ირაკლი ბიბილური, “ნიჭიერი”-ს “ადამიანი ვიოლინო”, 29 წლის პროფესიონალი მსახიობია. პანტომიმის სახელმწიფო თეატრში მუშაობს და ხშირად იღებს მონაწილეობას სხვადასხვა ღონისძიებებში. აკეთებს შოუებს ბათუმის ბულვარსა და მთაწმინდის პარკში. ძალიან უყვარს თავისი პროფესია და ბევრს შრომობს.

ნახევარფინალში ნომრის მრავალფეროვნებისთვის 2 ადამიანიც დაიმატა, გამოიყენებს რეკვიზიტებსაც. ფიქრობს, რომ მისი ნომერი სრულიად განსხვავებული იქნება ქასთინგისგან და უფრო სანახაობრივი, საინტერესო და ცოტა სახალისოც გამოვა.

მხარი დაუჭირეთ ირაკლი ბიბილურს, დაურეკეთ ნომერზე 91007!

ქასთინგის ვიდეო (00:58 წუთიდან):

ირაკლი სარალიძე ერთადერთი ილუზიონისტია, რომელიც ნახევარფინალში გადავიდა. მასზე დიდი პასუხისმგებლობაა და უნდა, რომ კარგად გაართვას თავი.

ამჟამად 17 წლის არის და XI კლასის მოსწავლეა. ილუზიონისტობა მისი ჰობია მხოლოდ, თუმცა ნიჭიერში წარმატების მიღწევის შემდეგ, სერიოზულად დაიწყო მუშაობა.  პროფესია საბოლოოდ არჩეული არ აქვს, თუმცა კოსმოსი და ასტროფიზიკა ძალიან უყვარს.

როგორც ჩანს, “ნიჭიერი”-ს შემდეგ მართლაც შეიცვალა ბევრი რამ მისთვის. უფრო თავდაჯერებული გავხდებიო ამბობდა და ნახევარფინალურ ნომერში ამის დასტურსაც იხილავთ!

მხარი დაუჭირეთ ირაკლის, დაურეკეთ ნომერზე 91006!

ქასთინგის ვიდეო:

დათიკაშვილების ოჯახის სიმღერამ ჟიურიც და მაყურებელიც ძალიან მოხიბლა. მათი ტრიო სპონტანურად, სპეციალურად ნიჭიერისთვის შეიქმნა. ქასთინგში მონაწილეობის მიღება თიკოს დიდი სურვილი იყო, მის ინიციატივას ძმა და ბიძა დადებითად შეხვდნენ.

მათი ოჯახის ყველა წევრი მუსიკასთან არის დაკავშირებული და სიმღერის ნიჭით გამოირჩევა. ამით ამაყობენ და დიდი სურვილი აქვთ ნახევარფინალშიც ისეთივე წარმატებით წარმოაჩინონ ოჯახური ტრადიციები.

მხარი დაუჭირეთ დათიკაშვილების ოჯახს, დაურეკეთ ნომერზე 91006!

ქასთინგის ვიდეო:

ნელი სალაძის სახელობის მხატვრული ტანვარჯიშის აკადემიის მოსწავლეები, “ნიჭიერში” თავიანთი გატაცების პოპულარიზაციის მიზნით მოვიდნენ. საქართველოში სულ ორი სკოლა არსებობს, სადაც შესწავლა შეიძლება და როგორც ამბობენ, არააქტუალურია. ქასთინგზე უნდოდათ, რომ ყველასთვის ეჩვენებინათ თუ როგორი ლამაზი და სასიამოვნო სპორტია, ნახევარფინალში კი უფრო კარგად წარმოაჩენენ ამას.

ყველა წევრი დიდი ხანია ტანვარჯიშით არის დაკავებული, ბევრი კონკურსის გამარჯვებულებიც არიან. უნდათ კიდევ უფრო დაიხვეწონ თავიანთ პროფესიაში, ზოგიერთ მათგანს მსახიობობაც სურს.

მიზნად დაისახეს, რომ მთელმა მსოფლიომ გაიცნოს მათი შემოქმედება. ამისთვის “ნიჭიერი” კარგ “სტარტად” მიაჩნიათ!

უგულშემატკივრეთ ტანმოვარჯიშეებს, დაურეკეთ ნომერზე 91004!

ქასთინგის ვიდეო:

“ნიჭიერი”-ს აფრიკელმა მეგობრებმა ერთმანეთი საქართველოში გაიცნეს. ყველა მათგანი ნიგერიელია,მხოლოდ მანდილოსანი გახლავთ განადან.

აიკის ჰყავს ქართველი ცოლი და ერთი შვილი, დანარჩენებს კი ქართველი შეყვარებულები. ფიქრობენ, რომ საქართველო მათთვის მეორე მშობლიური ქვეყანაა. აქ თავს ისე გრძნობენ, როგორც საკუთარ სამშობლოში. სწავლობენ აქაურ კულტურას, წესებს, ითვისებენ ენას და უყვართ ჩვენი სამზარეულო, განსაკუთრებით ხინკალი, ლობიანი და მწვადი.

ნახევარფინალშიც “მეორე სამშობლოს” სიყვარულით დადგმულ ნომერს შემოგვთავაზებენ.

უგულშემატკივრეთ მათ, დაურეკეთ ნომერზე 91003!

ქასთინგის ვიდეო:

დაჩი თურქიამ, ქასთინგზე საკმაოდ ვრცლად წარუდგინა თავი მაყურებელს და თან აღნიშნა, რომ გამოავლენდა  თავის არაჩვეულებრივ ნიჭს. მართალია ნახევარფინალში ისეთივე მრავალრიცხვოვანი მოკითხვების ფურცლით არ მოსულა, მაგრამ მის სიას და მთელ სამეგრელოს, “ნიჭიერი”-ს ეთერში გასვლის შემდეგ შემომატებული გულშემატკივრები დაემატა!

