დღეს “ნიჭიერის” დღეა! თვალი გვადევნეთ და ერთად მოვემზადოთ ახალი სეზონის პირველი გადაცემისთვის.

გთავაზობთ კადრს გადაცემიდან – ეს არის იმ  ერთ-ერთი მონაწილის ფოტო, რომელსაც დღეს ვნახავთ. თქვენი აზრით,  რა ნიჭით წარსდგა ჟიურის და მაყურებლის წინაშე ის?

Next level ერთი წელია რაც არსებობს. ჯგუფში 1 გოგონა და 5 ბიჭია. ზოგი მათგანი ქალაქ რუსთავიდან არის, ზოგი კი – თბილისიდან. ქორეოგრაფი არ ჰყავთ, საკუთარი ძალით დგამენ ცეკვებს და რუსთავში ვარჯიშობენ.

ისინი ძალიან ბევრ ღონისძიებაში იღებენ მონაწილეობას, საკმაოდ გამოცდილი მოცეკვავეები არიან. ნახევარფინალში გამარჯვების იმედი აქვთ და უკვე იციან, რას შესთავაზებენ მაყურებელს და ჟიურის ფინალში გასვლის შემთხვევაში.

მთავარ კონკურენტებად New Style-სა და გულნაზი გოლეთიანს მიიჩნევენ.

გთავაზობთ გუშინ, რეპეტიციისას გადაღებულ სურათებს. არ გამოტოვოთ, აუცილებლად უყურეთ დღეს საღამოს, 10 საათზე ნიჭიერს რუსთავი2-ზე. I ნახევარფინალურ კონცერტს სწორედ Next Level გახსნის.

დაურეკეთ ან დაუმესიჯეთ Next Level-ს ნომერზე 9121.

ეს კი მათი ცეკვა, რომლითაც კასტინგზე წარსდგნენ:

დღევანდელ გადაცემაში გაირკვა იმ 50 კონკურსანტის ვინაობა, ვისაც შემდეგი კვირიდან ნახევარფინალებში ვიხილავთ.

შეგახსენებთ, რომ კასტინგი წარმატებით (2 ან სამი ”კი”) გაიარა 99 მონაწილემ, ხოლო ნახევარფინალში მხოლოდ 50 კონკურსანტი მოხვდა:

ჩვენ უკვე ”ნიჭიერის” ექვსი გადაცემა ვნახეთ – კასტინგები, სადაც უამრავმა ადამიანმა მიიღო მონაწილეობა. გავიცანით ძალიან ნიჭიერი ადამიანები, უნიჭოებიც ვნახეთ… კასტინგების განმავლობაში შემდეგ ეტაპზე 99 კონკურსანტი გადავიდა – ისინი, ვინც ჟიურისგან ორი ან სამი ”კი” მიიღო.

ნახევარფინალებში კი, რომელიც 22 მარტს იწყება, მხოლოდ 50 მონაწილე უნდა გადავიდეს. ჟიურიმ რთული გადაწყვეტილება უნდა მიიღოს და მონაწილეების სია გაანახევროს.

ორშაბათს ძალიან საინტერესო გადაცემა გველის. გაირკვევა იმ 50 კონკურსანტის ვინაობა, ვინც ნახევარფინალში გადავიდა და ვისაც უკვე ლაივ-კონცერტებზე ვიხილავთ. ამ ორმოცდაათიდან ათი მოხვდება ფინალში, ხოლო ყველაზე ნიჭიერის სტატუსსა და ბინას პრესტიჟულ უბანში მხოლოდ ერთი მათგანი მიიღებს!

ამ პოსტში გთავაზობთ იმ 99 მონაწილის სიას სურათებითურთ, რომლებმაც მიიღეს ორი ან სამი კი. თქვენი აზრით, ვის აქვს გარანტირებული საგზური ნახევარფინალისკენ და ვინ შეწყვეტს ”ნიჭიერში” მონაწილეობას ორშაბათს?

