ელენე და გიორგი ჭამიაშვილები ბავშვობიდან ერთად იგონებენ თავიანთი სკეტჩების სიუჟეტებს. იდეა ყველასთვის ცნობილი კახური ანეკდოტების მოსმენისას დაებადათ, რომელთა მთავარი გმირები მიხო და მარო არიან, და გადაწყვიტეს ეს გმირები რეალურად “გაეცოცხლებინათ” ცხოვრებაში.

15 წლის გიორგი და 16 წლის ელენე სცენაზე არასდროს გამოსულან. ძირითადად მეგობრების და მეზობლების წრეში წარადგენდნენ ხოლმე ახალ-ახალ ნომრებს.

ნახევარფინალისთვის ელენემ და გიორგიმ გადაწყვიტეს სიახლე შეეთავაზებინათ მაყურებლისთვის და ნომერი შაირებით შეადგინეს! რაც შეეხება ცეკვის ილეთებს, ამასაც თავად იგონებენ და ბევრს მუშაობენ, რომ უკეთესად იცეკვონ.

პროექტში გულშემატკივრობენ ანი ხანჩალიანს.

დაეხმარეთ  ელენეს და გიორგის ფინალის საგზურის მოპოვებაში! დაურეკეთ ან დაუმესიჯეთ ნომერზე 9122. ერთდროულად 5 ხმის მისაცემად აკრიფეთ 91225

ელენე და გიორგი რეპეტიციაზე

ელენეს და გიორგის ვიდეო:

მოცეკვავეების ჯგუფი west side dancers სულ რამდენიმე თვეა არსებობს. ერთმანეთი ზაფხულში, ბათუმის ბულვარში გამართულ ერთ-ერთ კონცერტზე გაიცნეს და მას შემდეგ გადაწყვიტეს ჯგუფად ჩამოყალიბება. სახელიც ბათუმის გეოგრაფიული მდებარეობიდან გამომდინარე შეარჩიეს.

პირველი ტურის შესარჩევ კონკურსზე არასრული შემადგენლობით გამოვიდნენ გოგოების ჯანმრთელობის მდგომარეობის გამო,  რამაც მთლიანად შეცვალა ცეკვა და კასტინგზე ჩვენ ვიხილეთ სულ 2-3 დღის დადგმული ნომერი! ამჯერად west side dancers-ი სრული შემადგენლობით წარსდგება მაყურებლის წინაშე – 4 ბიჭი და 3 გოგონა.

კვირაში რამდენჯერმე იკრიბებიან და საათების მანძილზე ვარჯიშობენ. ნიჭიერის ნახევარფინალისთვის მომზადებულმა ნომერმა საბოლოო სახე სულ 2 კვირის წინ მიიღო, რადგან ყოველი ვარჯიშის დროს ახალ-ახალ მოძრაობებს ამატებდნენ.

გულშემატკივრობენ პარკურს და მარიამ კახელიშვილს.

მხარი დაუჭირეთ west side dancers-ს! დაურეკეთ, ან დაუმესიჯეთ ნომერზე 9121. ერთდროულად 5 ხმის მისაცემად აკრიფეთ 91215

west side dancers-ის წევრები რეპეტიციაზე. არაფრის, არაფრის!

აკა და გვანცა 4 წელია ერთად ცეკვავენ. პედაგოგი არ ჰყავთ, მაგრამ ყოველთვის იმაღლებენ კვალიფიკაციას საზღვარგარეთ. აქ საკუთარი სტუდია აქვთ და მოსწავლეებს ამეცადინებენ.

ისინი თვლიან, რომ ცეკვის ამ სახეობის ყველა ტექნიკას ფლობენ, პლასტიკა, ქორეოგრაფიული ტექნიკა და სტანდარტული მოძრაობებიც ზედმიწევნით აქვთ შესწავლილი.

თავიანთი ნომრების ქორეოგრაფია თვითონ ეკუთვნით, კოსტუმებსაც გვანცა კერავს თავის ხელით :)

მთელმა საქართველომ იცის უკვე მათი სიყვარულის ამბავი. ქორწილი “ნიჭიერის” გამო მაისში გადადეს – მანამდე მთლიანად პროექტით არიან დაკავებულები.