დაჩი თურქია ყოფილი მძლეოსანია, პარალელურად ლექსებსაც წერს.

ნახევარფინალში, დაპირებისამებრ, კატის თანხლებით არის მოსული, რომელიც 5 წელია ჰყავს! კატას საგანგებოდ ამზადებს იმისთვის, რომ იმედები არ გაუცრუოს მაყურებელს და ჟიურის. უკვე რამდენიმე დღეა საკვებს განსაკუთრებულ რეჟიმში აჭმევს მას (თითქმის აშიმშილებს) და თუ რატომ, ამას დღეს იხილავთ.

მხარი დაუჭირეთ დაჩი თურქიას, დაურეკეთ ნომერზე 91002!

ქასთინგის ვიდეო:

ანსამბლი “ვორტექსი” უკვე ერთი წელია არსებობს. 25 წევრისგან შედგება, რომელთა ასაკი   8-დან 16 წლამდეა. ანსამბლი 167-ე სკოლის ბაზაზე ჩამოყალიბდა და მათი პირველი გამოსვლა საზოგადოების წინაშე ფესტივალ არტ-გენში მოხდა.

რეპერტუარში აქვთ როგორც ქართული, ისე მსოფლიო ხალხთა ცეკვები. ბევრს მუშაობდნენ “ნიჭიერი”-ს ქასთინგისთვის და ნახევარფინალში კიდევ უფრო განსხვავებული სტილით წარსდგებიან მაყურებლის წინაშე.

იმედი აქვთ, რომ ჟიურის და მაყურებელს მოეწონება ეს ნომერიც  და კიდევ ერთხელ გამოვლენ წარმატებით სცენაზე. ვინაიდან ცოტა ხანია არსებობს მათი ანსამბლი, ბევრ კონკურსში არ მიუღიათ ჯერ მონაწილეობა და “ნიჭიერი” მათთვის განსაკუთრებით გამოცდილების მიმცემი იყო.

უგულშემატკივრეთ მათ, დაურეკეთ ნომერზე 91001!

ქასთინგის ვიდეო:

ნახევარფინალების მანძილზე ბლოგზე კომენტარები განსაკუთრებით დიდი რაოდენობით იწერება. შეფასებების სიმკაცრე და გულშემატკივრობის ხარისხი ორმაგდება იმიტომ, რომ ალბათ, მკითხველების უმეტესობა ითვალისწინებს ნახევარფინალისტობის დიდ პასუხისმგებლობას და მეტს მოითხოვენ მონაწილეების მიმართ!

მაშ ასე, კვირის  კომენტარები-   დავიწყოთ მონაწილეების მიხედვით:

Black Balance

მოცეკვავეთა დუეტის ნომერს არაერთგვაროანი რეაქცია მოჰყვა- ზოგი ამბობდა, რომ წინა გამოსვლა უკეთესი იყო, ზოგმა იუმორის ჩართვა არასწორად მიიჩნია, უმეტესობა კი მაინც  კმაყოფილი იყო იმით, რომ თვითონ შექმნეს ეს ნომერი. იყო სახალისო კომენტარებიც  ჩვენი  რობოტების მიმართ:

Christi Nozadze- წინა გამოსვლა ჯობდა!

Mariam Pipia- ძალიან მაგრები იყვნენ. წინაც კარგი იყო და ახლაც მაგარი. უბრალოდ, ვალსის შეტანა არ იყო საჭირო, ჩემი აზრთ.

Nodo Oqroshiashvili – ესენი ეტყობა 220-ზე შეაერთეს და იმიტომ იცეკვეს კარგად :D

Alex Turdzini ჩემი მეზობელია გადმოსული და სულ ჯადოქრობა ეძახა :D

უცნაური - კარგები იყვნენ. იშრომეს და ნამუშევარი ეტყობოდათ. საბოლოოდ იმ მოცეკვავე ჯგუფს ჯობდნენ. უფრო დახვეწილები იყვნენ

ჯუმბერ  ნოზაძე

“მაესტრო”-სთან დაკავშირებით ყველა აღნიშნავდა, რომ ძალიან კარგი ადამიანია და იმის აღნიშვნაც არ გამორჩენიათ, მისი ნამღერის შემდეგ რომ მეუღლე სახლში მშვიდობით შეუშვებდა:

Giorgi Lomsadze -სანტა ლუჩია თვით პავაროტსაც შეშურდებოდა :)

Nika Kochlamazashvili -ცოლი სახლში შეუშვებს, მაგარია! :P :)

ბოლნელი

ბოლნელების დეკორატიული დოლი და წევრების სიმრავლე ყურადღების ცენტრში  მოექცა:

Angela Gongl დიდი დოლი რომ დავინახე, რატომღაც მეგონა, რომ მასზეც დაუკრავდნენ. უფრო შეემატებოდა ეფექტი, მაგრამ მაინც ძალიან კარგები იყვნენ, ნამდვილად მომეწონა.

Mari Muradova- კარგები იყვნენ, მაგრამ ძალიან ბევრნი იყვნენ :D

სანდრო ცისკაძე

სანდროს შოუმ ყველა გააოცა და ძირითადად დადებითი გამოხმაურება მოჰყვა მის ნომერს. ყველა ხაზს უსვამდა მის პროფესიონალიზმს და ქასთინგთან შედარებით დიდ წინსვლას. ზოგს კი მისი კოქტეულის გასინჯვა უფრო უნდოდა, ვიდრე ნომრის ყურება:

Vaxo Shelia -მეც გავსინჯავდი ახლა მაგ კოქტეილს… : )

Ann-marie Chaduneli -ეფექტური იყო : )) მომეწონა

Gabo Maghlaperidze -ასეთი საინტერესო ნომერი ნიჭიერის ისტორიაში არ მახსოვს. ძალიან ძლიერი შემსრულებელია.

