ეს იყო არა მხოლოდ გრანდიოზული შოუ, არამედ უპრეცედენტო დაჯილდოებაც, რაც კი ამ პროექტის ფორმატის ანალოგებს უნახავთ. რა თქმა უნდა, ბრიტანეთის, ამერიკის და სხვა დიდი ქვეყნების საპრიზო ფონდი ბევრად მეტია, მაგრამ უნდა აღინიშნოს, რომ იქ მხოლოდ გამარჯვებულს ერგება ეს ყველაფერი. ბრიტანეთს და ამერიკას თუ არა, ჩვენზე ბევრად დიდ ევროპის ქვეყნებს კი ნამდვილად აღემატებოდა პრიზების რაოდენობა და შეიძლება ითქვას, თორმეტივე კონკურსანტმა გამარჯვებულის რანგში დატოვა ნიჭიერის სცენა!

პრიზები:

• ლენკა ზვიადაძე -რადიო ფორტუნას სერტიფიკატი და iPad
• ლურჯი იალქანი – რადიო “არ დაიდარდოს” პროდიუსერობა, მათი ხმის ჩამწერი სტუდიით სარგებლობა და სიმღერების პოპულარიზაცია 1 წლის განმავლობაში. ასევე 5000 ლარი, კომპანია “ბარამბოსგან”, მუსიკალური ინსტრუმენტების შესაძენად!
• თსუ არტ – პროდიუსერობა “პრაიმ თაიმისგან” 1 წლის განმავლობაში.  ანდროიდის სისტემაზე მომუშავე სმარტფონები და  უფასო საუბარი ჯეოსელის ქსელში ერთი წლის განმავლობაში ჯეოსელისგან.
• ოთო ბუაძე – ლეპტოპი Myvideo.ge-სგან
• ელიტ ელექტრონიქსმა ფოტოაპარატებით დააჯილდოვა თითოეული, მაგრამ რჩეულებად დაასახელა მარიამ დალალიშვილი და ლუკა სვანიძე, რომლებსაც დამატებით ლეპტოპები ერგოთ.

თუმცა, ეს მხოლოდ შესავალი იყო და მთავარი სიურპრიზი ფინალისტებმა შედეგების გამოცხადებამდე სულ რამდენიმე წუთით ადრე გაიგეს-  საქართველოს ბანკი უკვე ორი წელია ნიჭიერის მხარდამჭერია და შესაბამისად, მხარს უჭერს ნიჭის განვითარებას საქართველოში. ამის გამო, შეიქმნა ნიჭის განვითარების ფონდი, რომელშიც ჩარიცხული იყო 180 000 ლარი. თორმეტივე ფინალისტი დაჯილდოვდა 10 000 ლარით!!!

გარდა ამისა, ბანკმა დაასახელა თავისი რჩეული და ეს გახდა აკრობატი გოგონების ჯგუფი  - აკრობუმი, რომლებსაც დამატებით 20 000 ლარი გადაეცა.

ფონდიდან მთავარი გამარჯვებულისთვის 40 000 ლარი იყო განკუთვნილი, შესაბამისად, გამარჯვებულს 50 000 ლარი ერგო!

გარდა ამისა, ჟიურიმ დაასახელა თავისი ფავორიტი. ამ შემთხვევაში, მაყურებლის და ჟიურის არჩევანი დაემთხვა – ავტომობილი ჟიურისგან გადაეცა ნონა გიუნაშვილს!

კონკურსანტების მხარდასაჭერად, სულ შემოვიდა 93 163 ზარი. მათი უმრავლესობა კი ერგო ნონა გიუნაშვილს და სწორედ ის გახდა ქვეყნის ყველაზე ნიჭიერის ტიტულის მფლობელი.გამარჯვებული დაჯილდოვდა სასტუმროს ნომრით ორბი ჯგუფისგან, ავტომობილით ჟიურისგან და 50 000 ლარით საქართველოს ბანკისგან.