უგულშემატკივრეთ აკას და გვანცას, დაურეკეთ ან დაუმესიჯეთ ნომერზე 9130. ერთდროულად 5 ხმის მისაცემად აკრიფეთ 91305.

აკა და გვანცა რეპეტიციაზე

აკა და გვანცა კასტინგზე:

ბაბი და მარი ბავშვობის მეგობრები არიან. ჯერ კიდევ ბაღში სიარულისას მღეროდნენ ერთად :) კაბარე, რომელიც ნიჭიერში შეასრულეს, 3 წლის წინ იმღერეს სკოლაში, ერთ-ერთი კონცერტზე პირველად.

მასწავლებელი არ ჰყოლიათ არასდროს, თავისით მოამზადეს პირველი კასტინგისთვის ყველაფერი, თუმცა ნახევარფინალისთვის უკვე დაიხმარეს პროფესიონალი ვოკალისტი, რადგან ამას დიდი პასუხისმგებლობით ეკიდებიან.

ჯერ არ იციან მომავალში ერთად სიმღერას გააგრძელებენ, თუ სოლო კარიერას აირჩევენ, მაგრამ ამ ეტაპზე ძალიან მოსწონთ ერთად სიმღერა!

უგულშემატკივრეთ ბაბის და მარის, დაურეკეთ ან დაუმესიჯეთ ნომერზე 9129. ერთდროულად 5 ზარისთვის მათ ნომერს მიუწერეთ 5-იანი!

ბაბი და მარი რეპეტიციაზე

ბაბი და მარი კასტინგზე:

გუგა ბიტბოქსს უკვე ერთი წელია სწავლობს ინტერნეტში ნანახი ვიდეოების მიხედვით. მისი მუზები ცნობილი ბიტბოქსერები, პულპო და ბირდმენი იყვნენ.  როგორც მან თქვა, იმისთვის,  რომ ეს  გამოგივიდეს  მთავარია ნიჭი, შრომა და მონდომება!

გუგა სკოლის მოსწავლეა, პარალელურად ფეხბურთზე დადის, დინამოს აკადემიაში თამაშობს და აპირებს ბოლომდე ფეხბურთს გაჰყვეს.

ძალიან უნდა, რომ საქართველოში ბიტბოქსი პოპულარული გახდეს და ბევრი მიმდევარი გამოუჩნდეს ამ ჟანრს :)

ნიჭიერის სხვა კონკურსანტებიდან გულშემატკივრობდა ავთო გოგეშვილს, ახლა დავით რობაქიძეს უგულშემატკივრებს.

დაეხმარეთ გუგას ფინალის საგზურის მოპოვებაში, დაურეკეთ, ან დაუმესიჯეთ ნომერზე 9128! ერთდროულად ხუთი ხმის მისაცემად აკრიფეთ 91285

გუგა რეპეტიციაზე

გუგა კასტინგზე:

რამაზ გარშაულაშვილი 1986 წლიდან საცირკო საქმიანობას ეწევა. ის თბილისის ცირკშიც მუშაობდა, იყო საცირკო-საესტრადო სასწავლებელში პედაგოგიც. ამ საქმიანობების პარალელურად, ყოველთვის დადიოდა გასტროლებზე სხვადასხვა ქვეყნებში, მართავდა წარმოდგენებს და უფრო და უფრო იღრმავებდა ცოდნასაც.

საცირკო ხელოვნებით პატარაობაში დაინტერესდა. მასწავლებლის და დახმარების გარეშე გააკეთა ის, რითაც მაშინდელი პრესა და ტელევიზია დააინტერესა… ამზადებდა ნომერს გაწვრთნილი ვირებით, სადაც ოსურ ცეკვას და ვალსს ცეკვავდნენ ვირები!

სოფელში, ტყეში ხიდან ხეზე ჰქონდა გაბმული ტროსები, ქვემოთ ეკლები იყო მოფენილი და ისე ვარჯიშობდა. თვლის, რომ სწორედ ამის გამო ისწავლა კარგად ბაგირზე სიარული!

ის თვლის, რომ ყველაფერი სეუძლია გააკეთოს ერთმა კაცმა, რასაც ცირკში ბევრი აკეთებს. ანუ შეუძლია გააკეთოს ერთი მსახიობის ცირკი, სადაც კლოუნიც თვითონ იქნება, ბაგირზე მოსიარულეც, ხანლების მყლაპავიც და ა.შ. :)

სხვათაშორის, თურქეთში, ძალიან წარმატებულ სატელევიზიო პროექტში მუშაობდა და ასწავლიდა ვარსკვლავებს საცირკო ხელოვნებას.

აქვს საკუთარი მოძრავი ცირკი “შაპიტო ანტრე” და წარმოდგენებს მთელ საქართველოში მართავს!

ნიჭიერში ოლიმპური პრინციპით მონაწილეობსნ- მთავარია მონაწილეობა!

დაუჭირეთ მხარე რამაზ გარშაულაშვილს, დაურეკეთ ან დაუმესიჯეთ ნომერზე 91 27! ერთდროულად 5 ხმის მისაცემად აკრიფეთ 91 27 5

რამაზ გარშაულაშვილი რეპეტიციაზე

რამაზი კასტიგნზე:

9 წლის ტყუპებისთვის  ნიჭიერი პირველი სერიოზული კონკურსია. ძალიან დიდი პასუხისმგებლობით ეკიდებიან და დღეში 4 საათს ვარჯიშობენ.

ელენეს და ეკას ძალიან უყვართ ეს სპორტი და აპირებენ, რომ მომავალშიც გააგრძელონ პროფესიონალურ დონეზე ვარჯიში. ისე უყვართ, რომ თუ გაკვეთილებს არ სწავლობენ, დედა იმით აშინებს, რომ ტანვარჯიშიდან გამოგიყვანთო :)

გოგოებს ვერავინ ვერ არჩევს ერთმანეთისგან. მხოლოდ თმისამაგრებით და ხელთათმანებით ცნობდნენ, მაგრამ მას შემდეგ, რაც ეს ტყუპებმა გაიგეს, ხელთათმანების და თმისსამაგრების გაცვლა დაიწყეს სხვების დასაბნევად.

უგულშემატკივრეთ ელენე და ეკა თორიებს. დაურეკეთ, ან დაუმესიჯეთ ნომერზე 9126. ერთდროულად ხუთი ხმის მისაცემად აკრიფეთ 91265

ეკა და ელენე რეპეტიციაზე

ელენე და ეკა კასტიგნზე:

მებონიების ოჯახში ყველა მღერის. მამა პოლიციელია, დედა სასცენო ხელოვნებას ასწავლის წალენჯიხის რაოინში, რეჟისორია. სწორედ დედამ ასწავლა სიმღერა შვილებს. ის თვითონაც წერს ლექსებს მეგრულ და ქართულ ენებზე.

შვილები სკოლის მოსწავლეები არიან. ბიჭებს ძალიან უყვართ თევზაობა. ენგურთან ცხოვრობენ და ხშირად არიან ამ საქმიანობით დაკავებულები. გოგონას უნდა დიზაინერი გახდეს, კარგად ხატავს. სულ უმცროსს კი ყველაზე მეტად ჭამა უყვარს! :)

მხარი დაუჭირეთ მებონიების ოჯახს, დაურეკეთ, ან დაუმესიჯეთ ნომერზე  9125. ერთდროულად 5 ხმის მისაცემად, აკრიფეთ 91255.

მებონიები კასტინგზე:

როკ ჯგუფი “შუშა” უკვე ერთი წელია რაც არსებობს. მიუხედავად ამ მცირე დროისა, მათ უკვე მიაღწიეს წარმატებებს და კონკურსში “თსუ-ს ხმა 2009″ პირველი ადგილი დაიკავეს! გარდა ამისა, დიდ წარმატებად შეიძლება ჩაითვალოს, რომ Tbilisi open air alter vision-შიც მიიღეს მონაწილეობა.

ისინი თავიანთ მუსიკას თვითონ ქმნიან. ყველა კომპოზიციის და ტექსტის ავტორებიც თვითონ არიან. ის სიმღერაც, რასაც ნახევარფინალში მოვისმენთ, მათი დაწერილია სპეციალურად “ნიჭიერისთვის”.

კონკურენტებს ვერ ასახელებენ, რადგან მათი სფერო ყველასგან განსხვავებულია.

მხარი დაუჭირეთ “შუშა”-ს, დაურეკეთ ან დაუმესიჯეთ ნომერზე 9124. ერთდროულად ხუთი ხმისთვის- 92245

"შუშა" რეპეტიციაზე

შუშას ვიდეო კასტინგიდან:

27 წლის იოსებ გოგია პროფესიით პანტომიმის მსახიობია. ქორეოგრაფიას თვითონ დგამს და პანტომიმის სიუჟეტებსაც თვითონ იგონებს.

დიდი ხნის განმავლობაში მუშაობდა თბილისში, ხან დარაჯად, ხან სხვადასხვა მაღაზიებში… თუმცა ნიჭიერმა მის ცხოვრებაში ბევრი რამ შეცვალა – გადაცემის შემდეგ იოსებს თავის რაიონიდან, მარტვილიდან დაუკავშირდნენ და სამსახური შესთავაზეს. ახლა ის ხელოვნების მასწავლებელია ადგილობრივ სკოლაში, თან საკმაოდ წარმატებულიც – მისი მოსწავლეები რაიონულ ღონისძიებებზე სულ I და II ადგილებს იღებენ.

კონკურსანტებიდან გულნაზი გოლეთიანს გულშემატკივრობს. ძლიერ კონკურენტად მიიჩნევს next level-ს.

უგულშემატკივრეთ იოსებს, დაურეკეთ ან დაუმესიჯეთ ნომერზე 9123! 5 ხმის ერთდროულად მისაცემად მის ნომერს დაუმატეთ 5-იანი:)

იოსებ გოგია რეპეტიციაზე

იოსებ გოგიას კასტინგი:

ხათუნა 3 წლიდან მღერის, თუმცა პროფესიონალურ დონეზე არასდროს უმღერია, მასწავლებელი არასდროს ყოლია. მისი ერთადერთი გამოცდილება სცენაზე დგომისა, იყო სტუდენტობის დროს, როცა “სტუდენტურ დღეებში” მიიღო მონაწილეობა.  ნიჭიერის სცენაზე მან ბავშვობის ოცნება აიხდინა!

ის დიასახლისია ამჟამად. წერს ლექსებს და სიმღერებს. მისი ორი ქართული სიმღერა რადიო 100.9-ზეც ტრიალებდა!

მას ახლა უკვე ყველა სცნობს, მთლიანად შეიცვალა მისი ცხოვრებაც. ხალხის სიყვარულს გრძნობს და ძალიან უხარია. თავისი სასიმღერო კარიერის გაგრძელებას აპირებს და იმედი აქვს, რომ წარმატებას მიაღწევს.

კონკურენტების დასახელება უჭირს, რადგან თვლის, რომ ყველა ძალიან საინტერესოა და ნიჭიერი! ყველას გულშემატკივრობს.

დაეხმარეთ ხათუნა მეგრელიშვილს ფინალის საგზურის მოსაპოვებლად, დაურეკეთ ან დაუმესიჯეთ ნომერზე 9122! 5 ხმის ერთდროულად მისაცემად, აკრიფეთ 91225.

ხათუნა მეგრელიშვილი რეპეტიციაზე

ხათუნა მეგრელიშვილი კასტინგზე:

New Style 1 წელი და 6 თვეა, რაც ჩამოყალიბდა. 11 წევრისგან შედგება – 4 გოგოა და 7 ბიჭი. ერთად შეკრებამდე ჯგუფის წევრები, რა თქმა უნდა, ცალ-ცალკე მოღვაწეობდნენ თავიანთ სფეროში და ამიტომ საკმაოდ გამოცდილი მოცეკვავეებითაა დაკომპლექტებული. 8 თვის განმავლობაში ისინი არც ერთ მოწვევას არ იღებდნენ, მხოლოდ ვარჯიშობდნენ, რათა ერთმანეთი კარგად გაეცნოთ და დაახლოებულიყვნენ. საკუთარი სტუდიაც აქვთ, სადაც მოსწავლეებს გადასცემენ გამოცდილებას :)

ქორეოგრაფია თავად ეკუთვნით, ერთად იგონებენ მოძრაობებს.

მიღწევებიც ბევრი აქვთ, საქართველოს  მასშტაბით რაც კონკურსები იმართება, ყველგან იღებენ მონაწილეობას და აქვთ წარმატებები როგორც სოლოში მოცეკვავეებს, ისე მთლიან ჯგუფს.

როგორც თავად ამბობენ, ნიჭიერამდეც საკმაოდ პოპულარულები იყვნენ, თუმცა ნიჭიერის შემდეგ შემოთავაზებებმა იმატა.

ძლიერ კონკურენტად გულნაზი გოლეთიანს მიიჩნევენ.  გულშემატკივრობენ პარკურს!

უგულშემატკივრეთ new style-ს, დაურეკეთ ან დაუმესიჯეთ ნომერზე 91 21! ერთდროულად 5 ხმის მისაცემად, მათ ნომერს დაუმატეთ 5-იანი :)

new style რეპეტიციაზე

New Style – კასტინგის ვიდეო:

მარიამ კახელიშვილი “ნიჭიერი”-ს ერთ-ერთი გამორჩეული მონაწილეა და ძალიან ბევრი გულშემატკივარი ჰყავს.

მარიამი 3 წლიდან მღერის და ამავე ასაკიდან დადის ვოკალის მასწავლებლებთან. ამჟამად ბზიკების სტუდიის მოსწავლე და აქტიური წევრია.

მართალია არც ერთ სტილში არ უჭირს სიმღერა, მაგრამ ძირითადად მაინც  უცხოურ ესტრადას ირჩევს რეპერტუარისთვის.

“ნიჭიერი”-ს ჟიურის სამივე წევრმა ერთხმად უწინასწარმეტყველა მარიამს წარმატება და არც შემცდარან, მარიამის სახელი და გვარი დღეს ყველამ იცის და ყველას უყვარს, მის კონკურენტებსაც კი. მისი კასტინგის ვიდეომ ყველა რეკორდი მოხსნა – ის 162 000-ზე მეტჯერ იხილეს.

კონკურენტებად თვლის რამდენიმე მონაწილეს, თუმცა დასახელებისგან თავს იკავებს. მოსწონს გულნაზი გოლეთიანი და next level.

უგულშემატკივრეთ მარიამს, დაურეკეთ ან დაუმესიჯეთ ნომერზე 9130, 5 ხმა ერთად – 91305.

მარიამის სიმღერა კასტინგზე:

ყველას აინტერესებს,  ყურებით, კბილებით საგნების ამწევებს, თავზე აგურის გადამტვრევის ნომრების მქონეთ პირველად როდის ებადებათ იდეა, მსგავსი რამე სცადონ.

ჩვენც პირველი ეს ვკითხეთ მერაბ კირაკოზაშვილს, ყველაზე გამძლე კბილების მქონე მონაწილეს, თუ საიდან დაებადა იდეა, ეცადა საგნების კბილებით აწევა.

თურმე მერაბის მოტივატორი არც მეტი, არც ნაკლები, “წუნა და წრუწუნა” ყოფილა, კერძოდ კი ეს ეპიზოდი ყველასთვის საყვარელი მულტფილმიდან:

მულტფილმის დამთავრებისთანავე მერაბმა ტელევიზორი გვერდით გადადგა და მაგიდას კბილებით დაეჭიდა.

როგორც ჩანს, ისე კარგად გამოუვიდა, ნიჭიერის ნახევარფინალშიც თავისი გამძლე და ნიჭიერი კბილების წყალობით მოხვდა!

“ნიჭიერის” ეთერში გასვლის შემდეგ ყველა სცნობს და სთხოვენ, დააჯილდოვოს  თავისი განუმეორებელი ღიმილით:)

თუ გსურთ მერაბ კირაკოზაშვილი ფინალში იხილოთ, დარეკეთ ან დაამესიჯეთ ნომერზე 9129, 5 ხმა ერთად – 91295.

მერაბ კირაკოზაშვილი კასტინგზე:

"პლატინა"-ს მოცეკვავის წებოიანი ხელები!:))

პლატინას ბათუმელების იმედი აქვს – ფიქრობენ, რომ იმსახურებენ ფინალისტობას :)

უგულშემატკივრეთ ჯგუფ “პლატინა”-ს,დაურეკეთ ან დაუმესიჯეთ ნომერზე 9128! 5 ხმა ერთდროულად – 91285.