტივი ტექსტი, არც ვოკალი აღმოჩნდა რამით გამორჩეული. არ ვიცი, რა მოსწონდათ მამუკას მუსიკაში დიდ ბრიტანეთში, მაგრამ ნიჭიერის შემდეგ ეტაპზე მისი მოსმენის სურვილი მეეჭვება ბევრ ადამიანს დარჩენოდა.

მერაბ ჯაფარიძე

”მღერით, მერაბ?”  - ვანიკო

არის თუ  არა ფეხბურთის კარგად თამაში ნიჭი? მგონია, რომ ნადმვილად არის. წინააღმდეგ შემთხვევაში, რაში უხდიან ცნობილ ფეხბურთელებს მილიონებს? არის თუ არა ფეხბურთის კარგად თამაში ის ნიჭი, რომლის გამოტანაც ნიჭიერის შოუში შეიძლება? არ ვიცი. ყოველ შემთხვევაში, ჯერ არ მინახავს ისეთი ნომერი, რომელიც ფეხბურთისა და ნიჭიერის შეთავსებადობაზე იმეტყველებდა. სამწუხაროდ, მერაბ ჯაფარიძე, არ იყო ამ შემთხვევაში გამონაკლისი.
მერაბმა ჟიურის თავი სიცილით უფრო დაამახსოვრა, ვიდრე გამოსვლით. მიუხედავად იმისა, რომ ყველა პენალტი ზუსტად გაიტანა, ჟიურის წევრებისგან მაინც უარი მიიღო. იმედი მაქვს, რომ კასტინგებზე, მერაბი, რომელიმე საფეხბურთო გუნდმა შეამჩნია და არ დაკარგავს ასეთ მოთამაშეს.

რენო ხურცილავა

”- ტოტო კუტუნიოს შევასრულებ ახლა, მაგრამ ტექსტი დამავიწყდა
- იტალიურად არის?
- ხო, ხო, იტალიურად
- არაუშავს, ვერ მივხვდებით.”

რენო ხურცილავა ნიჭიერში ასევე სიმღერის შესასრულებლად მოვიდა. როგორც თვითონ თქვა, დიდი ხანია ტოტო კუტუნიო უყვარს და სწორედ მისი სიმღერის შესრულებას გეგმავდა რუსთაველის თეატრის სცენაზე.

სამწუხაროდ, რენო გამოსვლისთვის არასაკმარისად მომზადებული მოვიდა. ტექსტები არ იცოდა, მუსიკა მოტანილი არ ჰქონდა, მისი გამოსვლაც არაფრით გამოირჩეოდა. არადა, დავეთანხმები სოფოს, სმენაც ჰქონდა და კუტუნიოს ”სტილის” ხმაც. მოკლედ,  თუკი შემდეგი სეზონისთვის, რენო, თავის ნიჭს შესაბამის შეფუთვასაც მისცემს, მე ვფიქრობ, ბევრად მეტი შანსი ექნება.

სილვა ხითარიშვილი

”Это не мой профиль”

როგორც წესი, პარანორმალურ ნომრებს, ნიჭიერის სცენაზე არასოდეს უმართლებთ. არ ვიცი, შოუს აურაა ასეთი, თუ სცენას ჯადო აქვს გაკეთებული, მაგრამ ფაქტი ჯიუტია.
წინასწარმეტყველმა და ნათელმხილველმა სილვამ, თავიდანვე განუცხადა ჟიურის, ”შემდეგ ტურში ვერ გადავალო”. გაგიკვირდებათ და მისი წინასწარმეტყველება შედგა, რასაც სილვას ნომერზე ნამდვილად ვერ ვიტყვით. თიკას დამალული ბეჭედი, სილვამ ვერ იპოვა და გადასვლაზე უარიც მიიღო.
საკითხავი მხოლოდ ის რჩება, რატომ გამოვიდა სილვა ხითარიშვილი ნიჭიერის სცენაზე, თუკი წინასწარ იცოდა, რომ წარუმატებლობა ელოდა წინ”