”ნიჭიერის” მეექვსე გადაცემაში, 8 მარტს თქვენ გაიცანით შემდეგი კონკურსანტები:

ვის გულშემატკივრობთ თქვენ? : )

გთავაზობთ კადრს გადაცემიდან – თქვენი აზრით, რა პროფესიისაა ეს ნიჭიერი კონკურსანტი?

P.S.: ”ნიჭიერის” მდედრობითი სქესის ყველა გულშემატკივარს გილოცავთ რვა მარტს და გისურვებთ, რომ სულ სამი ”კი” მიგეღოთ ყველაფერში! : )

თინი, ბლოგერი tiny.ge-დან

გამოირჩეოდა “ჯიმი ჯექსონი”, რომელიც ბელგიიდან სპეციალურად ნიჭიერისთვის ჩამოვიდა. მართლა გავოცდი ფიზიკური მსგავსების გამო ნამდვილ ჯექსონთან, ძალიან კარგი იყო. სხვათაშორის, ნახევარფინალისთვის ის უკვე ახალი, ზუსტად ჯექსონის მსგავსი ცხვირით მოგვევილენება – ოპერაცია გაიკეთა..  მსგავსება მართლა შთამბეჭდავი იყო, მაგრამ  დამეთანმხებით ალბათ, რომ ფიზიკური მსგავსება რომ არა, ცეკვით ნამდვილად ვერ მოხიბლავდა იმ ჟიურის და იმ მაყურებელს, რომელსაც ილია მამაგულაშვილის ცეკვა აქვს ნანახი… ამიტომ, ” ჯექსონის დარგში” ჩემთვის ფავორიტად ილია მამაგულაშვილი რჩება :))

მე მინდა ვიცოდე თქვენი სახელი და გვარი.. ტელეფონის ნომერიც.. (c) ნიკა მემანიშვილი

ავთო ნაცარაშვილი

ავთო გოგეშვილი

გივი შავგულიძე

ლევან შავაძე

”ნიჭიერის” მეხუთე გადაცემაში, 1 მარტს თქვენ გაიცანით შემდეგი კონკურსანტები:

ვის გულშემატკივრობთ თქვენ? :-)

არა, კიდევ უფრო ნაკლები…

გთავაზობთ ერთ კადრს დღევანდელი გადაცემიდან – შეგიძლიათ გამოიცნოთ, თუ რის გაკეთებას ცდილობს ეს ნიჭიერი კონკურსანტი?

P.S.: ყველას გილოცავთ გაზაფხულის პირველ დღეს!

”ნიჭიერის” მეოთხე გადაცემაში, 22 თებერვალს თქვენ გაიცანით შემდეგი კონკურსანტები:

ვის გულშემატკივრობთ თქვენ?

”ნიჭიერის” მესამე გადაცემაში, 15 თებერვალს თქვენ გაიცანით შემდეგი კონკურსანტები:

არმან ერემიანი

დათო რობაქიძე

დუეტი ”იმპრესია”

ელენე და ეკა თორიები

ელენე და გიორგი ჭამიაშვილები

გიორგი მარსაგიშვილი

გივი გველესიანი

გივი მაღრაძე და პარკური

გოგი შონია

გვანცა ციხელაშვილი და აკა მოდებაძე

იოსებ მეკოშკიშვილი

მამია შარაბიძე და დიმიტრი წულაძე

ნატა მესხი

Next Level

ნოდარ ვაშალომიძე

რამინ გულედანი

რევი ჯაფარიძე და ნიკა კოკელაძე

როსტომ ამბროლავა

როსტომ ყაველაშვილი

შორენა ბერელიძე

შუშა

ვაჟა ნატროშვილი

ვაკო კორახაშვილი

ვის გულშემატკივრობთ თქვენ?

დადგა ორშაბათიც! დღეს ”ნიჭიერის” დღეა - სულ რამდენიმე საათში, საღამოს, 10 საათზე რუსთავი2-ზე მორიგ შოუს ველოდებით.

