ალბათ ყველას გახსოვთ წინა გადაცემის ერთ-ერთი მონაწილე, სალომე ფოთოლაშვილი, რომელიც ეცადა შაკირას “ტანგოს” ცეკვა-სიმღერით მოეხიბლა ჟიური და, სამწუხაროდ, არ გამოუვიდა.

ჩვენ, დიდი ხნის წვალების შემდეგ, მოვახერხეთ იმ ტექსტის გაშიფრვა, რასაც ის მღეროდა.

უყურეთ სუბტიტრებიან ვიდეოს და გამოთქვით თქვენი აზრი, როგორ ფიქრობთ, რა ენაზე ასრულებს სიმღერას სალომე?

ჩვენ უკვე ”ნიჭიერის” 4 ეპიზოდი ვიხილეთ. შემდეგ, მეხუთე ეპიზოდამდე 1 დღე რჩება. დღეს, ჩვეულებისამებრ, გთავაზობთ გასული კვირის სტატისტიკის შემაჯამებელ პოსტს.

ბლოგს დღევანდელი მონაცემებით 312 400 უნიკალური ვიზიტორი ჰყავს, კომენტარების რიცხვმა კი 10 200-ს გადააჭარბა. გასულ კვირაში ყველაზე აქტიური ანა ხანჩალიანის გულშემატკივრები იყვნენ, თუმცა მას არც ბიტბოქსერი გუგა ჭყონია ჩამორჩა, რომელმაც უამრავი ადამიანის გული მოიგო.

მაივიდეოზე, ნიჭიერის არხზე განთავსებული ვიდეოების ხილვები 1 652 000-ს აჭარბებს! ერთი მილიონ ექვსორმოცდათორმეტი ათასი (ხმამაღლაც გავიმეორე, ჟღერადობა მომწონს).

Myvideo-ს მიხედვით გასული კვირის ტოპ5-ეულში მოხვდნენ:

1. ანა ხანჩალიანი
2. ქეთი და ნაზი – ელასტიური ტყუპები
3. ამირან მამულაშვილი
4. მარიამ და ედიშერ ღამბაშიძეები
5. გუგა ჭყონია

ფეისბუქზე ნიჭიერს 7 320 მხარდამჭერი ჰყავს, რომლებიც აქტიურად გვეკონტაქტებიან, საკუთარ აზრს გვიზიარებენ და ხანდახან ანეკდოტებსაც პოსტავენ ხოლმე :D

”ნიჭიერის” მეხუთე ეპიზოდამდე ერთი დღე რჩება. ძალიან მალე, ახალი გმირები მხოლოდ რუსთავი2-ზე, ორშაბათს, საღამოს 10 საათზე და მოგვიანებით უკვე – ჩვენს ბლოგზე –www.nichieri.ge.

საბა, ბლოგერი ni2.ge-დან

22 თებერვლის გადაცემის ყველაზე გამორჩეული მონაწილე ანა ხანჩალიანი იყო. ამაში, ალბათ, ყველა დამეთანხმებით. არ გადავაჭარბებ და არც მოვიტყუები თუ ვიტყვი, რომ ისეთი შთაბეჭდილება, როგორიც ამ გოგონას გამოსვლამ დამიტოვა არ დაუტოვებია არცერთ სხვა მონაწილეს.  მის გამოსვლას დღეში რამდენჯერმე ვუსმენ  და ყოველთვის ჟრუანტელი მივლის, საოცარი დიაპაზონის ხმა აქვს.

ანას გამოსვლა შეიძლება ერთი სიტყვით აღინიშნოს – სულშიჩამწვდომი. ჩვენს ქვეყანაში რომ შოუბიზნესი  და ნორმალური პროდიუსერები არსებობდნენ, ამ გოგონას იმავე საღამოს თუ არა გადაცემის გასვლიდან მეორე დღესვე გაუფორმებდნენ კონტრაქტს და მისგან ნამდვილ ვარსკვლავს შექმნიდნენ. თუმცა, დარწმუნებული ვარ,  ანას ისედაც ძალიან დიდი და ნათელი მომავალი აქვს და სულ მალე მას მსოფლიოც გაიცნობს.