როლანდ – სოსო ციმინტია

”ათ ენაზე ვისწავლე – ზოგი კარგად, ზოგი ცუდად, მაგრამ მაინც ვისწავლე!”
”ყანის ინტელიგენტი ვარ, არა ასფალტის”
”ვოთ იზ ზის ბოდიალე?” – ვანიკო

ბატონი როლანდი ნამდვილად გამოირჩევა ბევრი ადამიანისგან იმით, რომ თავისი ასაკისა და საქმიანობის მიუხედავად, სწავლის სურვილი არ დაუკარგავს. 65 წლის ასაკში ”ავად თუ კარგად”  ათამდე ენა აქვს ნასწავლი. თუმცა ”ზოგი კარგად, ზოგი ცუდად” ნასწავლი ენა საკმარისი არ აღმოჩნდა, შოუს შემდეგ ტურში გადასასვლელად. რაც გასაკვირი არაა. ბატონი როლანდი ტექსტებს (სავარაუდოდ ლექსებს) ზედმეტად სწრაფად და თანაც ძალიან გაუგებრად კითხულობდა. მისი ნომერი არ იყო სასიამოვნოდ მოსასმენი და მითუმეტეს სანახაობრივისგან ძალიან შორს იყო.  თუმცა, ამ ყველაფრის ახსნა, პრაქტიკულად შეუძლებელი აღმოჩნდა თავად კონკურსანტისთვის,  კულისებში მან ჟიური უცოდინრობაში და ახალგაზრდობისთვის ცუდი მაგალითის მიცემაში დაადანაშაულა, წასვლისას კი, საყვედურებს გინებაც დააყოლა.

დაველოდოთ შემდეგ გადაცემას, რომელიც ძალიან სკანდალური იქნება და სავარაუდოდ ბევრი, საინტერესო მონაწილე ეყოლება.

მეოთხე სერია, ალბათ ჟანრობრივი მრავალფეროვნების მხრივ ერთ-ერთი ყველაზე გამორჩეული იყო. აქ ვნახეთ ბენზინისთვის განკუთვნილი ჭურჭელი მუსიკალური ინსტრუმენტების რანგში, ბენზო ხერხით შეიარაღებული მონაწილე,  ჰაერში გამოკიდებული აკრობატი, ცნობილი ადამიანი ტალანტ შოუს კასტინგზე და კიდევ ძალიან ბევრი ნომერი, რომელთა წარმატებულ ნაწილზეც სწორედ ამ პოსტში ვილაპარაკებთ…

სახლში თუ არა, გარშემომყოფებში მაინც გვყავს თითო ნაცნობი მაინც, ვინც გატაცებულია დასარტყმელი ინსტრუმენტებით და ხან ხელ-ფეხით ცდილობს რიტმის გამოხატვას, ხან გარშემო არსებული დანა-ჩანგალ-ჭურჭელით. თუმცა, ბენზინის ავზები კიდევ სხვა მიმდინარეობაა. თსუ არტის შემდეგ ცოტა ძნელია განსხვავებულ ინსტრუმენტზე დაკვრით ვინმე გააკვირვო, მაგრამ მაინც დასაფასებელია ის, რომ ლაშა მურმანიძემ მოუძებნა შესაბამისი ტონალობები და კომპოზიციაც გამოიყვანა ამ ყველაფრისგან.