ხმები პროცენტულად ასე გადანაწილდა:

• ნონა გიუნაშვილი – 28,2%
• ლურჯი იალქანი – 14,1%
• ლუკა სვანიძე – 12,8%
• დაიმონდსი – 9,1%
• ალიგატორი – 8,7%
• აკრობუმი – 6,4%
• ნინიკო კახაძე – 5,4%
• მარიამ დალალიშვილი – 4,7%
• ოთო ბუაძე – 4%
• ლენკა ზვიადაძე – 2,9%
• Dream Walkers – 2,4%
• თსუ არტ – 1,3%

შოუს დამთავრების შემდეგ პროდიუსერის და ჟიურის შეფასება ასეთია:

“ამას წარმატებით დასრულება აღარ ჰქვია, ამას ჰქვია ბედნიერი დასასრული პირდაპირი, გადატანითი და გლობალური მნიშვნელობით. ასეთი ფინალი არც ერთ შოუს არ ჰქონია ქართულ ტელესივრცეში და საერთოდ, მემგონი ნიჭიერის ისტორიაში – ჩვენზე ბევრად დიდ ქვეყნებში, ამ რანგის პრიზები არ ყოფილა. ასეთი გრანდიოზული ემოციებით ეს სატელევიზიო ისტორიაში შევა როგორც ერთ-ერთი პირველი ასეთი შემთხვევა. მე ბედნიერი ვარ, როგორც თითოეული კონკურსანტი იმ პრიზებით და იმ სიხარულით, რაც მათ გაიზიარეს დღეს სცენაზე.”  - გიორგი ხაბურზანია

“შემიძლია ვთქვა, რომ მართლა არაჩვეულებრივი, მართლა განუმეორებელი და ძალიან ძალიან ემოციური ფინალი იყო იმიტომ, რომ არაჩვეულებრივი მონაწილეები გვყავს ყველა ჟანრის, ყველა დარგის. მინდა ვთქვა, რომ წლევანდელი ნიჭიერი არა მარტო შედგა, არამედ გადააჭარბა რაც კი აქამდე იყო ნიჭიერსაც და ალბათ, ყველა დანარჩენ პროექტსაც.” - გეგა ფალავანდიშვილი

“მე პირდაპირ ეტყვით, რომ დღევანდელი ფინალი იყო ყველაზე მაგარი შოუ, რაც მე მინახავს ქართულ ტელესივრცეში. არ ველოდი და ახლაც ემოციების ქვეშ ვარ. აღფრთოვანებული ვარ დღევანდელი საღამოთი!

ისეთი სოლიდური პრიზები იყო, რომ ასეთი არ ყოფილა არც ერთ ტელე შოუში.

დღევანდელი გამარჯვებულით, რა თქმა უნდა, კმაყოფილი ვარ იმიტომ, რომ ის მართლაც ფავორიტი იყო” – ვანო ჯავახიშვილი

“მე ძალიან ბედნიერი ვარ დღევანდელი დღე რომ ასე ლამაზად ჩატარდა. ამ დღეს მართლა მთელი საქართველო ელოდა! მინდა კიდევ ერთხელ გავიმეორო, რომ დღევანდელი შოუს შემდეგ მე მართლა დავრწმუნდი, რომ ქართველები არიან ყველაზე ნიჭიერები და ეს ხდება აქ, საქართველოში, ჩვენთან, ჩვენს უსაყვარლეს ქვეყანაში და ბედნიერი ვარ, რომ ასეთი შოუ არსებობს, სადაც ყველა ნიჭი ფასდება” – სოფო ნიჟარაძე

პროექტის გუნდი კიდევ ერთხელ ულოცავს გამარჯვებულს და მადლობას უხდის მაყურებელს იმისთვის, რომ მთელი ამ ხნის მანძილზე, ყველაზე რეიტინგული პროექტის საუკეთესოთა შორის საუკეთესო მონაწილეების გამოვლენაში შეჰქონდათ წვლილი და მათვე აირჩიეს ქვეყნის ყველაზე ნიჭიერი ადამიანი, მხატვარი ნონა გიუნაშვილი

• მარიამ დალალიშვილი – 0 900 100 101
• ალიგატორი – 0 900 100 102
• ნინიკო კახაძე – 0 900 100 103
• ნონა გიუნაშვილი – 0 900 100 104
• ოთო ბუაძე – 0 900 100 105
• ლურჯი იალქანი – 0 900 100 106
• Dream Walkers – 0 900 100 107
• თსუ არტი – 0 900 100 108
• დაიმონდსი – 0 900 100 109
• ლუკა სვანიძე – 0 900 100 110
• აკრობუმი – 0 900 100 111
• ლენკა ზვიადაძე – 0 900 100 112

ფინალი 25 ივნისს შედგება.