”ნიჭიერის” ძალიან ბევრი ადამიანი უყურებდა სკეპტიკურად, მაგრამ მისი გამოსვლის შემდეგ, ალბათ, ცხადია,  რომ ამ პროექტმა მართლაც გაამართლა. თამამად შემიძლია ვთქვა, რომ ანამ ჩემი მეორე ფავორიტი მარიამ კახელიშვილი დაჩრდილა.  თუმცა, ძალიან არ მინდა,  ამ ბავშვების გულშემატკივრებს შორის რაღაც უაზრო კამათი დაიწყოს და ისეთივე საქმის გარჩევები წავიდეს, როგორიც სხვა მონაწილეების შემთხვევაში ხდება. ორივე გოგონას საოცარი მონაცემები აქვს და ორივე კაშკაშა ვარსკვლავი იქნება მომავალში. თქვენთან ერთად მოუთმენლად ველი ნახვარფინალებს, რომელშიც ამ ორი მონაწილის მოსმენა და მათი სიმღერით სიამოვნების მიღება გველოდება.

ბლოგერი ბექა, a.k.a მჩხაპნელი ბლოგიდან Doin.ge

“ისტორიას ჩვეულებრივი ხალხი ქმნიდა, მაგრამ ჩვენამდე მხოლოდ მეფეთა სახელებმა მოაღწიეს” – ჩვენი დროის უსახელო ბრძენი

საბჭოთა კავშირის დროს, როცა სასურველი ფილმის სანახავად მხოლოდ “download”-ზე კურსორის დაჭერა საკმარისი არ იყო, როცა “ლედი კარატე” კინემატოგრაფიის განვითარების ევერესტად ითვლებოდა და კინოში კოცნის სცენა უდიდესი ინტერესის საგანს წარმოადგენდა, როცა ტელევიზორს ფუფუნებად მიიჩნევდნენ და ორი ტელევიზორს – ნეტარებად, მაშინ  “ცისფერ ეკრანებზე” ლეგენდარული “ილუზიონი” გადიოდა. ეს იყო გადაცემა, სადაც მაყურებელს ყოველ შაბათს ერთ საზღვარგარეთულ ფილმს უჩვენებდნენ. კოლმეურნეებზე, ამხანაგობებზე, ყრილობებსა და მსგავს თემებზე გადაღებულ ფილმებს შეჩვეული ხალხი კი “აკრძალულ ხილს” ისე ელოდა, რომ კვირის დღეებს: “ორშაბათი, სამშაბათი, ოთხშაბათი, ხუთშაბათი, პარასკევი, ილუზიონი”-თი ითვლიდა თურმე…

"თანამედროვე ლედი კარატე"

…როგორც მეზღაპრეები იტყვიან ხოლმე, გამოხდა ხანი და დაორსულდა ტენდენციების დედა, რომელიც საზოგადოებრივი ექოსკოპიის მიხედვით, ცოტა ხანში “გადაცემის სახელით კვირის დღის შეცვლას” ისევ ელოდება… სწორედ ამიტომ, მიუხედავად იმისა, რომ “ნიჭიერის” “ღამე იყო მთვარიანი, თოვლიანი, ქარიანი” და ხსენებულ ქართან ნაწვნევი მარცხის გამო “კოლხეთის დიადი მეფე” ტელევიზორის შიშინად იყო ქცეული, “ნიჭიერის” დაწყებას ინტერნეტში მაინც სულმოუთქმელად ველოდი…

უკვე ტრადიციისამებრ, ჩემთვის მეოთხე ეპიზოდი წინაზე ცოტათი უკეთესი აღმოჩნდა და სულის მოთქმის შემდეგ გადავწყვიტე, რომ დღეს, ძირითადად “მეფეების ფონზე დაჩრდილულ” ხალხზე დამეწერა. ანუ, მათზე, ვინც შოუს ქმნის, მაგრამ სახლს სამი “არა”-თი დამძიმებულები უბრუნდება და მის სახელსაც მალე ყველა ივიწყებს:

• “ბევრი უნდა, ნაკლებს აკეთებს” – ალბათ, ასე იშიფრება უკვე ცნობილი ქუთაისელი მაგის სახელი, რომელსაც, ან ვანიკო გაეხუმრა ბოროტად და “ფიქრ-გზა” აუბნია, ან, ყუთი უბრალოდ ინტუიციაზე დაყრდნობით “გადაფხიკა” და მობილურის მსგავსად, ვერც ხალხის გულები მოიგო;
• გაკვეთილი # 2 (ლირიკული წიაღსვლა): “სამი “კი” გაქთ” – “ასე იტყოდა მაია”, მაგრამ ასე ნუ იტყვით თქვენ
  (და აქვე მცირე განმარტება: ზმნა “ქონა” – აღნიშნავს ვისიმე მიერ რისიმეს ფლობას და მრავლობითი რიცხვის მეორე პირში ესაჭიროება “ვ” თანხმოვანი);
• “ფილტვ-ბოქსინგი” – “ნიჭიერის” შემქმნელები ზრუნავენ ხალხზე. მათ ხომ გაითვალიწინეს მავანთა აზრი, რომ “ორთქლ-ყურ-მავალის” ჩვენება სიგარეტის მოწევის პროპაგანდად შეიძლება ჩათვლილიყო. “დასტურ იმისა”, რომ შემოქმედებითი ჯგუფი ერთი ქართული ანდაზის “სმენადაქვეითებულ ქარავანს” არ წარმოადგენდა, სიგარეტის საწინააღმდეგოდ შესანიშნავი დემონსტრირება მოახდინეს იმისა, ძლიერ ფილტვებით რა საოცარი რამის შესრულება იყო შესაძლებელი.  ლუი დე ფიუნესის ერთი ფილმის სათაურს რომ ჰგავდა, იმ გამომსვლელს ვგულისხმობ, რა თქმა უნდა.