როგორც იცით, დიდი კრიტიკა გამოიწვია იმან, რომ  ნომერი მისი საკუთარი იდეა არ იყო. ალბათ, კარგი იქნება, ერთხელაც თუ ჩამოვყალიბდებით რისი “კოპირება” იმსახურებს კრიტიკას და რისი არა, მაგრამ ფაქტია, სანდროს ნომერს “ჩრდილქვეშ” არ აყენებს ეს ფაქტორი:

ჰელადოს- კი ,ასლია რუმინული ნიჭიერიდან.,მაგრამ თავად ჩვენი ნიჭიერიც ხომ ასლია? სხვათაშორის, ის რუმინული ნომერიც ასლია. ისე, საქართველოში ასეთი ნომერი გააკეთოს კიდე ვინმემ და მერე დაიწუნოს ამ კაცის შესრულება.მსოფლიოზე რომ მეშვიდე ადგილზე გავიდა,იმაზე დავწეროთ არ ჯობია?  რასაც ცისკაძე აკეთებს,საქართველოსთვისაა ახალი და საინტერესო,თორემ ამერიკაში ეგ არავის გაუკვირდება.მისი ნიჭიც ამაშია. იდეას რაც შეეხება-ქართველებს საკუთარი ორიგინალური იდეები საკმაოდ ცოტა გვაქვს,სამწუხაროდ .ეს პროექტი კი სწორედ ამას უცყობს ხელს-განვითარდეს ორიგინალური იდეები და ნომრები.

ნია კვარაცხელია

ნიჭიერის მერი პოპინსზე ერთმნიშვნელოვნად ამბობდნენ, რომ ძალიან დახვეწილი ბავშვია და კარგი მომღერალი. მის შეფასებებში სულ ფიგურირებდა სიტყვა “ძალიან”!

Tata Beradze -ძალიან ტკბილი ხმა აქვს და რაღაც კარგი თოჯინაა : )

Tamila Khizanishvili- ძალიან სასიამოვნო ხმის ტემბრი აქვს ნიას და მართლაც ნიჭიერია.

Nino Meparishvili -ნია ძალიან კარგი მომღერალია. ძალიან უხდება ეს სტილი. მის  ასაკში ცეკვასთან ერთად სიმღერა არც ისე მარტივია.

ბორდიული - ზოგადად მიუზიკლების მოყვარული არ ვარ, მაგრამ კარგი ბავშვია, მომეწონა

კათარზისის დუეტი

მიუხედავად იმისა,რომ ხალხის გადაწყვეტილებით მათ ფინალში გადასვლას აზრთა სხვადასხვაობა მოჰყვა, ერთ რამეზე ყველა თანხმდება, რომ როგორც ვანომ თქვა, ისინი საუკეთესო ბებოები არიან მთელს მსოფლიოში:

თათა მელქაძე -ეჰ ასეთ ბებოებს რა უნდათ კათარზისში :(

Lasha Chanturia -როგორ ვტირი :( მიყვარს ეს ადამიანები :(

ზოგი კიდევ მათ დანახვაზე ერთ ცხოვრებისეულ პრობლემასაც შეეხო:

Nika Kochlamazashvili აი ესენი არიან საყვარელი ბებიები. აბა ავტობუსში ადგილს რომ არ დაუთმობ და ახალგაზრდობას ლანძღავს, ის არის საყვარელი ბებია? : )))

გულნარა- ხალხის სიმპატიების დამსახურებასაც ნიჭი უნდა და ეს მოახერხეს მოხუცებმა, სხვათა შორის ამ წლოვანების ადამიანებისთვის მაღალი ნოტების აღება ძალიან რთულია, მათ კი მშვენივრად გაართვეს თავი და რჩეულებიც გახდნენ, გაიხარონ და დღეგრძელობას ვუსურვებ მათ

our style

our style-ს ქორეოგრაფია და ნომრის შინაარსი, ჟიურის მსგავსად ბევრმა ვერ გაიგო, თუმცა იყვნენ ისეთებიც, ვინც მოიხიბლა მათი იდეებით და მშვენივრად გაიგეს რისი თქმა უნდოდათ მოცეკვავეებს:

Giorgi Nadareishvili – მოსაწყენი დადგმაა და არანაირი სინქრონი არ აქვთ.

Mariam Pipia – ქორეოგრაფია კარგი იყო, თუმცა სინქრონში ცოტა გაუჭირდათ, ცოტა დახვეწა ესაჭიროებოდა ნომერს და სხვა თემა რომ მოეფიქრებინათ კარგი იქნებოდა. ავარია და მერე სიზმარი არ იყო დიდად საინტერესო.

Keti Sarjveladze კარგი პლასტიკა აქვთ.

ნინო- ყველას აზრს პატივს ვცემ, მაგრამ ვფიქრობ ეს ჯგუფი ძალიან კარგი იყო ნახევარფალში.