მარიამ დალალიშვილი – 0 900 100 101

ალიგატორი – 0 900 100 102

ნინიკო კახაძე – 0 900 100 103

ნონა გიუნაშვილი – 0 900 100 104

ოთო ბუაძე - 0 900 100 105

ლურჯი იალქანი - 0 900 100 106

Dream Walkers - 0 900 100 107

თსუ არტი - 0 900 100 108

დაიმონდსი - 0 900 100 109

ლუკა სვანიძე - 0 900 100 110

აკრობუმი - 0 900 100 111

ლენკა ზვიადაძე - 0 900 100 112

ჯგუფი 1993 წელს, გერმანიაში, ქალაქ ბერლინში ჩამოყალიბდა კადირ მემიშის (“ამიგო”) და ვარტან ბასსილის მიერ. მისი წევრები არიან:

“ამიგო” – კადირ მემიში
“ბენი” – ბენი კიმოტო
“KC-1” – ხალედ ჩააბი
“ლილ’ ჩენგი” – გენგის ადემოსკი
“ლილ’ შტეფი” – შტეფანი ნგუიენი
“მიკელი” – მიქაელ როზემანი
“ვარტანი” – ვარტან ბასსილი
“ლილ როქი” – ნირანი
“ბრაჰიმი” – ბრაჰიმ ცაიბატი

მათი ცეკვის სტილებია : ბრეიქდანსი, ლოქინგი, პოპინგი, ბოლო დროს ასევე მათ რეპერტუარში ასევე შევიდა ჰიპ-ჰოპი და ჰაუსი.

ჯგუფმა რამდენჯერმე მოიპოვა გამარჯვება საერთაშორისო შეჯიბრებაში “Battle Of the Year” და “Red Bull Beat Battle”.

თავისი კარიერის განმავლობაში, ჯგუფმა, ცეკვის გარდა, ჩამოაყალიბა თავისი მუსიკალური ლეიბლი, ჩაწერა რამდენიმე ვიდეო კლიპი და მუსიკალური ალბომი. ასევე მათი ხელმძღვანელობით შეიქმნა რამდენიმე კომპიუტერული თამაში, რომელიც ბრეიქდანსს შეეხება და ცეკვის სკოლა ბერლინში. დღეისათვის ისინი ითვლებიან თავის სტილში ერთ-ერთ ყველაზე წარმატებულ ჯგუფად.

2010 წელს, კრისტოფერ ჰაგელის ხელმძღვანელობით, მოცეკვავეებმა შექმნეს ახალი პროგრამა Red Bull Flying Bach, რომელშიც ჯგუფი ცეკვავს იოსებ სებასტიან ბახის მუსიკაზე. ამ წარმოდგენისთვის, გუნდმა სპეციალური ჯილდოც კი მიიღო.

შეგიძლიათ მოინახულოთ Flying Step-ის საიტი და გაიგოთ მეტი მათ შესახებ. გარდა ამისა შეგიძლიათ შეუერთდეთ მათ გვერდს ფეისბუქზე.

რაც შეეხება მონაწილეებს, ნახევარფინალი ანსამბლმა “ვეგამ” გახსნა, რომელსაც “დრამ სქულის” მრავალფეროვან ინსტრუმენტებიანი ნომერი მოჰყვა. ამის შემდეგ,  აკრო ბუმის გოგონებმა, ყველას დაუმტკიცეს, რომ სამ გოგონას, ძალიან დინამიური, ურთულესი და სანახაობრივი შოუს გაკეთება შეუძლია. “ზღაპრული შოუ” – ასეთი შეფასება გაუკეთა მათ სოფო ნიჟარაძემ. როგორც ჩანს, ჟიურის და დარბაზის შეფასებებს მაყურებლის აზრიც დაემთხვა და მათი გადაწყვეტილებით, სწორედ ისინი გადავიდნენ ფინალში.