• ცხოველთა უფლებების დაცვის ასოციაცია რომ მქონდეს, აუცილებლად ვიჩივლებდი ბოცვრების დაჩაგვრის ფონზე, პითონისათვის ხოტბა-დიდების შესხმის გამო. ასე ვიცით ქართველებმა – სტუმარს “თავზე ვისვამთ და ყელზე ვიხვევთ”, შინაური კი ნაკლებად გვედარდება. (თუ, რა თქმა უნდა, პითონის პატრონი ძალის დემონსტრირების (80 კილოს იწონიდა, სხვა თუ არაფერი) გამო არ გადაიყვანეს შემდეგ ეტაპზე).
  უფრო საინტერესო იქნებოდა ნახევარფინალში ცხოველები სცენაზე ერთად გამოსულიყვნენ და პითონს ეთქვა, რომ ერთ წუთში განსაზღვრული რაოდენობის ბოცვრის შეჭმას მოასწრებდა…
• ქართველებს, უკვე რამდენიმე ათეული წელია გვეამაყება, რომ უცხოპლანეტელები – “ჩაკრულო”-თი ტკბებიან და ამპლანეტელები “ერისიონით”. თუმცა, თუ “ნიჭიერში” მუცლის, ხმის იოგებისა და სხეულის სხვა ნაწილების დემონსტრირება ასეთი ტემპით გააგრძელეს, ვგონებ, ამ სიამაყის მიზეზი ეჭვქვეშ დადგება. ეჭვქვეშ დგომა არგუმენტირებული ქოლგის გარეშე კი ძალიან სახიფათოა.
• ვერ ვხვდები, რითი იყო “ხვალ, ხვალ, ხვალ”, “მაზეგ, მაზეგ, მაზეგ”-ზე ნაკლები? მხოლოდ ორი დღით! მართლა ფული რომ წყვეტს ამ ცხოვრებაში ყველაფერს რა… :)

• ლირიკული წიაღსვლა # 2: “უამრავ მომღერალს გაუვლია ჩემს ხელში – პროფესიონალს, არაპროფესიონალს, ძალიან არაპროფესიონალს, იმაზე კიდევ უფრო არაპროფესიონალს, მაგრამ ასეთი რამე ჯერ არ მინახავს” – © ნიკა მემანიშვილი.
  ნამდვილად ვერ წარმოვიდგენდი, თუ ნიკა ქართულ ესტრადას არ უსმენდა…
• “თავის მოჭრას თავის გატეხვა გერჩივნოსო” – სახეშეცვლილი ანდაზის ჭეშმარიტება მაშინ დადასტურდა, როდესაც სცენაზე  “გრელკა” და ამბიცია ერთდროულად გასკდა. თუმცა, ლურსმნის თავით ჩაჭედება სირცხვილიდან იმავე თავის დაძვრენის კარგი საშუალება აღმოჩნდა და მონაწილეს ეს დაუფასდა კიდეც.
• “ვიღაცამ მანქანის თავზე გადაიფრინა” - ხანდახან ჟიურის აზრების გასაგებად თარჯიმანი (ან, თვით დოქტორი ბუნა) მჭირდება. მაგალითად, ვერ მივხვდი, რატომ არ გადაახტუნეს მეორე ტურში ადამიანი-კენგურუ, ან, ეს სამსახიობო ნიჭით დაჯილდოვებული მომღერალი ქალბატონი, რომელიც მართალია კარგად ვერ მღეროდა, მაგრამ სიმღერის შინაარსის (“არ ეძინა მას, არ მეძინა მე”) მთელ ტრაგიკულობას ემოციებით ბრწყინვალედ გამოხატავდა :)