ცირა კუპრაშვილი

ცირა კუპრაშვილის გამოსვლისას ვანოს შეფასებას ბევრი დაეთანხმა, ვერაფერი ვერ განიცადეს:)) ზოგმა კი ჩათვალა,რომ ყველა ვერ სწვდება ამ ხელოვნების ძირეულ აზრს, ბევრი კი ვანიკოს ნახატმა უფრო მოხიბლა:

Tatia Gulua -მეც ვერაფერი ვერ ვიგრძენი ))

Nica Shengelia -ინტიმს ეს ჯობდა აშკარად :D

Tamuna Akhaladze –  ვანიკო თუ უფრო უკეთესი არ ყოფილიყო რა…

Kapanadze Mariam- ლამაზი ნომერი იყო მართლა. უბრალოდ ჩაწვდომა უნდა, რასაც ბევრი ვერ შეძლებს.

ლოლა- არ ჩავარდნილა ნომერი პირიქით ძალიან ლამაზი ნომერი დადგა ცირამ, ამას პროფესიონალები უნდა აფასებდნენ და სწორად გაიგებდნენ!

მარიამ  აკობია

მარიამ აკობიას, გაუგებარი (ჩემთვის გაუგებარი) მიზეზების გამო სიმღერის არჩევანი დაუწუნეს, თუმცა უმეტესობა მაინც მიხვდა, რომ ეს “რაღაც” სიმღერა, რომელსაც 3 ადამიანი ასრულებს, რთული იყო შესასრულებლად და მის სტილს ძალიან მოუხდა. გულის წყვეტაც შეინიშნება იმის გამო, რომ ფინალში ვერ მოხვდა:

Lev Nafetvaridze -ისეთი სიმღერა ამოარჩია, რომ დიდად ვერ გვანახა მარიამის შესაძლებლობები :)

Ninia Kirvalidze – destiny’s child მღერის ამ სიმღერას, სამი უძლიერესი მომღერალია ამ ჯგუფის წევრი და “რაღაც სიმღერას” ნამდვილად ვერ დავარქმევთ.

Medeia Pavliashvili კარგი გოგოა…მომავალში უფრო დაიხვეწება ალბათ და ცეკვის ხელოვნებასაც დახვეწავს და მაშინ კი შეიძლება პროფესიონალად მოგვევლინოს. პოტენციალი ნამდვილად არის ამ ბავშვში, შრომაა მთავარი, თან ძაალიან დიდი შრომა!

ანანო- ამ გოგოს ნამღერს რომ ვუსმენ ასე მგონია POPstar ს ვუსმენ … :X

დიდი აჟიოტაჟია კომენტარებში მარიამ ტომარაძის და მარიამ აკობიას შედარებებზე, რაც ხშირად ჩხუბში გადადის, რის შედეგადად იძულებული ვხვდებით, რომ “მოჩხუბარებს” კომენტარის დატოვების ფუნქცია შევუზღუდოთ.  ის კი, ვინც მშვიდად მსჯელობს, კვირის კომენტარებში საპატიო ადგილსაც იმსახურებს:

ლაშო - ჩემი აზრით აკობია ჯობს ტომარაძეს :) ნუ ორივე ძლიერია,მაგრამ აკობია მაინც უფრო დახვეწილია. ვიცოდი რომ არ გადაიყვანდნენ, რადგან მერე ხალხი დაიწყებდა რა ამბავია ამდენი მომღერალი,ჯეოსტარი ხომ არ არისო?! :D არ ვარ მართალი?! ასე რომ,სწორად მოიქცა ჟიური. მე პირადად, მინდოდა აკობია ფინალში ყოფილიყო…

თავისუფალი

ჯგუფი “თავისუფალი” დიდი პოპულარობით სარგებლობს, თინეიჯერებში განსაკუთრებით. მართალია პირველ და მეორე ტურებში შესრულებული სიმღერები ერთმანეთს მიასმგავსეს, მაგრამ მათი დადებითი განწყობა ასეთივე გამოხმაურებას იწვევს:

Nika Kochlamazashvili – მხიარული და რიტმული სიმღერები აქვს ამ ჯგუფს, თან მარტივი და უბრალო ტექსტებია, მაგრამ მაინც სიამოვნებით ვუსმენ. მოკლედ, მაგარი ჯგუფია :)
Teo Shvangiradze – ძალიან ერთი და იგივე მუსიკა იყო შესარჩევ ტურზე და ნახევარფინალში.

acrostyle’s fans- თავისუფალს წარმატებები, მაგრამ მისამღერი მეორდებოდა ძალიან ხშირად და ეგ არ მომეწონა უბრალოდ:D თორე თვითონ სიმღერა ძალიან სახალისოო და კარგი იყო<3

ფანდურა - რითი არრიან ეს ადამიანები მგზავრებზე ნაკლები? კარგ მუსიკას უკრავთ და კარგადაც მღერით.

რაც შეეხება ხშირად დასმულ  კითხვებს: ორი კითხვა განსაკუთრებით თვალში მხვდებოდა. ორივე მათგანი ეხება მუსიკის შემსრულებლის ვინაობას.

1. რა სიმღერა იმღერა მარიამ აკობიამ? ეს იყო:

Destiny’s Child - Survivor

http://www.youtube.com/watch?v=Wmc8bQoL-J0

2. რა მუსიკა იყო სანდრო ცისკაძის შოუს ფონი? ეს იყო:

Cee Lo Green – Forget You

http://www.youtube.com/watch?v=bKxodgpyGec

აქვე, ვუპასუხებ თორნიკე ჯანაშიას კითხვას:

თორნიკე ჯანაშია- ერთი კითხვა მაქვს კომენტარები რომ დავწერეთ და კითხვები ამათი პასუხები სად ვნახოთ? თუ არ დადებულა ჯერ?