“მყავს 3 ბიჭი, 5 შვილიშვილი, ერთი მეუღლე და ერთი სიდედრი”

ბუდიონა გამანადგურებელის ნომერი არ ვიცი ეკრანიდან როგორ აღიქვა მაყურებელმა, მაგრამ დარბაზში კი ნამდვილად ადრენალინი გამოიწვია. კონკურსანტი, რომელიც ისე გელაპარაკება, გგონია ბუზს არ ააფრენს, ბენზოხერხით ანადგურებს მიდამოს – არც ისე ხშირი სანახავია. იმის მიუხედავად, რომ სანახაობრივად თითქოს მართლა ორიგინალური იყო, ჟიურის გადაწყვეტილებას ბოლომდე არ ვეთანხმები. თუმცა, ხომ იცით, წინ ნახევარფინალებამდე კიდევ ერთი ტურია…

ეს კი, სცენა მისი გამოსვლის შემდეგ:

Merilyn Monroe-ს თოჯინა სასიამოვნო სანახავი იყო ნამდვილად. თანაც, სახასიათო მოძრაობები კარგად ჰქონდათ ათვისებული მსახიობებს. სამართლიანი შენიშვნა იყო ჟიურისგან, რომ მეტი მოძრაობები იყო საჭირო, მაგრამ ამ საკითხის გამოსწორება ადვილად შეიძლება მომდევნო ტურისთვის. ცნობილი ადამიანების თოჯინების შექმნა და შემდეგ მათი “გაცოცხლება” ერთი შეხედვით ადვილია, მაგრამ იმას, რომ სწორად შეარჩიო, თუ ვის წარადგენ აუდიტორიის წინაშე და კარგად გათვალო ეს ყველაფერი ისეთი პროექტისთვის, როგორიც “ნიჭიერია”, მაინც დიდ ფიქრთან და მუშაობასთან არის დაკავშირებული. შარშან ბახვა წერედიანის ნომრებმა დაგვიდასტურეს ეს. იმედია, როგორც ეს ბახვას შემთხვევაში იყო, ნახევარფინალისთვის სცენაზე თოჯინებს დაამატებენ – თანაც მსახიობების შემადგენლობა მეტია ამ შემთხვევაში.

“არტ ჯორჯიას” ბოშური ცეკვის დროს,  ჩაცმულობა უფრო მეტ ყურადღებას იქცევდა, ვიდრე ცეკვა. ძალიან ეფექტური იყო მთლიანად კოსტიუმები – თმა, კაბები, სამკაულები…აფერადდა სცენა. რაც შეეხება დანარჩენ დეტალებს, ნამდვილად კარგი სინქრონი და ხაზი ჰქონდათ, თუმცა დიდ სირთულეებთან არ იყო დაკავშირებული წარმოდგენილი მოძრაობები. ეს არ არის უარყოფითი შეფასება იმიტომ, რომ მესმის, თვითონ ცეკვის თემატიკა არ იძლეოდა მეტ გასაქანს. ისე, უნდა გაითვალისწინონ, რომ ამ სფეროში დიდი კონკურენციაა და შემდეგისთვის მეტი შრომა მოუწევთ.

აქვე, ვანიკო თავის ამპლუაში:

“დრამ სქულის” ჟანრში იქამდეც გვყოლია მონაწილეები, თუმცა ერთი მნიშვნელოვანი მომენტი უნდა გავითვალისწინოთ:

ისინი ძირითადად  სხვა მუსიკალურ ინსტრუმენტებს, რომლებიც მელოდიას ქმნიან, ამატებენ ფონოგრამის საშუალებით. ან მეორე შემთხვევა – მხოლოდ რიტმით იქმნება კომპოზიცია. ამ ნომერში კი ქსილოფონის საშუალებით მოხერხდა ამ ერთგვარი “პრობლემის” გადაჭრა და სასიამოვნო მოსასმენი და საყურებელი გახდა ნომერი.