• “ნიჭიერი” ამა თუ იმ გამოთქმის მეტაფორულობაზე ჩემი წარმოდგენების მსხვრევას კვლავ აგრძელებს. ამჯერად მსხვერპლად მან შიშნარევი გაფრთხილება – “თითი არ დამაკარო” - ამოირჩია, ვინაიდან გამოჩნდა, რომ ზოგის თითი (თუნდაც ვანიკოსი) შესაძლოა იმდენად დაკუნთული აღმოჩნდეს, რომ მისმა დაკარებამაც კი, ფატალური შედეგები გამოიწვიოს.
• ლირიკული გადახვევა # 3: “ეკონომიკა ყვავის. თქვენ იცით, რომ ჩვენ ბევრად უფრო განვითარებული ვართ, ვიდრე ბულგარეთი. იქ გამართულ კონკურსზე კატია დუკაშვილმა თუ პირველი ადგილი აიღო, ჩვენთან მან მეორე ტურშიც კი ვერ გააღწია. საქართველოში ყოველთვის უკეთესად იმღერებენ… მტრის ჯინაზე” – ასე იტყოდა ერთი ჩემი ახლობელი “ნიჭიერის”-თვის რომ ეყურებინა.

• ანა ხანჩალიანის ნომერთან დაკავშირებით ორი შეკითხვა გამიჩნდა:
  • რატომ დაინტერესდა ნიკა მემანიშვილი მისი გვარის წარმომავლობით, როცა მასზე პასუხი ნამდვილად ეცოდინებოდა;
  • რატომ იგრძნო დარბაზმა თავი უხერხულად და დაუკრა ტაში ისე, თითქოს ანამ რაიმე დანაშაული აღიარა;

მეტი არაფერი…

• “ნიჭიერმა” დაადასტურა, რომ ჩვენში “ორი ნათესავისა და ქართულის მასწავლებლის ნაქებრის” ტრადიცია კვლავ არსებობს. ეს ნიშნავს ხათრის ვერგატეხვის გამო ადამიანის დაჯერებას იმაში, რომ კარგად მღერის, ცეკვავს, წერს და მოკლედ, “ის ამ საქმისათვის არის შექმნილი”. ეს იწვევს ამბიციათა ზრდას და მავნებელია მათი ფსიქიკისათვის, რადგან როდესაც უცნობი ადამიანები მისი ხელოვნების წინაშე ქედს არ იხრიან, ჰგონიათ, რომ “ბლოკავენ”, რომ ჟიური ცდება, როცა შაკირას სიმღერას შესრულებას სათანადოდ ვერ აფასებს და სხვა.
• “შენ ხილი მიირთვი, მებაღეს რას კითხულობ” – ნომრის დასაწყისში ამ ფრაზით მინდოდა მეგულისხმა ტრიო, რომელთა დისკსაც მარკერისაგან შეუბილწავი ზედაპირი აღმოაჩნდა. თუმცა, ნომრის დასასრულს მივხვდი, რომ “ხილის ჭამის დემონსტრირება” ამ სიტყვებს ნამდვილად აღარ შეეფერებოდა…

That was all…

პ.ს: “ნიჭიერის” ნახევარფინალებამდე კი ერთი სული და ორი გადაცემა დამრჩა…

Landish, ბლოგერი landish.ge-დან

გადაცემის მეოთხე ნაწილიც წარმატებით დასრულდა და ბევრი დასამახსოვრებელი მონაწილეც გავიცანით. ზოგს სიმღერა კარგად გამოსდიოდა, ზოგი “უფრო კარგად ბრჭყვიალებდა, ვიდრე მღეროდა”, ზოგის მცდელობაც კი კრახით სრულდებოდა.

უიღბლო მომღერლები

“ნიჭიერში” ნამდვილი ზოოპარკი გაიმართა, გიგანტურმა კურდღლებმა სად აღარ სცადეს გამრავლება, მაგრამ ოპერის სცენაზე “ამის გაკეთება” პირველად და უკანასკნელად მოუწიათ. ესმერალდამ, სიყვარულით დამწვარმა პითონმა, რომლის წონაც 80 კილოგრამს უდრიდა, უპრობლემოდ მოახერხა პუბლიკის გაოცება და ზოგიერთის მიმართ სიყვარულის მაგირვრად ზიზღის გამოწვევაც.

ზოოპარკი "ნიჭიერში"

აქვე ერთი ინფორმაცია მათთვის, ვინც ჯუნგლებში აპირებს გამგზავრებას ან შემთხვევით მოხვედრას; თუ კი პითონმა ხელზე თავი დაგადოთ,  და თვალებში გიცქირათ, ე.ი. თქვენ მისი გული მოინადირეთ.