საუბარია ამ წამოწყებაზე: რუბრიკა პერსონალური მესიჯი

პასუხები მონაწილეების შესახებ ე.წ. “ბიო” პოსტებში ჩავდეთ, რომელიც ორშაბათობით დღის მანძილზე იპოსტება. როგორც ვთქვით, “პერსონალური მესიჯი”-ს პოსტი ექსპერიმენტულ ხასიათს ატარებდა და ბოლომდე ჩამოყალიბებული ფორმატი არ იყო, ამიტომ, როგორც გამოჩნდა, უმჯობესი იყო პასუხის გაცემა ამ სახით. პერსონალური მადლობების ამსახველი ფოტომასალა არსებობს, უბრალოდ სიტუაციის გამო ყველა მათგანისთვის ფურცელზე დაწერა არ მოხერხდა(ათივე კონკურსანტთან დაკავშირებით არც იყო კითხვები და არათანაბარ სიტუაციაში ჩაყენება არ გვინდოდა), მაგრამ კომენტარები ადრესატამდე მივიდა და ახლა, როცა ჩავლილია წინა ნახევარფინალი, შეგიძლიათ იხილოთ:

Black balance პერსონალური მესიჯის წერის დროს :))

"თავისუფალი"-ს პერსონალური მადლობები :)))

ბოლოს, მადლობა ყველა კომენტარის ავტორს. განსაკუთრებით სასიამოვნოა პირდაპირი ეთერის დროს ფეისბუქზე მუშაობისას კომპლიმენტები  “ნიჭიერი”-ს გვერდის ოპერატიულობასთან დაკავშირებით და გეტყვით, რომ ეს  დიდი სტიმულია.   ჩემი “შტაბი” პირდაპირი ეთერის დროს ჟიურის მაგიდის გვერდით (გვერდით და ქვემოთ:)) ) მდებარეობს. “როგორ ასწრებ” – ძირითადი კითხვა ეს არის ამ კვირაშიც ფეიჯზე პოსტვისას.  არ ვიცი რა პასუხი გავცე, მაგრამ მთავარია, რომ ვასწრებ!<3

ჟიურის ექსკლუზიური კადრიც ზემოთხსენებული შტაბიდან:

ვანო და კოქტეილი :)

და ბოლოს, დაპირებისამებრ, ნიჭიერის ბლოგის ყველაზე აქტიურ მკითხველს, რომელიც ყოველთვის “ხაზზეა”, გვგულშემატკივრობს და საინტერესო კომენტარებსაც წერს, გადაეცემა ორი ბილეთი ხვალ, 23 მაისს “ნიჭიერი”-ის მეოთხე ნახევარფინალზე ფილარმონიაში დასასწრებად. ეს  არის:

Mari’s Got Talent :)

დამატებით ინფორმაციას ბილეთებთან დაკავშირებით ამ საღამოს მიიღებს  e-mail-ზე.

ხვალ კი ახალი შთაბეჭდილებების და ახალი კომენტარების კვირა იწყება- ხვალ ორშაბათია, ორშაბათი ნიჭიერის დღეა!

 Loading ...

“ნიჭიერი”-ს ფეისბუქზე გამოკითხვა

უი, დამავიწყდა : ) ყველაფერთან ერთად ‘ნიჭიერის’ ყოფილი მონაწილეც ვარ, ფოლკ-ჯგუფ ‘ფიცვერცხლის‘ ერთ-ერთი წევრი, გახსოვთ ალბათ  : ) წლევანდელ სეზონს კი ყურადღებით ვადევნებ თვალყურს..

პრინციპში, ვისთვის როგორ.. თუმცა, ერთზე ყველა თანხმდება: საკმაოდ კარგი შოუ გამოვიდა ორშაბათს.

ზოგადად, კასტინგსა და ნახევარფინალს შორის განსხვავება ისაა, რომ მონაწილეებმა უნდა გაიაზრონ, რომ პირდაპირ ეთერში მილიონობით ადამიანის თვალწინ უწევთ გამოსვლა და ის შეცდომები, რაც კასტინგზე იქნა დაშვებული, აღარ გაიმეორონ. ანუ, მარტივად რომ ვთქვათ, მონაწილე შემოქმედებითად უნდა გაიზარდოს კასტინგებიდან ნახევარფინალამდე. რამდენიმე მონაწილემ ძალიან კარგად გაართვა თავი ამ ამოცანას და ბევრად სანახაობრივი და შინაარსობრივი ნომერი შესთავაზა მაყურებელს.

უპირველესად სწორედ ასეთ, ‘გაზრდილ’ მონაწილეებს შევეხები..

ვისით უნდა დავიწყო, თუ არა მარიამ აკობიათი.. დიდ კომენტარს არ გავაკეთებ, უბრალოდ ვიტყვი, რომ ის 2 სეზონის განმავლობაში ‘ნიჭიერის’ ფინალის ყველაზე დიდი დანაკლისია.. სამწუხაროა.. სიამოვნებით ვიხილავდი ფინალში..

აღსანიშნავი იყო ანსამბლი ბოლნელიც, რომელმაც საკმაოდ კარგი შოუ დადგა, თუმცა მათი შრომა და ‘გამრავლებაც’ არ აღმოჩნდა საკმარისი ფინალში გასასვლელად. ნია კვარაცხელიას სახით საქართველომ კიდევ ერთი ‘ვაიმე რა საყვარელია ;;)’ ტიპის მომღერალი ბავშვი მიიღო, საკმაოდ კარგი ვოკალური და არტისტული მონაცემებით.. წარმატებებს ვუსურვებ მას და იმედია, მალე ვიხილავ რომელიმე მიუზიკლში.. : )

კარგები იყვნენ Our Style-ს მოცეკვავეებიც, თუმცა მგონი ნომრის დინამიკასთან დაკავშირებით ცოტა ზედმეტი მოუვიდათ და ცეკვა ცოოტათი გვერდით დარჩათ..