გთავაზობთ ერთ კადრს დღევანდელი გადაცემიდან – თუ გამოიცნობთ, რა ნომერს ასრულებს ეს ნიჭიერი კონკურსანტი?

ველით თქვენს კომენტარებს!

პიკოლინა, ბლოგერი piccolina.ge-დან

იმაზე ლაპარაკს აღარ დავიწყებ, რომ რაც მაგრები ვართ, ქართველები ვართ, მაგრამ ყველაფერი მაინც ჩვენ გამოგვდის ბანძად, კიარადა არაფერი გამოგვდის და ფანტაზია გვაკლია… ეგ უკვე ათასჯერ ითქვა და დაიწერა (ნიჭიერთან მიმართებაში ვამბობ). მაგრამ, სანამ კრიტიკოსები კრიტიკის საბაბს ეძებენ, უსაქმურები კი დაწუნების მიზეზს, პროექტი სულ უფრო და უფრო პოპულარული ხდება :)))

ორშაბათს გადაცემას კლუბ კაშეში ვუყურე, ჟიურისთან, წამყვანებთან და გადაცემაზე მომუშავე ჯგუფთან ერთად. ძაან მაგარი ემოცია იყო. იქ ვინც იყო, თითქმის ყველას უკვე ნანახი ჰქონდა ყველაფერი, მაგრამ სახეებზე რომ შეხედავდით, ისე გამოხატავდნენ ემოციებს, გეგონებოდათ, პირველად ნახესო :)))

დადუ, თიკა, გეგა

არ ვიცი, მომეჩვენა თუ მართლა ეგრე იყო, მაგრამ წამყვანები უკეთ წამყვანობდნენ. დიალოგები და კომენტარები უფრო სახალისო იყო :))

ჟიური კიდევ… ნიკას რეაქციებს უყურებდით? ვიღაც რომ მღეროდა ჯერ სერიოზულად უყურებდა, გულშემატკივრობდა და მერე გამომეტყველება ეცვლებოდა და კმაყოფილების ღიმილში გადიოდა. 1-2 მონაწილეზე მოხდა მასე და გამომსვლელების ნაცვლად ნიკას მიმიკებზე მეღიმებოდა :)))

მაია ასათიანი

გეგას ფანებო, თქვენს საყურადღებოდ, ალბათ უფრო შეგიყვარდებათ ეს კაცი, როცა გაიგებთ, რომ ძალიან თავმდაბალია. როდესაც ვუთხარი, ამდენი ფანები გყავს-მეთქი, ისე მორცხვად ჩაეღიმა, მისი ფანი რომ ვყოფილიყავი, ჩავყლაპავდი ალბათ მეც :)))

კიდევ იქ ნორმალური მაია ასათიანი იყო, ანუ მაკიაჟის და რაღაცეების გარეშე, ძალიან უშუალო. სურათი რომ გადავუღე, დაიწუწუნა, აუზიდან ახალი გამოსული ვარ და ცუდად გამოვიყურებიო :)))

კაი, გვეყო გუნდზე ლაპარაკი, გადავედით ნიჭიერ მონაწილეებზე.

• ჯგუფი იავნანა რომ დავინახე სცენაზე გამეღიმა და გულიანი სიცილისთვის მოვემზადე, მაგრამ მთელი გამოსვლის მანძილზე ასე გაღიმებული დავრჩი. საკაიფო იყო, სხვა ნომრებისგან განსხვავებული და უჩვეულოდ ცოცხალი, მაგრამ, არ ვარ დარწმუნებული, რომ რაჭველები რომ არ ყოფილიყვნენ მაინც გავიდოდნენ… Sorry ladies.

• იმ ტრაქტორიანი ბიჭის მიერ დაყენებულ ბუღზე აღარაფერს ვამბობ, უფრო სწორად, გამიხარდა რომ იქ არ ვიყავი და ეგ არ ვისუნთქე, მაგრამ მართალია, თავისი ხელით ამისი აწყობა დასაფასებელია (?).