ბარმენების ცეცხლოვანი და რთული ტრიუკების შემცველი შოუ ისეთი შთამბეჭდავი აღმოჩნდა, ნახევრადშიშველ გოგონებს, რომლებიც აფორმებდნენ ნომერს, ჟიურის წევრებმა და დარბაზმა ისევ ბარმენების ყურება ამჯობინეს :))  გარდა ამისა, პირველი შემთხვევა “ნიჭიერის” სცენაზე, როცა სცენაზე მომზადებული სასმელი თიკას და ვანიკოს ერგოთ!

გიორგი სულაძემ ძალიან დადებითი შეფასება მიიღო. ფინალში მაყურებლის და ჟიურის რჩეული ვერ გახდა, მაგრამ საქართველოს ბანკმა აირჩია ფავორიტად და ახლა, რეალური შანსი აქვს ფინალში მოხვდეს.

პატარა მარიამ დალალიშვილმა, “ჯეირანის” შემდეგ სრულიად განსხვავებული ცეკვა შემოგვთავაზა. ჟიურიმ ის ყველა დანარჩენისგან გამოარჩია და ფინალში გადაიყვანა!

ნიკ მალფოიმ გაოცება გამოიწვია – ჯერ ჩანგლის მზერით გადაღუნვა მოახერხა, მერე ფიზიკის კანონების დარღვევა. მას მოჰყვა ბალერონის ცეკვა, რომელმაც ნახევარფინალისთვის შინაარსი შესძინა თავის გამოსვლას და ძმის და მეუღლის დახმარებით, უფრო გააფორმა ნომერი.

თემურ კახელიშვილი ერთადერთი მომღერალი იყო ამ შოუში. მან მაიკლ ჯექსონის შემოქმედებიდან ერთ-ერთი ყველაზე რთული სიმღერა, who’s loving you შეასრულა და დადებითი შეფასებაც დაიმსახურა.

მეხუთე ნახევარფინალი კი ოხუნჯმა ბიჭებმა დაასრულეს. მათ ნომერში ერთგვარი შეჯამება მოხდა მთელი სეზონის ყველაზე დასამახსოვრებელი, სახალისო ნომრებიდან. ჟიურიმაც და მაყურებელმაც ძალიან იხალისა  :)

მაყურებელმა, როგორც ყოველთვის, შეფასება ზარებით გამოხატა და პროცენტები ასე გადანაწილდა:

ფინალისტების ათეულს, დღეს ღამით გამოვლენილი საქართველოს ბანკის რჩეულებიდან 2 დაემატება! დასრულებამდე 8 საათზე ნაკლები დრო რჩება. უგულშემატკივრეთ ხუთეულიდან ერთ-ერთს და გადაიყვანეთ თქვენი რჩეული ფინალში

ხმის მიცემა შეგიძლიათ სპეციალური აპლიკაციის საშუალებით - https://www.facebook.com/BankOfGeorgia/app_323750017702077

ანსამბლი “ვეგა” კასტინგზე ცეცხლოვანი, გუნდური პასადობლით წარსდგა ჟიურის წინაშე. თუმცა, ამის შემდეგ, მათ თავისი უპირატესობის დამტკიცება მეორე ტურშიც მოუწიათ. მოცეკვავე ექიმების მიერ დადგმულმა ნომრებმა ჟიურისგან ორივე ეტაპზე დადებითი შეფასება მიიღო. თუკი მოგწონთ გოგოების ცეკვა, შეუერთდით მათ გვერდს

ბიჭების ჯგუფმა “დრამ სქული”, სცენაზე გაიტანა მუსიკალური ნომერი, რომელიც მხოლოდ სხვადასხვა სახის დასარტყამი ინსტრუმენტით იყო შესრულებული. “რომ ვუსმენდი, ცოტა წავედი ოცნებებში, რა: წარმოიდგინე ახლა, ჩემს გადაცემაში რომ ასეთი ბენდი უკრავს” – აღნიშნა ვანო ჯავახიშვილმა. ჯგუფმა ჟიურისგან სამი კი მიიღო და ახლა ნახევარფინალისთვის ემზადება. შეგიძლიათ გამოხატოთ თქვენი მხარდაჭერა მათ გვერდზე

