მეხუთე ნახევარფინალში, შემოვიდა მაყურებლის ხმების რეკორდული რაოდენობა-             145 043 ზარი! ხმების უმრავლესობით, 49,5%-ით ხალხის რჩეული გახდა  ვანო ფიფია. ჟიურიმ კი მეორე ფინალისტად ჯგუფი “ფანტომი” დაასახელა.

საქართველოს ბანკის ფავორიტი, მოცეკვავე გიორგი ბაღნაშვილი, იგივე დაკია. სპეციალური აპლიკაციის მეშვეობით შეგიძლიათ მისცეთ ხმა, თუ გსურთ, რომ მეთერთმეტე ფინალისტი სწორედ ის გახდეს. ხმის მიცემამდე დარჩენილია 13 საათზე ნაკლები დრო.

მონაწილეების მიხედვით კი, ხმები პროცენტულად ასე გადანაწილდა:

ვანო ფიფია  -  49,5%

სოსო ნარიმანიძე – 30,4%

ანსამბლი ალილო-  6,5%

ნუცა ბუზალაძე – 6,3%

ხვიჩა ჭიჭიაშვილი – 2,5%

ჯგუფი ფანტომი- 1,9%

ann’s friends-  1,3%

გიორგი ბაღნაშვილი – 1,1%

Rap Rise-  0,4%

ნინია როხვაძე –  0,3%

სულ რამდენიმე წუთში მეხუთე ნახევარფინალი გავა პირდაპირ ეთერში! მაყურებლის ნაწილი ფილარმონიის დიდ საკონცერტო დარბაზში, პირადად ესწრება შოუს, დანარჩენები კი ტელევიზორის ეკრანებზე უყურებენ “ნიჭიერს”.

ეს ყველაფერი, ტრადიციულად, ძალიან სანახაობრივი, საინტერესო, მრავალფეროვანი და დაძაბული იქნება. კონკურსანტების ბედი თქვენს ხელშია- გულშემატკივრები წყვეტენ, ვინ გახდება მათი რჩეული და ვინ მოიპოვებს საგზურს ფინალში! დღეს მათი ბედი თქვენს ხელშია:

მატრიცული პანტომიმა მეორე სეზონის განსხვავებულ ჟანრებში ერთ-ერთ საპატიო ადგილს იკავებს. მათი შოუ ყველასთვის უცხო და საინტერესო აღმოჩნდა. პირველად, ინტერნეტში ნახეს და გადაწყვიტეს თავადაც გაეკეთებინათ. ჯგუფი 7 წევრისგან შედგება. ზოგი მათგანი I-II კურსის სტუდენტია, ზოგი კი სპორტით არის დაკავებული…

ქასთინგზე წარმოდგენილი ნომრის იდეა და დადგმა თავად არ ეკუთვნოდათ, ნახევარფინალში კი ყველაფერი თვითონ მოიფიქრეს, იმუშავეს მოძრაობებზე, შინაარსზე და დიდი შრომა ჩადეს იმისთვის, რომ ისეთივე შთამბეჭდავი ყოფილიყო ყველაფერი…

მხარი დაუჭირეთ ფანტომს, დაურეკეთ ნომერზე 91010!

ნუცა ბუზალაძე 14 წლის არის, ბავშვობიდან მღერის და სწავლობს სიმღერას. რეპერტუარში ძირითადად პოპ ჟანრის სიმღერები აქვს.

მუსიკალური მიმდინარეობებიდან განსაკუთრებით ჯაზი უყვარს. საყვარელი შემსრულებლები კი არიან ბარბარა სტრეიზანდი, ეტა ჯეიმსი, ფრენკ სინატრა, ტინა ტერნერი…თავისუფალ დროს სულ მუსიკას უთმობს. უკრავს ფორტეპიანოზე და გიტარაზე.

ოცნებობს, რომ ჰოლივუდში წავიდეს.

ნახევარფინალში ვიტნი ჰიუსტონის ერთ-ერთ სიმღერას ასრულებს

უგულშემატკივრეთ ნუცას, დაურეკეთ ნომერზე 91009!

ვანო ფიფიას გამოსვლა, ქასთინგების ერთ-ერთი ყველაზე ემოციური მომენტი იყო. ის ახლა 13 წლის არის. ადრე ცხოვრობდა ცერებრალური დამბლით დაავადებულთა სკოლა-პანსიონში, მაგრამ სკოლის დახურვის გამო, სახლში დააბრუნეს.

ვანომ სიმღერა პაპასგან ისწავლა, რომელიც გარდაიცვალა. ნახევარფინალურ გამოსვლას სწორედ მას უძღვნის.

ამჟამად ის მარტო არ იქნება სცენაზე, “ნიჭიერი”-ს შემდეგ ბევრმა გამოთქვა მისი დახმარების სურვილი, რაც ძალიან უხარია.

მხარი დაუჭირეთ ვანოს, დაურეკეთ ნომერზე 91008!

სოსო ნარიმანიძე მეორე სეზონის ერთ-ერთ ყველაზე გამორჩეულ მონაწილედ იქცა და დიდი პოპულარობით სარგებლობს. ის ამჟამად 36 წლის არის და ძირითადად სიმღერით არის დაკავებული. როგორც ამბობს, 30 სუფრული სიმღერა იცის და ყველა თვითონ ისწავლა. ძალიან უყვარს ბარები და დისკოტეკები.

“ნიჭიერი”-ს შემდეგ რადიკალურად შეიცვალა მისი ცხოვრება. ყველა სცნობს, ერთად სურათების გადაღებას სთხოვენ და ყველა გამვლელი ესალმება.

მომავალშიც აპირებს სიმღერის გაგრძელებას. განსაკუთრებული გეგმაც შემუშავებული აქვს და უნდა, რომ იურმალაზე საქართველოს სახელით წარსდგეს, რეპერტუარიც კი უკვე დადგენილი აქვს- i just call to say i love you-ს სიმღერა უნდა.

თავის წარმატებაში დარწმუნებულია და ფიქრობს, რომ ფინალში გადავა…

უგულშემატკივრეთ სოსო ნარიმანიძეს, დაურეკეთ ნომერზე 91007!