“შავები მიდიან, პიები ბრუნდებიან” – ვანიკო

პრინცი პის ბოლოჯერ ნამღერი ძველი სიმღერა მართლა ნოსტალგიური იყო თითქოს. ზუსტად არც მახსოვს რამდენი წლის უკან ხდებოდა მისი პოპულარობის ზენიტის ამბები, მაგრამ ფაქტია, რომ დარბაზში ყველამ იცოდა მისი რეპის ტექსტები. მიუხედავად იმისა, უსმენდი, თუ არა მას იმ პერიოდში, ქართულ ტელეარხებზე, მეზობელთან, თავშეყრის ადგილებში, ვიღაცების მანქანებში მაინც იყო ჩართული მისი სიმღერები :)) მოკლედ, გამიკვირდა კიდეც კასტინგზე მისი გამოჩენა, მაგრამ ნამდვილად სწორი ნაბიჯი კი გადადგა. იმედია, ნახევარფინალში მისი შემოქმედების ახალ ეტაპს გავიცნობთ.

“ვმუშაობ რაც შეიძლება დიდ სიმაღლეზე” – ამის ფონზე რუსთაველის თეატრის სცენა ნამდვილად პატარად მოეჩვენებოდა ნატას. რამდენიმეგან შევნიშნე, რომ წინა სეზონის საჰაერო აკრობატს, ინესას ადარებდნენ, მაგრამ რამდენიმე ძალიან თვალშისაცემი განსხვავება ვერ შენიშნეს. თუნდაც ის, რომ  ეს ნომერი უფრო დინამიური იყო, ძალიან სწრაფად იცვლიდა პოზიციებს. მუსიკამ ცოტა ეფექტი დაუკარგა ამ ყველაფერს, ან უბრალოდ იმ ტემპისთვის უნდა აეწყო ნომერი, მაგრამ ამას დიდი მნიშვნელობა აღარ აქვს, როცა ჰაერში გამოკიდებულ ასეთ სანახაობას უყურებ…

“ჩემი ცხოვრებაა ცეკვა. მინდა, რომ ჩემი ცეკვით ხალხს ვასიამოვნო. თუ ისინი სიამოვნებას მიიღებენ, მე შემიძლია მთელი ცხოვრება ვიცეკვო და ვიცეკვო” – ეჭვი მაქვს მართლა დიდხანს მოუწევს ცეკვა. მართალია გეგას  ბოლომდე არ მოეწონა, როგორც ეს ერთი და სხვა მრავალი ნომერი, მაგრამ პოტენციალი აქვს ნამდვილად ნიკას.

რაც შეეხება LC-ს, სრული ვერსია რომ ნახოთ, თავადაც შეამჩნევთ ხარვეზებს მათ ცეკვაში (მე პირადად, მუსიკის არჩევანს დავუწუნებდი და რამდენიმე მოძრაობას, რომელიც არც ერთ სტილში არ “ეწერება”), მაგრამ ენერგიულები არიან, თავიანთი სტილი აქვთ და იმედია, ბევრს მუშაობენ, რომ მომავალი ნომერი უკეთესი გამოუვიდეთ.

ზვიად ალიევის შემთხვევაში რთულია რაიმე შენიშვნა მოძებნო, მართლა ძალიან დახვეწილი მოძრაობები ჰქონდა. ერთი ის არის, რომ როგორც მაყურებელს, ჟიურის, თიკას და ვანიკოს, ასევე მეც, მეტი ხანგრძლივობით მინდოდა ეს ცეკვა. მაგრამ ამასაც თავისი დადებითი მხარე აქვს – არსებობენ მონაწილეები, რომლებიც 3 წუთის განმავლობაში ცეკვავენ, მაგრამ რამდენიმე ადგილი სუსტი აქვთ და ერთი-ორი “გამონათების” ხარჯზე იგებენ მაყურებლის გულს. ერთწუთიანი ნომრის დროს, იმდენი უნდა მოახერხო, რომ მოაწონო და მეტიც მოანდომო მაყურებელს. ეს კი სახეზე იყო რეაქციებიდან გამომდინარე.