ჯგუფ Acro Boom – ის გამოსვლამ, გაოცებული დატოვა როგორც ჟიური, ასევე მაყურებელი. სამმა გოგონამ ბათუმიდან ნიჭიერის სცენაზე ძალიან შთამბეჭდავი ნომერი დადგა, რომელშიც კარგად ჩანდა მათი სიძლიერე და პლასტიკა. გოგონების ჯგუფს, ფეისბუქზე თავისი ოფიციალური გვერდი აქვთ, შეგიძლიათ მოიწონოთ:

ვაკო ღონღაძე და გიორგი ხარებაშვილი ნიჭიერის სცენაზე თავისი ბარმენული ოსტატობის საჩვენებლად გამოვიდნენ. თავისი საქმიანობა ბიჭებმა ძალიან სანახაობრივად წარმოაჩინეს. კოქტეილების სინქრონში კეთება, ჟონგლიორობის ელემენტებით, ენერგიული მუსიკა ფონად, ძალიან ეფექტური აღმოჩნდა და ბიჭებიც უპრობლემოდ გადავიდნენ ნახევარფინალში. თუკი მოგწონთ ბარმენ შოუ, შეუერთდით მათ გვერდს

გიორგი სულაძე, ერთადერთია სოლო მოცეკვავეებიდან, ვინც ნახევარფინალში გავიდა. მან დიდი შთაბეჭდილება მოახდინა ჟიურიზე – როგორც კასტინგებზე ასევე მეორე ტურში, სადაც სხვა ძლიერ სოლო მოცეკვავეებთან მოუწია შეჯიბრება. ნახევარფინალისთვის ცეკვის დასადგმელად გიორგიმ ბევრი იშრომა. თუკი გულიშემატკივრობთ მას, შეუერთდით მის გვერდს ფეისბუქზე

პატარა მარიამ დალალიშვილმა ”ჯეირანით”, ადვილად დაამახსოვრა ყველას თავი. მისი ცეკვით აღფრთოვანებული დარჩა ჟიური და მაყურებელი, რომელიც მის გამოსვლას ნახევარფინალში მოუთმენლად ელოდება. შეუერთდით პატარა მარიამის გვერდს ფეისბუქზე

”კარგი ბიჭი ხარ, გაგვაოცე და მე მგონია, რომ იმსახურებ შემდეგ ტურში გადასვლას” – ამ სიტყვებით შეაფასა ვანომ, ნიკ მალფოის გამოსვლა. მიუხედავად იმისა, რომ მისი კასტინგის ნომერი არც ისე ეფექტურად დაიწყო, მეორე ნაწილში ყველა თვითმლხილველი ძალიან გააკვირვა. ვნახოთ, რით გაგვაოცებს ნიკა ნახევარფინალში, მანამდე კი გამოხატეთ თქვენი მხარდაჭერა მის ფეისბუქის გვერდზე.

მოცეკვავე სარიკ კარიჭაშვილი, თბილისის ოპერისა და ბალეტის თეატრში ცეკვავს, თუმცა ნიჭიერის სცენაზე ის სულ სხვა სტილის წარმოსადგენად მოვიდა. ცეკვის სხვადასხვა სტილების სინთეზი, რომელიც მოცეკვავემ პროფესიონალურად შეასრულა სცენაზე, ძალიან შთამბეჭდავი აღმოჩნდა. ”მოკლედ ბალეტი, ჰიპ-ჰოპი და ჯექსონი ერთად – მე ესეთი რაღაც ცხოვრებაში არ მინახავს” – ასეთი იყო ვანოს შთაბეჭდილება სარიკის ნომრის ნახვის შემდეგ.

მარიამ კახელიშვილის ნიჭიერის სცენაზე გამოჩენიდან ორ წელიწადში, მესამე სეზონში, მისი ძმა – თემურ კახელიშვილი გამოვიდა. როგორც აღმოჩნდა, მუსიკალურობა და სიმღერის ნიჭი კახელიშვილების ”გენეტიკაშია”. თემურმა სცენაზე მაიკლ ჯექსონის we are the world შეასრულა და მოწონებაც დაიმსახურა. მომღერალი გულმოდგინედ ემზადება ნახევარფინალისთვის. შეუერთიდთ მის გვერდს ფეისბუქზე.