“მომღერლების” ბლოკი “ნიჭიერში” ძალიან გრძელი აღმოჩნდა; ზოგი მიუხედავად იმისა, რომ “კაცია და ქუდი ხურავს” და სურს თავისი სიმღერები, რომელბსაც “მინდორში მღერის” ხოლმე, “თაობებს დაუტოვოს”, უჭირს სცენაზე ორიენტაცია, მიკროფონთან ურთიერთობა და ბოლოს მაინც უჩნდება კითხვა: “რატო არა კაცო?”. ამ კონკურსანტის გამოსვლა გასულ გადაცემაში ყველაზე სახალისოდ შეიძლება ჩაითვალოს, მისი სიჯიუტიდან გამომდინარე და სცენიდან “ძალის ჩარევით” გაყვანის გამო.

თუმცა ბატონი ამირანი ერთადერთი არ ყოფილა, ვინც თავისი ნების გარეშე “გაიყვანეს” დარბაზიდან. ასეთი გულო სმონიანიც აღმოჩნდა, მაგრამ მის შემთხვევაში ნიკამ “ხერხი სჯობია ღონესას” მიმართა და მაიასთვის ნაჩუქარი ყვავილებით “კულტურულად” დაატოვებინა იქაურობა. (ნიკა, მაია ამას არ გაპატიებს :D).

"ყვავილოვანი დამშვიდობება"

ცოტა ხნით გადაცემის ფორმატის შეცვლას შეიგრძნო, ეს ცაგერიდან ჩამოსულმა “გოგონების ტრიომ” შეძლო, რომელმაც “უცნობი მომღერლის ჰიტის” გამოსაცნობად ნიკას გადაცემა “Name That Tune“-ის (Угадай мелодию) მონაწილედ აგრძნობინა თავი. მაგრამ, რა მათი ბრალია სიმღერის შემსრულებელი  რომ არ იციან, უბრალოდ “დისკს არ აწერია”.

"დისკს არ აწერია!"

სიმღერიდან ოდნავ მოშორებით, მაგრამ მუსიკასთან ახლოს იყო “იევროპული” და ქართული მუსიკის შემსრულებელი, დრამერი გიორგი ჟვანია, რომელმაც სამწუხაროდ ჟიური ვერ გააოცა და მხოლოდ პირველი ტურში არსებული კასტინგით დაკმაყოფილდა, რასაც ვერ ვიტყვით გუგა ჭყონიაზე, რომელმაც იგივე  და “დაჟე” უკეთესი მუსიკაც კი შემოგვთავაზა ყოველგვარი ინსტრუმენტების გარეშე. მისი ერთადერთი ხელსაწყო მისივე ორგანოები იყო; პირი და ცხვირი იყო, რომელმაც ბიტბოქსინგის სანიმუშო მაგალითი გვაჩვენა.

იევროპული მუსიკა VS. ბიტბოქსინგი

მონაწილეების გარდა “ნიჭიერში” თავისი ბედი წამყვანმა ვანიკომაც სცადა, რომელმაც ჯერ ის იყო “გრელკა” გახეთქა, შემდეგ კი “მარშუტკას” ჩაეჭიდა ერთი თითით. ამ ორი ნომრის შემდეგ ცოტათი დავფიქრდი, რა საჭიროა მთლიანი კონკურსი, პირდაპირ ვანიკოსთვის ხომ არ გადაგვეცა ბინა? :D

ნიჭიერი ვანიკო

ოპერის სცენაზე ერთი და იგივე ნომერი სხვადასხვა გაფორმებით არაერთხელ გვინახავს, მაგრამ ერთადერთი და განუმეორებელი ტელეპატი, მხოლოდ “დოქტორი ბუნა” იყო, რომელიც “მაგიური” ძალებით ცდილობდა ვანიკოს მიერ დამალული ტელეფონის პოვნას. მაგრამ რას ვიზამთ, არ გაუმართლა, ალბათ “ტელე”პატია და “ტელე”ფონი ერთმანეთს ვერ ეწყობა, მაშინ როცა ეს ყველაფერი “ტელე”ვიზიით გადაიცემა.

დოქტორი ბუნა და მაგნიტური ბიჭუნა

ერთადეთ და განუმეორებელ ნომრად, ამერიკული კომიქსების,  “X-men“-ების გაცოცხლებული ერთ-ერთი წევრის გამოსვლაც ითვლება, რომელსაც “მაგნიტურ” ველებთან თავისებური “სიახლოვე” აკავშირებდა. “შოუ კოვზებთან” ნამდვილად სამახსოვორო და მეორე ტურშიც საჩვენებელი იყო.

