გავიდა კიდევ ერთი კვირა “ნიჭიერი”-ს ბლოგისა და ფეისბუქის ცხოვრებაში! შესაბამისად, შეგვიძლია, აწ უკვე ტრადიციულად, შევაჯამოთ ამ ხნის მანძილზე კომენტარების მთავარი თემები, კითხვები და სახალისო, თუ საუკეთესო კომენტარები.
ფეისბუქზე Backstage-ს ალბომი ნახევარფინალებთან ერთად განახლდა და ნახევარფინალების მანძილზე აქტიური იქნება : )
ვანიკო რეპეტიციაზე
წელს წამყვანები განსაკუთრებით მხიარულები არიან პირდაპირ ეთერში. მათ მოიმარაგეს ხბო, ტანვარჯიშის რეკვიზიტები, ნამგალი, მარიონეტის თოკები- მოკლედ, ყველაფერი იმისათვის, რომ სათანადოდ “ემასპინძლათ” სცენაზე კონკურსანტისათვის! ლაივის შემდეგ კი იხილეთ ერთ-ერთი ჩვენი მომხმარებლის შთაბეჭდილება:
Lika Gomelauri- მემგონი ვანიკო და თიკა უფრო საფუძვლიანად მოემზადნენ, ვიდრე კონკურსანტები:))
ამ სეზონზე, განსაკუთრებულ საგანგებო რეჟიმში მუშაობს ჩვენი ფეისბუქი – ვინაიდან ფილარმონიის საკონცერტო დარბაზში ინტერნეტის საშუალებაა, იქაურ ამბებს მთელი ორშაბათის მანძილზე ვუზიარებთ ჩვენი გვერდის მომხმარებლებს. პირდაპირი ეთერის დროსაც, მონაწილეების ნომრის ამსახველ კადრებს რამდენიმე წუთში ვაშეარებთ, რის გამოც კომპლიმენტებიც დავიმსახურეთ:
პირდაპირ ეთერში განსაკუთრებული ემოციაა, უფრო დაძაბულობაა, განსაკუთრებით ბოლო 45 წამის მანძილზე და იმ ორი წუთის განმავლობაში,როცა ჟიურისაც თავის გადაწყვეტილება უნდა მიეღო, ამ დროს გულშემატკივრობენ ფავორიტებს და მათთან ერთად ნერვიულობენ : ) ამ წუთების მანძილზე ერთ-ერთმა ბლოგერმა,თავისუფალი სიტყვის ბლოგის ავტორმა, კადრიც დაგვიდო გადაცემიდან კომენტარითურთ:
მას შემდეგ, რაც “ეს ემოცია” შესაბამისად დაფასდა, შედეგებიც ცნობილი გახდა, მონაწილეებსაც სწერდნენ:
ნიკოლოზ სუმბაძე Acro Style-ს ვუსურვებ თურქეთში მიღვაწეობის საქართველოში მოღვაწეობით შეცვლას და სამშობლოში ფეხის მოკიდებასთან ერთად მრავალ გასტროლს უცხოეთში!!!!
Alex Turdzini დრამის ბიჭები, მომწონს, კარგი ბავშვები არიან, ასევე ანა და თემო, აკრგად ცეკვავენ, ორივე ცეკვა კარგი დადგმული ქონდათ. თათია დონაძე – მართლაც რომ ნიჭიერი გოგოა(არამხოლოდ ნიჭიერი :) ) ნეტარი სახით ვუყურებდი მის გამოსვლას, ძალიან ლამაზი საყურებელი იყო. ნიცა, ნიცას ბევრი ლაპარაკი არ უნდა, ის უბრალოდ უსაყვარლესია ♥ მიხარია რომ ასეთი ბავშვები გვყავს ჩემი უდაო ფავორიტი ამ გადაცემიდან არის Acro Style მართლაც რომ მათ უნდა გაემარჯვათ, ასეთი რამე საქართველოში არასდროს არ მინახავს და ასეთი ხალხი თურქეთში არ უნდა დადიოდეს სამუშაოდ და ყველაზე მეტად რაც მეწყინა, ბახვა დაიჩაგრა. ფული რომ მოქნდეს, მე გავუხსნიდი ამ კაცს თეატრს და დიდი სიამოვნებით ვივლიდი”
და ადამიანი, რომელსაც სავარაუდოდ ყველა მოეწონა! :D
Giorgi Tsereteli მე ათივეს დავუმესიჯე :D
ახლა კი, შეფასებები, ზოგი ფეისბუქიდან და ზოგი ბლოგიდან მონაწილეების მიხედვით:
დრამის ბიჭები
დრამის ბიჭებმა ბევრი კომპლიმენტი დაიმსახურეს. ყველა ითვალისწინებდა მათ ასაკს და ისე აფასებდნენ:
Sopho Bakuradze ასეთი პატარები და ასეთ ტემპში, რიტმში, თან საკრავების ცვლაში… მე ვთვლი, რომ პატარა ბიჭებისთვის ეს ძალიან ბევრია!
Ana Abesadze რა მაგარი ბავშვები არიან, დიდი მომავალი აქვთ : )
ბახვა წერედიანი
ბახვას შრომას ყველა დადებითად აფასებს. კომენტარების მიხედვით, დაზუსტებით შეგვიძლია ვთქვათ, რომ თუ ბახვა თავის მიზანს მიაღწევს და თეატრს დააარსებს, ბევრი მაყურებელი ეყოლება!