• ლუარა ქირია მარტო მისი ბრჭყვიალებიანი ჰენდმეიდის გამო უნდა გადაეყვანათ მგონი მეორე ტურში :))) ძალიან საყვარელი ქალი იყო, მერე რა, რომ სიმღერ-რეპ-ლექს წარმომავლობის შემოქმედებაში მთლად ვერ ქაჩავს – ნიჭი ნიჭია.

• მარიამ რაფავა აღსანიშნავია, მაგრამ გადაცემის ეთერში გასვლამდე გაიცნო უკვე მთელმა საქართველომ და ჩემი კომენტარები დაგვიანებულია მგონი :)

• ახლა აღიარეთ, ხინკლის მჭამელი თამაზ ზაველური რომ გამოვიდა, რამდენს გაგახსენდათ, რომ გშიათ ან ხინკალი საშინლად გენატრებათ :))) ვანიკომ, მაგალითად, ხინკლამდე ვერ მოიცადა და რაც ყველაზე ახლოს იყო იმის ჭამა დაიწყო.
  

  ვანიკოს მოშივდა

• ის გოგო რომ გამოვიდა, შავებში და რაღაცნაირად რომ ცეკვავდა ხომ გახსოვთ? გეგას რეაქცია დააფიქსირეთ? გააგრძელებინა, გასაღიმებელი მასალა დაიგროვა და მერე გაუშვა :))

• იმ კბილებიან კაცზე არაფერს ვიტყვი, ჩემი გასაკეთებელი კბილები მახსენდება და ყბები მტკივა მაგის დანახვის მერე. ბრრრ :/

• ჯგუფი მოზაიკის ბიჭი, ილია რომ დავინახე, წარმოვიდგინე, რა ბედნიერია, რომ ოცნება აიხდინა და სცენაზე იცეკვა და თან კარგად იცეკვა, მართლა კარგად. კიდევ გული დამწყდა, რომ კონცერტზე ვერ ჩაუსწრო ჯექსონს :/ წარმოვიდგინე, ჩემი საყვარელი მომღერლის კონცერტზე რომ მეღირსოს წასვლა და იმ დღეს რომ მოკვდეს, როგორ გამიტყდება.

• გადაცემის აღმოჩენა, უფრო სწორედ, აღმოჩენები – ორი მარიამი. პატარა მარიამი რომ დავინახე, ვიფიქრე დედა არ ყავს და მარტო მაგიტომაც გადაიყვანენ-მეთქი (ქართველების გულჩვილობის ამბავი რომ ვიცი), მაგრამ არა, მშვენივრად იმღერა ბავშვმა. და მეორე მარიამი (კახელიშვილი)… ნუ არ ვიცი, რა უნდა ვთქვა, ძალიან მაგარი ბავშვია. მართლა გეუბნებით, არ ვიცი რა უნდა ვთქვა.

გადაცემა რომ დამთავრდა, კოლя მოვიდა, შემოქმედებითი ჯგუფიდან და მკითხა, ბლოგზე რას დაწერო? მეთქი, რა უნდა დავწერო, რასაც საერთოდ ვწერ და არაო, პირველი ჯობდა თუ მეორეო? ხოდა მეორე! არ ვიცი, მაყურებელი გახურდა თუ მონაწილეები, მაგრამ ამ ორშაბათის უფრო მომეწონა.

წამყვანები

P.S.: იმ საეჭვო ტიპების ვინაობა ჯერჯერობით დაუდგენელია, ნიღბებით რომ წაიცეკვეს სცენაზე… რაღაც ეჭვები მაწუხებს მაგასთან დაკავშირებით. მაგრამ მაინც, ნიღბიანებო, გრცხვენოდეთ, ხალხის ასე დაინტრიგება შეიძლება?