ყველა კონკურსანტს კასტინგზე მოხვედრამდე თავისი გზა და ისტორია აქვს. ზოგს ძაღლი მოსდევდა და თავის გადასარჩენად ათას ხერხს მიმართა, ზოგი ჯიუტი იყო და ძილის წინ ლეიბის მაგივრად დანებზე წვებოდა, მაგრამ ერთ-ერთ “კინტოს” გულში ჟიურის წევრი ჩაუვარდა და მისთვის სიყვარულის ასახსნელად იყო მოსული. მაიას ბედი გაეხსნა, მაგრამ სამწუხაროდ მან დავით ფიცხელაური მტკიცე უარით გაისტუმრა, ალბათ დღემდე ელის, თუ როდის მოიტაცებენ  მას ლეკები :D.

მაიაზე შეყვარებული კინტო

საკუთარი ისტორია ანა ჩანჩალიანსაც აქვს, რომელმაც 13 წლის გოგონა სცენაზე გამოსვლამდე ცრემლად აქცია და სტრესში ჩააგდო, მაგრამ მიუხედავად ამისა, მისთვის გამოყოფილი წუთები ანამ წარმატებით გამოიყენა და Celine Dion-ის I Surrender ბრწყინვალედ შეასრულა, რის გამოც მეორე ტურში გადამყვანი საგზურიც მოიპოვა.

დღის საუკეთესო შემსრულებლები

ოჯახური შესრულებით სიმღერები ნამდვილად იპოვებენ ჟიურის მოწონებას, რასაც ხაზს უსმევს მამა-შვილი ბაღაშ.. ღამბაშიძეების (c) გამოსვლა. მარიამმა და ედიშერმა შეძლეს ლუი არმსტრონგის გაცოცხლება, პუბლიკის სიყვარულის მოპოვება და მაია ასათიანთან “პროფილში“-ც მიპატიჟება.

სასიმღერო ნომრებთან შედარებით საცეკვაო ნომრები აშკარა სიმცირით გამოირჩეოდა, მაგრამ ყველაზე შესამჩნევი ტყუპი დების, ნაზი და ქეთი ასიტაშვილების ელასტიური გამოსვლა იყო, რომლებსაც ხმებიც ძალიან “ელასტიური” ჰქონდათ.

ელასტიური ტყუპები "ელასტიური" ხმებით

თავი რომ აღარ მოგაბეზროთ, შეჯამებაზე გადავალ. გასული გადაცემიდან ვისწავლეთ, რომ თუ ვინმე “გვბლოკავს” პრობლემა მასში კი არა, საკუთარ თავში უნდა ვეძებოთ; გავიგეთ skype-ს ახალი დანიშნულების შესახებ, რომლითაც კონცერტების ჩატარებაც შესაძლებელია; სულაც არ არის საჭირო მიიღოთ უშუალო მონაწილეობა ცხოველების გამრავლებისას, მთავარია ორი საპირისპირო სქესის არსება დასვათ ერთმანეთთან და დანარჩენს “თვითონ იზამენ”; დავრწმუნდით კიდევ ერთხელ იმაში, რომ  “ნაძვის ხეს” სარგებლობა მხოლოდ საახალწლოდ (და ბულგარეთში გასტროლებზე) მოაქვს; დავინტერესდით იმაში, თუ რა განსხვავებაა ბუშტის გახეთქვასა და “გრელკას” გახეთქვას შორის და სხვ.

მაგრამ მთავარი კიდევ წინ გველის, მეხუთე გადაცემა, ნანატრი სტრიპტიზითა და უამრავი სხვა საინტერესო ადამიანით. მეც სწორედ 1 კვირით დაგემშვიდობებით : ).

თინი, ბლოგერი tiny.ge-დან

თბილისში შექმნილი უამინდობის გამო, მგონი ყველაფერი პარალიზებულია და იძულებული ვარ, სურათების გარეშე დავწერო. myvideo-ს live არ ,  თუმცა  ალბათ დამეთანხმებით, რომ ისეთი განსაკუთრებული გადაცემა იყო, როგორც იტყვიან “აქედან ვერ ამოშლით!”  : ))

 ვეცდები არც ერთი “განსაკუთრებული მონაწილე” არ გამომრჩეს

განსაკუთრებულები

ზოგი მას მისტიკის მხედართმთავარ უწოდებს.. ქუთაისში მას მოიხსენიებენ “მაგ იდუმალი კაცი  მაგი”-დ, ზოგისთვის ის  უბრალოდ ტელეპატია.. ჩვენ კი მხოლოდ ის ვიცით, რომ ის დოქტორი ბუნაა!