ახლა კი მონაწილეები, რომლებიც, ასე ვთქვათ, ვერ გაიზარნდნენ:

ცირა კუპრაშვილი – აქ ვანოს კომენტარიც საკმარისია:

ექიმთან უნდა წავიდე? O_o

Black Balance – პირველ ტურშიც არ მომეწონა მაინცდამაინც მათი გამოსვლა, აზრი ნახევარფინალმაც ვერ შემიცვალა.

რაც შეეხებათ ფინალისტებს და ‘საქართველოს ბანკის’ რჩეულს

მოხუცები კათარზისიდან – არც ამაზე მინდა ბევრი საუბარი.. გვიყვარს ქართველ ხალხს ემოციები. გამოსვლა მართლაც ემოციური იყო და შედეგიც გასაგებია. ვულოცავ მათ და წარმატებას ვუსურვებ.

სანდრო ცისკაძე (c) nichieri.ge

ყველაზე ღირსეული არჩევანი ამ დღეს ჟიურიმ გააკეთა – სანდრო ცისკაძე გაიყვანა ფინალში.. არ ვიცი უსხია თუ არა რამე განსაკუთრებული ამ კაცს ჭიქებში, რომლითაც ჟიურის კოქტეილებს ურიგებს, მაგრამ ფაქტია, რომ მას წარმატების ფორმულა აქვს. სანდროს ნომერი უდავოდ ერთ-ერთი საუკეთესო და ყველაზე კრეატიული იყო ამ ორშაბათს.. სავსებით აკმაყოფილებდა ჩემს კრიტერიუმს ‘გაზრდის’ შესახებ..

აი ‘თავისუფალი’ კი, მგონი მაინც ვერ გაიზარდა.. გასაგებია, რომ ხალხს მოსწონს ასეთი სტილის მუსიკა. ისიც გასაგებია, რომ მარტივია და ადვილად გამახსოვრდება.. ნურც ვანოს კომენტარს მივიღებთ მხედველობაში, არეულ რიტმზეც არ ვამბობ არაფერს, არც მითუმეტეს პირადი ანტიპატია მაქვს ჯგუფის მიმართ, პირიქით.. მაგრამ რეალურად, პირველ და მეორე სიმღერას შორის განსხვავების პოვნაა რთული..

თუნდაც, ტექსტები განვიხილოთ:

პირველი ტური:

ამ ქალაქში სიყვარულს ელიან

ეს ქალაქი ვარდისფერია

აქ ცხოვრება ცოტათი ძნელია

და სიცოცხლე მშვენიერია

ეს სიყვარული ისეთი ვრცელია

ჩვენი ოცნება სულ სხვა ფერია

მზე თითქოს მელნისფერია

ხალხი ხომ ბედნიერია

მისამღერი:

ლალა ლალა ლალა ლალა ლა

ნახევარფინალი:

ყოველი დილა იწყება იმედით

უნდა ვიოვნებოთ კვლავ

მზის სხივებს მხოლოდ ერთი ფერი აქვთ

ეს სიყვარული მხოლოდ ჩვენია

ზეცას ხომ ლურჯი ფერი აქვს

გულწრფელ სიყვარულს თქვენგან ველით

აქ ყოველი წუთი მშვენიერია.

მისამღერი:

პამ პამ პარამ პა რა რა

ზედმეტ კომენტარს აღარ გავაკეთებ, ისედაც ბევრი შემედავება, შემეკამათება და შეიძლება უარესიც.. anyway, ეს ჩემი აზრია..მეტი რაღა ვთქვა,  დანარჩენისთვის თინის პოსტი იხილეთ დეტალური და თავისებური, ჯიგრული ანალიზით..

ველი თქვენს გამოხმაურებებს კომენტარებში..

დროებით : )

“რა საჭიროა სამშაბათი, ოთხშაბათი, ხუთშაბათი…”

ორშაბათს “ნიჭიერი”-ს მეორე სეზონის III ნახევარფინალი ჩატარდა. ყოველგვარი შესავლის გარეშე, კონკურსანტები:

Black Balance

without talking!

კოპირება, როგორც წესი, ცუდია, მაგრამ არის შემთხვევები, როდესაც  ორიგინალში დახარჯულ შრომას და ნიჭს არ ჩამოუვარდება. ეს დუეტი ჩემთვის ამის მაგალითი იყო ქასთინგზე და ძალიან გამიხარდა, რომ ნახევარფინალში საკუთარი დადგმული ნომერი წარმოადგინეს, ამით დაამტკიცეს, რომ კიდევ ბევრი შეუძლიათ.

ვერ ვიტყვი, რომ ყველაფერი იდეალურად იყო- რამდენიმე მომენტში გადაუხვიეს ლოქინგიდან, მაგრამ ნომერი იყო კარგად აწყობილი, მრავალფეროვანიც და იუმორის ჩართვაც მოუხდა.

კარგი იქნება, თუ განაგრძობენ ვარჯიშს, კიდევ უფრო მეტს იმუშავებენ. ვიცი, რომ ბევრი სირთულე აქვთ პირობებთან დაკავშირებით- ერთ-ერთის სახლში მეცადინეობენ, სადაც ძალიან პატარა ფართობია და ლოქინგის გარდა, ცეკვის სხვა მიმდინარეობის დამუშავება შეუძლებელიც კია, მაგრამ იმის აღმოჩენა, რომ  თავადაც შეუძლიათ შექმნან, უკვე დიდი წინ გადადგმული ნაბიჯია.