”ნიჭიერის” მეორე გადაცემაში, 8 თებერვალს თქვენ გაიცანით შემდეგი კონკურსანტები:

ფანტაზია

გიორგი აბულაშვილი

გოჩა კეკიშვილი

იავნანა

ილია არდაზაიშვილი

ირაკლი ტუღუში

ჯამბული და ხვიჩა ქაძანაიები

კრიმანჭული

ლაშა კვიკვინია & გუჯა მჭედლიშვილი

ლაშა მითაგვარია

ლუარა ქირია

მარიამ ბუთხუზი & თორნიკე კიტრიაშვილი

მარიამ კახელიშვილი

მარიამ ფაჩულია

მარიამ რაფავა

მარიამ ვაშაყმაძე

მერაბ კირაკოზაშვილი

მოზაიკა

ნანინა

ქრისტინე პაპავა

თამაზ ზაველური

ვის გულშემატკივრობთ თქვენ?  : )

თინი, ბლოგერი tiny.ge-დან

გამარჯობა, მკითხველებო, მე თინი ვარ და  ეს ჩემი პირველი პოსტია “ნიჭიერი’-ს ბლოგისთვის. ამიერიდან, ყოველ სამშაბათს  შევხვდებით ხოლმე :)

გუშინ პირველი გადაცემა გავიდა ეთერში, როგორც იქნა! სიმართლე გითხრათ, უკვე რამდენიმე დღეა, რაც ჩემთვის საათმა “ნიჭიერი”-ს მიმართულებით დაიწყო ბრუნვა. შეიძლება სწორედ ამის გამო მეგონა, რომ ყველა ჩემსავით ელოდებოდა პირველ გადაცემას  და პირველ შთაბეჭდილებებს. სხვების სახელით ვერ ვილაპარაკებ, მაგრამ ინტერნეტ სამყარო კი მართლა დღეებს, საათებს და წუთებს ითვლიდა  დაწყებამდე..

რამდენიმე საათით ადრე გაირკვა, რომ უნდა წავსულიყავი კლუბ “კაშე”-ში, სადაც   შოუს შემქმნელები, პროდიუსერები, ჟიური, წამყვანები და ა.შ. იკრიბებოდნენ, რომ იქ ეყურებინათ პირველი გადაცემისთვის.  ბევრ მათგანს უკვე ნანახი ქონდა გადაცემის საბოლოო სახე, მაგრამ ასეთ სიტუაციაში მეტი ემოცია იქნებოდა.

დაწყებამდე ყველას ეტყობოდა თან სიხარული და თან თითქოს დაძაბულობაც. ერთი სული ქონდათ როდის დაინახავდნენ პირველ კადრებს. იქამდე კი ერთად “უმკლავდებოდნენ” ლოდინს:

თიკა ფაცაცია

თიკა და ვანიკო

გეგა ფალავანდიშვილი და მაია ასათიანი

გადაცემის პირველივე კადრებს ხმაურიანი ოვაციები მოყვა- ტაში, ყვირილი, შეძახილები… კლუბის სიტუაციაში, ხალხმრავლობაში იმიტომაც იყო კარგი ყურება, უფრო გამოხატავ ემოციებს.

რადგან პირველი  იყო, მოდი ზოგადად ვიტყვი აზრს შოუს სხვადასხვა ასპექტზე პირველად შთაბეჭდილებას. ალბათ ყველას ამ ერთი გადაცემით შეგვექმნა წარმოდგენა ჟიურიზე, წამყვანებზე..

წამყვანები:

შოუს ფორმატი ისეთია, რომ წამყვანების ტექსტი, ემოციები, წინასწარ არ არის გათვლილი. იმ მომენტში ხდება ყველაფერი და მე თამამად შემიძლია ვთქვა – თიკამ და ვანიკომ ძალიან კარგად გაართვეს თავი! არიან საკმარისად ემოციურები, არც მეტი და არც ნაკლები. კარგი წამყვანური წყვილია, შეიძლება ფორმატის დამსახურებაც არის, მაგრამ ძალიან დიდი ხანია ქართულ ტელესივრცეში ასე არ მომწონებია შოუს  წამყვანები.