დოქტორი ბუნა არც თუ ისე წარმატებული აზრთა მხილველი გამოჩნდა.. ან იქნებ ვანიკო ფიქრობდა სხვა რამეზე მაგ დროს? ისე, მე მინდოდა მეორე შანსი მიეცათ და კიდევ ეცადა მოძებნა, იქნება გამოსვლოდა:))

გელიან, გელიან ო როგორ გელიან, გელიან გელიან, გაშლილი ვარდები შენ გელოდებიან

(c) კომპოზიტორი, რომლის სახელიც დისკს არ აწერია!

აი ეს იყო საოცრება..ცაგერელი გოგონების ტრიოს არ გაუმართლა.ისევე, როგორც დუეტს “skype”. ისე, აქ ბლოგზე რომ დაიდო კითხვა, მათი ჯგუფის სახელის შესახებ, ადნაკლასნიკები მეგონა  და კიდევ ჯანდაბას, სკაიპი მაინც ჯობია! :D

გულო სმოიანი, რომელიც მიკროფონითაც და მიკროფონის გარეშეც ერთნაირად მღერის   “პაემანზე არ მოხვედი, მე კი შენ გელოდი. გირეკავდი, გირეკავდი..”-ს. ნიკას ჟესტი დააფიქსირეთ, როცა ბოლოსდაბოლოს ყვავილების დახმარებით სცენიდან გაიყვანა? : )) შემეცოდა ცოტა გასვლის დროს ისე..

შაკირას შეშურდებოდა ნამდვილად, სალომე ფოთოლაშვილის სიმღერის და ცეკვის სმენა/ყურება. არასწორად მღერით-ო ნიკამ რომ უთხრა, ისე შეიცხადა, კინაღამ დავიჯერე, რომ  ”ფაინა ბონათუ ნაჯიზიზთბლ”-ი ნამდვილად ინგლისურად ჟღერდა და  შაკირასავით მოქნილად ცეკვავდა :D

ამირან მამულაშვილი, რომლის გამოსვლასაც მე არ ვიცი რა დავარქვა. ვერ ვიხალისე, იმდენად შემეცოდა ეს მოხუცი :( ისე, მგონი მთვრალი იყო ხომ?

კიდევ დამამახსოვრდა იევროპული მუსიკების შემსრულებელი დრამერი!..მართლა გული დამწყდა, რომ ის ბიჭი არ გადაიყვანეს შემდეგ ტურში, მანქანას რომ გადაახტა..

ყურადღება, რუსთავში ბლოკავენ!

ამბიციური ახალგაზრდა, რომელსაც ქალაქ რუსთავის ადმინისტრაციასთან პრეტენზიები ჰქონდა- მარტო ცნობილ მომღერლებს ამღერებენ კონცერტებზე და ჩვენ გვბლოკავენო! ბლოკავენ, მაგრამ სამაგიეროდ სახლში DJ-ია! სიმღერა დაიწყო, თუ არა, მაშინვე გამიქარწყლდა ეჭვები, რომ უსამართლოდ მოექცნენ, როცა დაბლოკეს. თუმცა, ნიკამ ისეთი სასარგებლო რჩევები მისცა, მის ადგილას მშვიდად წავიდოდი სახლში: ))

“განსაკუთრებულები2” დავარქვათ “ესმერალდას” და გიგანტური ბოცვრების გამოსვლას!ესმერალდას მეპატრონის ჩაცმულობამ დამაბნია ისე, მაგრამ ეგ არ შევიმჩნიოთ და 80 კილოიანი გველი, თან როგორც გაირკვა ახალ ტყავ გამოცვლილი, რამ მიაყვანინათ სცენაზე?  ნუ, პრინციპში შთამბეჭდავი იყო, მაგრამ მეორე ტურში რატომ გაუშვეს, რა უნდა გააკეთოს ახალი? მშიერს მიიყვანენ, დაენახებიან გველს და ის რომ (თუ) არ შეჭამს ეგ იქნება ალბათ ნიჭი :D

ბოცვრებს უფრო პერსპექტივა ჰქონდათ მეორე ტურისთვის- ოღონდ იმ შემთხვევაში, თუ დააცდიდნენ იქ სცენაზე იმას, რაც არ აცადეს.. :D არადა, რომ გაეშვათ, მეორე ტურში უკვე ვნახავდით  ოპერის სცენაზე ჩასახულ გიგანტურ ბოცვრებს! რაც მთავარია, ის მაინც დაამტკიცეს იმ ბოცვრებმა, რომ მეპატრონის ნათქვამი ფრაზა “მე ვამრავლებო” მცდარი იყო! :D

ფავორიტები:

ქეთი და ნაზი. მართლა ულამაზესი ნომერი იყო!