Mari Danelia დიდი შრომა აქვს ჩადებული ნამდვილად.
Nia Asatiani ვგულშემატკივრობ! ნამდვილად ძალიან ნიჭიერია, უსამართლობაა, ქუჩაში რომ გააგრძელონ მოღვაწეობა ბახვამ და მარიონეტებმა.
Nukri Baiashvili ძალიან კარგი კაცია. ძალიან ძნელი ნომერი გვაჩვენა მართლა. ერთდროულად რამდენ მოძრაობას ასრულებინებდა გამიკვირდა. ბრავო ბრავო!!! :))
ანა და თემო
ანას და თემოს რაც შეეხება, უმეტესობას მათი ბავშვური იმიჯი და ქასთინგის შოუ მოეწონა:
Oto Davitashvili ძალიან დიდი იყო ფონოგრამაში სიტყვიერი პაუზა, რამაც ალბათ მაყურებლის გადაღლა გამოიწვია.
ნიკოლოზ სუმბაძე ეს პირველ ტურში უნდა ეცეკვათ და ის რაც პირველში იცეკვეს, პირველ ნახევარფინალში :D:D უკუღმა გამოუვიდათ
Gvantsa Davitashvili აშკარად წინა ჯობდა. მათში სწორედ ის მოეწონა ხალხს, რომ ცეკვას შინაარსი ჰქონდა. გამიცრუვდა იმედი, რაღაცნაირად უფრო მაგარ ნომერს ველოდი.
Keti Svanidze ძალიან ლამაზი ცეკვა იყო, არაჩვეულებრივად დადგმული და შესრულებული.
თათია დონაძე
თათიამ შთაბეჭდილების ქვეშ დატოვა მაყურებელი- ზოგმა “ჰაეროვანს” პირდაპირი მნიშვნელობით მოუძებნა ახსნა,ერთ-ერთმა კი მისი მოქნილობა და ელასტიურობა ძალიან სახალისო კომენტარით შეაფასა! :))
Eka TinikaSvili ეს გოგო, მგონი ჰაერიდან მოფრინდა.
Giorgi Modebadze “რეალურად ეს იყო მართლა კარგი ნომერი და ეს არის მართლა ჩვენი გამარჯვება და ჩვენი მიღწევა, მე მინდა გითხრათ ეს გამარჯვება არის ძალიან ნიშნელოვანი, რადგან ჩვენი ქვეყნის პოლიტიკა უნდა იყოს თათია დონაძესავით მოქნილი და ელასტიური, სწორედ ამიტომ დონაძე და ეკონომიკა პირდაპირ არიან ერთმანეთთან მიბმული და ეს ძალიან ნიშნელოვანია”
Water Lilly
water lilly-ს ხარვეზები ყველამ აღნიშნა,მაგრამ, რა თქმა უნდა, წარმატებებს უსურვებენ და ფიქრობენ, რომ პოტენციალი აქვთ:
Lamuna Gegeshidze სოფო თავიდანვე ამბობდა ეს ჯგუფი ნახევარფინალში არ უნდა გადავიდესო. გამიკვირდა რომ გადაიყვანეს, მაინც მეგონა, რომ უკეთ იმღერებდნენ, შესარჩვზე ბევრად უკეთ მღეროდნენ და ასეთი ცუდიც არ მეგონა თუ იქნებოდა.
Lel Cobain დრამერი ყავდათ უძლიერესი, ბასიც და გიტარაც კარგად უკრავდა. ვოკალს ჭირდა რაღაც, არ ვიცი რა, იმიტომ, რომ კარგად მღერიან და დღეს ხარვეზი იყო შესამჩნევი. p.s. punk rock means freedom – Kurt Donald Cobain.ნიჭიერით არ იწყება და არ მთავრდება, ბავშებო, უნიჭიერესები ხართ.
ჰერელი გოგონები
ჰერელი გოგონების კონცერტზე მოხვედრის სურვილიც გამოთქვეს და ზოგ გაურკვევლობას ერთი ხელის მოსმითაც გასცეს პასუხი!
დავითი ძალიან კარგები ხართ, ძალიან ნიჭიერები და გასაფრთხილებლები.
იმდენად ნასიამოვნები ვიყავი თქვენი ყურებით და მოსმენით, რომ სიამოვნებით დავესწრებოდი თქვენს გალა კონცერტსაც. ალბათ მომავალში აუცილებლად მექნება ფილარმონიში თქვენი კონცერტის ხილვა
Luka Davitashvili არა ცუდი არ იყო პირიქით უბრალოდ რაღაც აკლდა
Teo Shvangiradze რა აკლდათ და ცელი. ნამგალი კი ჰქონდათ :)
ნამგალი!
უნდა აღინიშნოს, რომ Acro Style-ს ნომრის დროს მეტყველების, უფრო სწორად, კლავიატურაზე აზრის გადმოტანის უნარი ბევრს წაერთვა და ემოციები ძირითადად ერთ ბგერიანად გამოიხატებოდა:
და ა.შ.
ასეთი იყო გასული კვირა, ხვალ, ორშაბათს, ახალი ემოციები, ახალი შთაბეჭდილებები და ნახევარფინალების მეორე ათეული “გადმოგვეცემა” განსახილველად!
Loading ...