ერთ-ერთი კადრი გადაცემიდან

ჟიური:

ჟიურის  როლი ძალიან დიდია ამ პროექტის ყველა ანალოგში. ხშირად, მხოლოდ მათი რეაქციების სანახავად უყურებს მაყურებელი შოუს. ამ მხრივ, შემიძლია ვთქვა, რომ ნამდვილად გულუხვობა გამოჩინეს გეგამ, მაიამ და ნიკამ. სიმართლე გითხრათ, თავიდან ცოტა ამრეზით ვუყურებდ ჟიურის ამ შემადგენლობას, მაგრამ გადაცემის ყურების დროს მივხვდი, რომ ყველაფერი სწორად იყო შერჩეული.  განსაკუთრებით ვხალისობდი ნიკა მემანიშვილის რეაქციაზე, როცა “ღიმილი მაჩუქე კარგო”-ს ყურების დროს გაბრაზდა და გაებუტა გეგას და მაიას – რატომ გადაიყვანეთ მეორე ტურშიო (ისე, სიმართლე გითხრათ მეც არ მომეწონა, რომ მეორე ტურში გადაიყვანეს. კი, სახალისო იყო, მაგრამ სა-მეორეტურო – ნამდვილად არა).

ჟიურის ემოციები

მონაწილეები:

აღიარეთ,  რამდენმა თქვენგანმა სცადა მუშტის პირში ჩადება მარიამ გუჯაბიძის გამოსვლის  დროს? თქვენი არ ვიცი, ესენი კი ნამდვილად გულდასმით ცდილობდნენ :

მცდელობები:)

ყველაზე დიდი ემოცია ჟიურიშიც და ჩემში პირადად, new style-მ და გულნაზი გოლეთიანმა გამოიწვიეს. რამდენჯერ ვუყურე უკვე მათ ვიდეოებს, არც კი ვიცი. უდავო ფავორიტები იყვნენ ამ გადაცემის!

განსაკუთრებული აჟიოტაჟი ინტერნეტში გულნაზი გოლეთიანმა გამოიწვია. მას უკვე “ქართველ სუზან ბოილს” ეძახიან. სუზან ბოილი ალბათ ყველამ იცით, “ნიჭიერი”-ს ბრიტანული ანალოგის, britain’s got talent-ის ერთ-ერთი მონაწილე იყო, რომელმაც თავიდან ზუსტად ისეთი შთაბეჭდილება მოახდინა ჟიურიზე, როგორიც გულნაზი გოლეთიანმა. ვერავის ვერ წარმოედგინა, რომ ეს ქალი ასეთი შესაძლებლობების მქონე იქნებოდა.  ნიკა მემანიშვილმა თქვა – მოსმენის დროს, გინდებოდა გეტირაო. მეც ძალიან ამიჩუყდა გული, მართლა საოცარი ხმა აქვს.

გულნაზი გოლეთიანი

ატირებული თიკა ფაცაცია, გულნაზის სიმღერის დროს..

განსაკუთრებული შემთხვევა:

“ნიჭიერი”-ს ოფისში რომ მივედით პირველად ბლოგერები, თვალში მომხვდა ერთ-ერთი “ჩანიშვნების დაფა”:

კოკოლი არ გადავაყლაპოთ!!!

კოკოლი არ გადავაყლაპოთ – ამ წარწერის არსს გუშინ მივხვდი :D ძალიან დავიძაბე რამაზ კუხალაშვილმა რომ აკვარიუმში ხელი ჩაყო და თევზის დაჭერა მოინდომა.  საბედნიეროდ, გეგამ გადაარჩინა საწყალი კოკოლი და არ აცადა შეჭმა..

ფავორიტი კადრი გადაცემიდან:

ინტერვიუ კოკოლისთან

თქვენი არ ვიცი და მე ერთი სული მაქვს, როდის გავა ეთერში მეორე გადაცემა, ერთი კვირა მომიწევს ლოდინი… სამაგიეროდ, იქამდე შეგვიძლია ვიდეოებს ვუყუროთ და ვიკითხოთ პოსტები ამ ბლოგზე :) მომავალ სამშაბათამდე..