მამა-შვილი ღამბაშიძეები

გუგა ჭყონია

არ მეგონა, თუ საქართველოში ასეთი მაღალი დონის ბიტბოქსი შეეძლო ვინმეს! ძალიან მომეწონა.. იგივე ნომერი ალბათ ყველას ნანახი გვაქვს ცნობილი ბიტბოქსერის, პულპოს შესრულებით. მართალია გუგას ასეთი დახვეწილი ტექნიკა არ აქვს, მაგრამ მაინც მართლა ერთ-ერთი გამორჩეული მონაწილე იყო. ამ დილას იყო რუსთავი2-ის დილის გადაცემაში მიწვეული გუგა და იქ თქვა, რომ სწორედ პულპოს ვიდეოს ნახვის შემდეგ გადაწყვიტა ესწავლა ბიტბოქსი და თავისით ისწავლა, რა თქმა უნდა.. როგორც მან თქვა, მთავარია ნიჭი, მონდომება და შრომა იმისთვის, რომ ეს  გამოგივიდეს : ) დამატებითი ინფორმაცია გუგაზე-  ფეხბურთელია, დინამოს აკადემიაში თამაშობს და აპირებს ბოლომდე ფეხბურთს გაყვეს. დილის გადაცემაშიც, რა თქმა უნდა, გააბიტბოქსინეს (ხომ ასე ქვია? ) და გავოგნდი- “სულიკო”-ც კი შეურია თავის მიქსში! ძალიან მაგარი იყო . შემდეგ ტურში რას შემოგვთავაზებს, ჯერჯერობით არ ამხელს: ))

ანა ხანჩალიანი

აი ამ ბავშვით მე მართლა აღფრთოვანებული ვარ! არც ერთ მონაწილეს არ მოუხდენია ასეთი შთაბეჭდილება ჩემზე.. ჯერ ერთი, ისეთი სტრესი ქონდა თავის ძმის გამო, რომ ცრემლებს ძლივს ყლაპავდა. ცალკე წარმოიდგინეთ ის ნერვიულობა, რომელსაც ალბათ ყველა მონაწილე განიცდის სცენაზე გასვლის წინ.. ამ ყველაფრის მიუხედავად, ისე იმღერა, რომ ის ერთი-ორი ხარვეზი, რის გამოც გეგამ  მიუთითა, ნამდვილად არ იყო  მისათითებელი. ალბათ, ერთ-ერთი ყველაზე ემოციური გამოსვლა იყო  შოუს ისტორიაში.

და ბოლოს, გაანსაკუთრებული ფავორიტი, მეოთხე გადაცემის გმირი და დაამსახურებული ნიჭიერი- ვანიკო! ნამდვილად გავოგნდი მისი შესაძლებლობებით! “ვარჯიში ჩემთვის ცოტა საჭირო და სხვისთვის შეიძლება შეუძლებელიც იყოს ამის გაკეთებაო..” -სიამაყით ამბობდა გრელკის უბადლო მხეთქავი, მაგრამ ხომ იცით, ნათქვამია “ალექს ვარდოშვილი ბჭობდა, ვანიკო გრელკას ხეთქავდაო”…

გადავდივართ ლოდინის რეჟიმში, ნიჭიერამდე დარჩენილია 6 დღე! შემდეგ გადაცემაში ვიხილავთ 83 წლის მოცეკვავეს, ამდენი ხნის ნანატრ სტრიტპიზს და რაც მე ყველაზე ძალიან მაინტერესებს, მაიკლ ჯექსონის ორეულს.. ისე, რომელი ჯექსონი მოერევა ილია, თუ ეს მეორე?  :D თუ არც ეჯიბრებიან? ისეთი მეგობრული ფოტო ვნახე მათი, რომ ეჭვი მაქვს ერთმანეთს არ ერჩიან : )მოკლედ, ველოდებით მეხუთე გადაცემას სულმოუთქმელად! მე კიდევ მომავალ სამშაბათამდე გემშვიდობებით..

ცალი თითი ”მარშუტკის” გაწევა

DJ Blocked

ანა ხანჩალიანი მღერის სელინ დიონის I Surrender-ს.

ქეთი და ნაზი

გეგა ტარანტინოს როლში რომ ყოფილიყო და როზა ვამპირად გადაქცეულიყო, უფრო მაგარი სანახაობა იქნებოდა :)

18+

ნიკა, ყვავილები და ერთი შანსი

კაცი ნიჭი! კაცი ბიტი! კაცი ბოქსი! კაცი ბიტბოქსი!

დოქტორი ბუნა! თავზე ფოლგის ქუდები დაიხურეთ თორე აზრებს კითხულობს ეგ!