ჯუმბერ ნოზაძე

ჯუმბერ ნოზაძის ნომერს  დადებითად ვერ შევაფასებ. უბრალოდ, როგორც ვანომ თქვა,  საინტერესო და კარგი პიროვნებაა. ისე, “შტვენაში დეტონაცია” არ ვიცი, მაგრამ რეპეტიციებზე უკეთესად მღეროდა. სცენაზე რომ გამოვიდა, ძალიან ნერვიულობდა აშკარად და სავარაუდოდ ამ ნიადაგზე ხმაც ჩაუწყდა. მეც დარწმუნებული ვარ, რომ მეუღლე ამაყობს და ნახევარფინალში, სიმღერის გამო თუ არა, ამის გამო მაინც ღირდა მისი ნახვა:))

“ბოლნელი”

ეს ანსამბლი ქასთინგზეც ძალიან მომეწონა, მახსოვს, რომ კარგად დაკვრის გარდა, სანახაობაც საკმარისი დოზით იყო. ნახევარფინალში კი იმდენი რამ ხდებოდა სცენაზე, ზოგ მომენტში არ ვიცოდი რომლისთვის მიმექცია ყურადღება. მომეწონა თანამედროვე ელემენტები, რეკვიზიტების მრავალფეროვნება და ქორეოგრაფია. ამდენი დოლის ხმა რომ ერთხმად ჟღერს, ესეც დადებითია.

სანდრო ცისკაძე

“თმა შეიჭერი, თუ შეგეტრუსა?” - გეგა

როგორც გეგამ აღნიშნა, სანდროს ნახევარფინალში გადაყვანა ყველაზე სარისკო იყო. საერთოდ, ამ ჟანრისთვის თავიდან  დიდი ყურადღება არც მიმიქცევია და ალბათ მაყურებლების დიდი ნაწილიც ასე იყო განწყობილი. შევნიშნე კიდეც “ბარმენს რა უნდა ნახევარფინალში” ტიპის კომენტარები, მაგრამ, ვფიქრობ, დამტკიცდა ჟიურის გადაწყვეტილების სისწორე მისი ნომრით. ამ ათეულში ყველაზე დახვეწილი, ორიგინალური და ჟანრობრივად უცხო  იყო.  მოხარული ვარ, რომ ჟიურიმ მის სასარგებლოდ გააკეთა არჩევანი და არ მეპარება ეჭვი იმაში, რომ ფინალში უკვე არაფერია სარისკო. თავის საქმე კარგად იცის და კიდევ ერთი განსხვავებული ჟანრის შოუ გველოდება!

ნია კვარაცხელია

“ნიჭიერის მერი პოპინსი” – მე

ნიას ქასთინგისგან განსხვავებული არაფერი “ჩაუდენია”, მაგრამ მიუზიკლის ჟანრი ძალიან უყვარს და კარგია, რომ ასეთ პატარა ასაკში უკვე ზუსტად იცის რა უნდა.  ქასთინგთან შედარებით ბევრსაც მოძრაობდა, რაც რთულია სიმღერის დროს და ამის გამო შესრულებაში ხარვეზები არ გაპარვია. საერთოდ, ძალიან დახვეწილი სტილი აქვს და როგორც სოფომ თქვა, ნომერზე მთლიანობაში ფიქრობს და თანაბრად აქცევს ყველა დეტალს ყურადღებას.

კათარზისის დუეტი

“არ გვეგონა ჩვენ, თუ ამ ასაკში რაიმე ბედნიერების მომსწრე გავხდებოდით. თურმე შეიძლება იყო მოხუცი, გქონდეს ბევრი ჭაღარა, მაგრამ ხალხს მაინც უყვარდე.”

კათარზისის დუეტის ფინალისტობა დიდი მითქმა-მოთქმის საბაბი გახდა. ვერ გეტყვით, რომ მე აღვფრთოვანდი მაყურებლის გადაწყვეტილებით, გულიც დამწყდა რამდენიმეზე სხვა მონაწილის ვერ გადასვლის გამო, მაგრამ ნაკლებად ველოდი ასეთ კომენტარებს. ხშირად უცენზურობაში გადასული გაბრაზება შეინიშნება, რაც ვთვლი, რომ რბილად რომ ვთქვათ, არასწორია.

მესმის, რომ ფინალისთვის ღირსეული კანდიდატი ამ ათეულში იყო სხვა რამდენიმეც, მაგრამ რა კრიტერიუმით არ უნდა ვცეთ პატივი ასეთი ასაკის ადამიანებს, რომლებიც შესაძლებლობებთან შეფარდებით კარგად მღერიან, ემოციურიც არის და ფინალშიც ბევრი არაფერი მოაკლდება შოუს იმიტომ, რომ ემოციები ერთ-ერთი მთავარი შემადგენელი ნაწილია ნიჭიერის. თუ ვამბობთ, რომ ეს არის შოუ ასაკის საზღვრების გარეშე, უნდა გვესმოდეს, რომ ასეთი შემთხვევები იქნება.

წინა სეზონში, ხშირად ვბრაზდებოდი მაყურებლის გადაწყვეტილებაზე. წელს მშვიდად ვხვდები იმ ფაქტს, რომ გადაწყვეტილებას იღებს აქტიური უმრავლესობა.

Our Style

Our Style-ს მძღოლის სიზმარი (თუ კოშმარი) გაცილებით მკაცრ შეფასებებს იმსახურებდა, ვიდრე ჟიურისგან მიიღეს. ძალიან ბევრი სუსტი მხარე ჰქონდათ: ტექნიკა ყველას ერთ დონეზე არ აქვს განვითარებული, რაც მკაფიოდ ჩანს დიდი დაკვირვების გარეშეც. არის რამდენიმე ძლიერი, მაგრამ დანარჩენების სისუსტეს ისინი ვერ ფარავენ. სინქრონიც არ იყო  კარგი.