და მივედით კასტინგის კულმინაციამდე – ლენკა ზვიადაძე! ლენკა ნიჭიერის მორიგი აღმოჩენაა. 10 წლის ასაკში ასეთ ვოკალს ყოველთვის ვერ გადაეყრებით.  თანაც, ახალი სეზონის პირველი მომღერლობის მისია ეკისრა და ორმაგი პასუხისმგებლობა ჰქონდა მაყურებლის წინაშე. ისეთი ვარიაცები ჰქონდა სიმღერაში და ისეთი თანაბარი ვიბრაცია ხმაში, ბევრ ჩამოყალიბებულ მომღერალს შეშურდებოდა. სხვა რაღა ვთქვა, ვანო ისე დააბნია ემოციებმა, მისი სცენიდან გასვლის შემდეგ ამის თქმაღა მოახერხა: “დედას ვფიცავარ საღოლ რა, მართლა პროსტა…აი, რა მაგარი ბავშვია” :))

ველოდებით შემდეგ სერიას, რომელიც ძალიან სკანდალური იქნება! ალბათ ნახეთ ორშაბათს გადაცემის დასრულების შემდეგ თუ რა გველოდება, მაგრამ ეს მხოლოდ მცირე ნაწილია იმისა, რასაც მესამე სეზონის მეხუთე კასტინგზე ვიხილავთ…

★ნიჭიერი ART★-ის პირველ გამარჯვებულს ორშაბათს გადავეცით კუთვნილი პრიზი, iPod Shuffle. სწორედ მან გამოაგზავნა ვიდეო, რომელშიც ასრულებდა გიორგი ვარძლეაშვილის საფირმო მოძრაობებს მეგობრებთან ერთად. ვიდეომ თიკას და ვანიკოს დიდი მოწონება დაიმსახურა და Senate Club-ში იხმეს გამარჯვებული : )

9 საათიანი კურიერში, ჩართვაშიც გაესაურბა კურიერის ჯგუფს დათო და მაყურებელს უთხრა, თუ როგორ გაიმარჯვა :)

ასევე,  ჩვენს ფეისბუქზე გვაქვს კიდევ ერთი გათამაშება, რომელსაც საქართველოს ბანკთან ერთად ვაკეთებთ. თამაშდება პრიზები – საქართველოს ბანკის თერმო ჭიქა, ჩანთა და ”ნიჭიერის” მაისური:

კითხვები ძალიან მარტივი იყო:

• დაასახელეთ “ნიჭიერის” ახალი სეზონის ინტერნეტ ვერსიის სახელწოდება, რომელსაც საქართველოს ბანკი წარმოგიდგენთ
• დაგვისახელეთ ზემოთხსენებული ინტერნეტკონკურსის პირველი ტურის ორი გამარჯვებულის სახელი და გვარი
• რომელი ქვეყნიდან არის “ნიჭიერის” კონკურსანტი, მზარეული სუპავაჩაი ჰუანა?

სწორი პასუხები:

• “ნიჭიერის” ინტერნეტ ვერსიას, რომელსაც საქართველოს ბანკი (Bank of Georgia) წარმოგიდგენთ, ჰქვია “ნიჭიერი ბავშვები”
• ამ კონკურსის პირველი ტურის გამარჯვებულები არიან გია მახარაძე და ნათია გაბაძე [ http://anabari.ge/ ]
• სუპავაჩაი ჰუანა ტაილანდიდან არის

ყველაზე სწრაფად და სწორად ირაკლი დარჩიაშვილმა გვიპასუხა და მას გადავეცით პრიზები

შემდეგი გათამაშება ხვალ, ხუთშაბათს, საღამოს 6 საათზე იქნება.

★ნიჭიერი ART★-ი კი გრძელდება! გამოაგზავნეთ თქვენი ნამუშევრები   ფეისბუქზე აპლიკაციის საშუალებით ★ნიჭიერი ART★. (ან იხილეთ ბლოგზე გვერდი http://nichieri.ge/art/. რაიმე კითხვის შემთხვევაში გამოიყენეთ e-mail: tini@rustavi2.com) დაურთეთ თქვენი სახელი და გვარი, საკონტაქტო ინფორმაციასთან ერთად.

ნიჭიერთან დაკავშირებული ყველა ნამუშევარი დაიდება ჩვენს ფეისბუქ გვერდზე და ორ კვირაში ერთხელ გამარჯვებულიც გამოვლინდება! მას თიკა და ვანიკოამოირჩევენ და iPod Shuffle-საც გადასცემენ საჩუქრად!

რუსთავი2-ზე ”ნიჭიერის” კიდევ ერთი წარმატებული გადაცემა გავიდა გუშინ ეთერში. გადაცემის დაწყებამდე, მთელი დღის მანძილზე წინასაეთერო სამზადისი ტრადიციულად სენატ კლუბში დაიწყო. აქ თიკამ და ვანიკომ ჩვენი რეკორდული რეიტინგებისადმი მიძღვნილი ტორტი გაჭრეს და იქ შეკრებილ მონაწილეებთან და პროექტის გუნდთან ერთად დააგემოვნეს

გარდა ამისა, დავაჯილდოვეთ ”ნიჭიერი ART”-ის პირველი გამარჯვებული და გათამაშების გამარჯვებულები. ამის შესახებ პოსტს მოგვიანებით შემოგთავაზებთ.

რაც შეეხება გადაცემას,  მეოთხე სერიას ყველა ველოდებოდით სხვადასხვა მიზეზის გამო. ზოგიერთი ”მიზეზი” პრომოშიც გამოჩნდა – მაგალითად შავი პრინცი შეცვლილი სახელით, რომელმაც ბოლოჯერ შეასრულა ძველი რეპერტუარიდან სიმღერა. ან თუნდაც, ბუდიონა გამანადგურებელი, რომელმაც მუსრი გაავლო სცენის მიმდებარე ტერიტორიაზე არსებულ ყველა უსულო საგანს. გარდა ამისა, სამი კასტინგის შემდეგ მომღერლების არ არსებობით უკმაყოფილო მაყურებლები ვინმე ისეთის გამოჩენას ელოდნენ, ვინც ამ მისიას თავის თავზე აიღებდა…

მაგალითად, ფეისბუქზე გამოკითხვაში  მომხმარებლების დიდი რაოდენობა სწორედ მომღერალს ელოდებოდა ახალ გადაცემაში. ასეთივე იყო დუეტ ”ჯორჯიას”   აზრი ჩვენს ბლოგთან ინტერვიუში და შესაბამისად, გადაცემის დასრულების შემდეგ ყველა ძალიან გახარებული იყო პატარა მომღერლის, ლენკას გამოჩენით.

გუშინდელი გადაცემის ფავორიტი სწორედ ის იყო, თუმცა, არც დანარჩენი მონაწილეები იყვნენ ყურადღების გარეშე დარჩენილები და გამოხმაურებას შეგიძლიათ გაეცნოთ - http://www.facebook.com/nichieri-ზე.

ვულოცავთ შემდეგ ტურში გადასულ ყველა მონაწილეს ამ წარმატებას და გულშემატკივრების აქტიურობის მიხედვით, შევარჩევთ მათ, ვისაც ”ნიჭიერის” ბლოგი დაუკავშირდება და  მეტ ინფორმაციას მოგაწვდით მათ შესახებ. დაგვეხმარეთ შერჩევაში და თქვენი აზრიც დააფიქსირეთ მოცემულ გამოკითხვაში:

 Loading ...

ასევე, შეგიძლიათ მოგვწეროთ ნებისმიერი კითხვა, რომლებიც გექნებათ მონაწილეებთან დაკავშირებით და ჩვენ ვეცდებით ყველა მათგანზე ამომწურავი პასუხი გაგცეთ :)

დაელოდეთ შემდეგ ორშაბათს და იქამდე, აქტიურად გვადევნეთ თვალ-ყური ბლოგზე და ფეისბუქზე!