მხიარულთა და საზრიანთა კლუბის წევრებისგან შემდგარი ჯგუფი, ყველაზე ოხუნჯია ნიჭიერის მონაწილეთა შორის. მათ, სცენაზე იუმორისტული ნომერი გამოიტანეს და მაყურებლები ძალიან გაამხიარულეს. თავისი ახალ ნომერზე ბიჭებმა ძალიან ბევრი იმუშავეს. თუ გსურთ მეტი გაიგოთ ოხუნჯების შესახებ და ნახოთ სახალისო ვიდეოები მათი შესრულებით, მოიწონეთ მათი ოფიციალური გვერდი ფეისბუქზე.

ამ საკითხს ერთი საინტერესო ფაქტის გამო დავუბრუნდით:

გუშინ, ”ნიჭიერის” ამერიკულ ანალოგში მონაწილე გამოჩნდა, რომელიც ამ ჟანრში მოღვაწეობს. მან ჟიურის და მაყურებელს, სწორედ პატრიოტულ თემაზე შექმნილი ნამუშევარი აჩვენა. თუმცა, უნდა ითქვას, რომ მისი ნომერი სულ რამდენიმე წამიანი იყო და ერთი სურათის ირგვლივ ხდებოდა მოქმედება.

სოციალურ ქსელებში გაზიარებებს თან ის აზრი აღარ ახლდა, როგორიც ნონას კასტინგის ეთერში გასვლის შემდეგ – ”თემა მოპარულია”, ”იდეა გადმოკოპირებულია” და ა.შ.  ეს ალბათ სხვადასხვა მიზეზებით მოხდა – ერთი ის, რომ ნამდვილად მას შემდეგ გავიდა ეთერში, რაც ჩვენთან ნახევარფინალმაც კი ჩაიარა. მეორე  ის, რომ ეს ნამუშევარი ძალიან შორს არის ნიჭიერში ნანახი დინამიური და პროფესიონალური ნამუშევრისგან და მესამე და ყველაზე საყურადღებო მიზეზი: საზოგადოების დიდი ნაწილი დარწმუნებულია, რომ ეს ყველაფერი მსოფლიომ პირველად უკრაინულ ნიჭიერში იხილა!

არავინ ჩაღრმავებია ”ქვიშით ხატვის” საფუძვლებს და აზრადაც არ მოსვლია, რომ ეს ჟანრი ისევე, როგორც ხელოვნების სხვა ჟანრები, ბევრად ადრე იღებს სათავეს, ვიდრე 2009 წელია და ეს არც უკრაინაში, არც რუსეთში და არც ახლო-მახლო : )

შეიძლება ეს იმის დამსახურებაც არის, რომ ინტერნეტში ინფორმაციის მოძიება ზოგისთვის არც ისე სახალისო პროცესია და youtube-ზე დადებულ, მინიმუმ 6 წლის წინანდელ ვიდეოებსაც ნაკლებად აკვირდებიან.

ჩვენ მოხარულები ვართ, რომ მსოფლიოში ამ ეტაპზე ცნობილ ქვიშით ხატვის ნიმუშებს შორის, ჩვენი მონაწილის ნამუშევრები ნამდვილად სანიმუშო და გამორჩეულია! კიდევ ერთხელ გთავაზობთ მათ:

შემოსული ხმები პროცენტულად ასე გადანაწილდა:

ამ ეტაპზე, ფინალისტთა სია ასე გამოიყურება:

მაყურებლის რჩეულები

• ნინიკო კახაძე
• ლუკა სვანიძე
• ლურჯი იალქანი
• დაიმონდსი

ჟიურის რჩეულები

• ოთო ბუაძე
• ნონა გიუნაშვილი
• ლენკა ზვიადაძე
• თსუ არტი

საქართველოს ბანკის ხუთი რჩეულიდან, ორი დანარჩენ ფინალისტებს შეუერთდება. ხმის მიცემა მაშინ იქნება შესაძლებელი, როცა ხუთივე რჩეული გამოვლინდება. ამ ეტაპზე, მათი შემადგენლობა ასეთია:

• Dream Walkers
• Angry Birds
• ნატა შუაქრიშვილი
• ალიგატორი

შემდეგ ორშაბათს სეზონის ბოლო, მეხუთე ნახევარფინალი გაიმართება!