შინაარსს და ფილოსოფოსობას რაც შეეხება, ცეკვის ჯგუფი რომ გქვია, მეტი კონცენტრაცია ქორეოგრაფიაზე უნდა გაკეთდეს. იდეა კი იყო კარგი, მაგრამ  მთელი ამ სპექტაკლის  გამო, როგორც ვანომ აღნიშნა, ნაკლებად ცოცხალი ნომერი გამოვიდა.  3 წუთიან ნომერში რომ  2 წუთი  პულსის გასინჯვას უნდები, იმას არ ნიშნავს, რომ იცეკვე… იმედი მაქვს განაგრძობენ თავიანთ საქმიანობას, ხელს არ ჩაიქნევენ და ამ საკითხს მომავალში დიდ ყურადღებას დაუთმობენ. ცეკვაში ქორეოგრაფია ყველაზე მთავარი ასპექტია.

ცირა კუპრაშვილი

აი ცირა კი პირიქით, ასეთ სიმკაცრეს არ იმსახურებდა. თუმცა შეფასებები სწორი იყო იმ კუთხით, რომ “მტრედის გაცოცხლება, რომელიც მანამდეც ცოცხალი იყო” და მარტივი ნახატის დახატვა, დიდი სანახაობა არ არის და დროშიც გაწელილი გამოდის. ჩემთვის ქასთინგზე ნანახი სტილი უფრო საინტერესო იყო და როგორც შოუ –  უკეთესად აღქმადი . ვფიქრობ, ცირა საზოგადოების დამოკიდებულების გამო გამოვიდა შეცვლილი იმიჯით, თორემ უფრო სანახაობრივი ნომერი შეეძლო შემოეთავაზებინა.

მარიამ აკობია

მარიამ აკობიას სიმღერის არჩევანი და განსხვავებული სტილი ძალიან მომეწონა. საერთოდ, ყველა კონკურსში, ერთი და იგივე ტენდენციაა ხოლმე სიმღერების არჩევანის კუთხით. უხეშად რომ ვთქვათ, არსებობს “გაცვეთილი საკონკურსო სიმღერები“, რომელსაც ყველა ქვეყანაში, ყველა კონკურსის ყველა სეზონზე გამუდმებით ასრულებენ. მაგალითისთვის: Christina aguilera- hurt, Beyonce – Listen,   Alicia Keys – Fallin, Witney Houston- I will always love you და ა.შ. ქასთინგზე რომ ამ სიმღერებით მოდიან, დიდად აღფრთოვანებით არ ვხვდები. გამიხარდა, რომ მარიამმა ნახევარფინალშიც ასეთი სიმღერა არ აირჩია, თან მოძრაობდა (ეს ჩემი სუსტი წერტილია.  რაც არ უნდა კარგად მღეროდეს, თუ სიმღერის სტილში ჯდება, რიტმი ხელს უწყობს და მაინც დაპაუზებული კადრივით დგას მომღერალი, ყოველთვის უარყოფითად ვაფასებ), თანაც შესრულების მანერა ძალიან POP star-ული აქვს.  რაც შეიძლება ფინალში გადაყვანას, ვფიქრობ, წარმატების მიღწევა მაინცდამაინც ფინალში მოხვედრა არ არის. “ნიჭიერი”-ს ყველაზე დადებითი “თვისება” ის არის, რომ თუ ერთხელ აღმოგაჩინა, მერე დაკარგვას არ ექვემდებარები :)

თავისუფალი

“თითქოს არ მაქვს მოსმენილი, მაგრამ სადღაც მაქვს მოსმენილი.”-ვანო

გეგას წოდებით “ქართული ეთნო პოპ-როკი” ძალიან პოპულარული მიმდინარეობაა დღესდღეობით საქართველოში. ვფიქრობ, “თავისუფალი”-ს სტილი ზუსტად არის მორგებული ამ ტენდენციას. მართალი გითხრათ, პირველი სიმღერის შემდეგ მეორე ცოტა “ერთნაირად” ჟღერდა, ვანიკომ რომ გამოაცხადა სიმღერ-სიმღერით, მეგონა შეეშალა და რეპეტიციაზე მოსმენილი ახალი სიმღერა შემოემღერა, მაგრამ მერე მივხვდი, რომ ძველიდან იყო ნაწყვეტი.

ინსტრუმენტების ბალანსი ამჯერად უკეთესი იყო, ერთიანად ჟღერდნენ. მოკლედ, ვფიქრობ, რომ თუ ერთხელ შეძლეს ისეთი სიმღერის დაწერა, რომელიც ყველას დაამახსოვრდა და პრინციპში, გაჰიტდა, კიდევ შეძლებენ. მთავარია, რომ სტილი შეინარჩუნონ ოღონდ ისე, რომ მელოდიები და ტექსტები ერთმანეთს არ ჰგავდეს.

შემდეგ ორშაბათს:

ამ ათეულზე დიდ იმედებს ვამყარებ :)

ბოლოს, ფავორიტი კადრი:

ჯუმბერ ნოზაძე:

ჯუმბერ ნოზაძე- ნახევარფინალი by nichieri2

ნია კვარაცხელია:

ნია კვარაცხელია- ნახევარფინალი by nichieri2

კათარზისის დუეტი:

კათარზისის დუეტი- ნახევარფინალი by nichieri2

მარიამ აკობია:

მარიამ აკობია- ნახევარფინალი by nichieri2

თავისუფალი:

“თავისუფალი”- ნახევარფინალი by nichieri2

შეგახსენებთ, რომ აქვე მოსმენის გარდა,  შეგიძლიათ გადმოწერაც- ამისათვის გადადით შესაბამის ლინკებზე და დააჭირეთ: