ეს ჯგუფი yes block_ში, რამდენიმე წამით ვიხილეთ და მაშინვე კარგი გამოხმაურება მოჰყვა. მას შემდეგ, რაც გაირკვა, რომ მეოთხე ნახევარფინალში ვიხილავდით მათ, გადავწყვიტეთ სრული ვერსია გვეჩვენებინა თქვენთვის! მათი პროფესიონალიზმი და ხმების შეწყობა ჟიურისაც ძალიან მოეწონა და დადებითი შეფასებებიც მიიღეს :)
მესამე სეზონის მესამე ნახევარფინალის შედეგად კიდევ ორი ფინალისტი გამოვლინდა. მაყურებლის რჩეული ჯგუფი “ლურჯი იალქანი”, ხოლო ჟიურის რჩეული ლენკა ზვიადაძე გახდა. საქართველოს ბანკმა ფავორიტად საჰაერო აკრობატი, ნატა შუაქრიშვილი დაასახელა.
იხილეთ შემოსული ხმების პროცენტული გადანაწილება:
ამჟამად, ფინალისტების სია ასეთია:
რაც შეეხება საქართველოს ბანკის სამეულს, რომელსაც მომდევნო ორი ნახევარფინალიდან კიდევ დაემატება ორი და მხოლოდ ამის შემდეგ შეარჩევს ინტერნეტ მომხმარებელი ორ დამატებით ფინალისტს, ამჟამად ასე გამოიყურება:
“ნიჭიერი” დღეს მესამე ნახევარფინალის მონაწილეებს უმასპინძლებს სცენაზე. უკვე ორი წარმატებული ნახევარფინალი ჩატარდა და გამოვლინდა 4 ფინალისტი. დღეს კიდევ ორს შეარჩევს მაყურებელი და ჟიური! შეგახსენებთ, რომ პირველ ფინალისტს სწორედ თქვენ, მაყურებლები ირჩევთ და იმისთვის, რომ თქვენმა ფავორიტმა გამარჯვება მოიპოვოს, აქტიურობაა საჭირო.
წლევანდელ სეზონს ძალიან კარგი გამოხმაურება აქვს როგორც სოციალურ ქსელებში, ასევე პრესაში და ტელევიზიაში. ჩვენი კონკურსანტები უკვე დიდი პოპულარობით სარგებლობენ და წარმატებულები არიან. პირველი ნახევარფინალის შემდეგ, გეგამ Prime Time-სთან ინტერვიუში ისაუბრა “ნიჭიერის” შესახებ:
“ჩემი ფავორიტები მაინცდამაინც არ იმარჯვებენ და არც ვამბობ ხოლმე ვინ არიან, თუმცა ბოლოს ისე გამოდის, რომ ჩემი ფავორიტები ყველაზე წარმატებულები ხდებიან. ყველა ნომერი, რაც ახლა ნახევარფინალში ვნახეთ, შესარჩევებთან შედარებით უფრო განსხვავებული, ახლებური და დახვეწილია. მართლა ეტყობათ, რომ ეს პერიოდი გადასარევად გამოიყენეს და ძალიან მოინდომეს ნახევარფინალში თავისი მაქსიმუმი ეჩვენებინათ. ანუ მიხვდნენ, რომ თავის დაზოგვას აზრი არა აქვს. მაქსიმალური უნდა გააკეთო იმისთვის, რომ ახლა მოგიწონოს მაყურებელმა, დაგირეკოს და მხარი დაგიჭიროს. ისე ფინალში ვერ მოხვდები.
წელს არიან ისეთი მონაწილეები, რომლებიც აქამდე არასდროს გვყოლია. თუნდაც ფანტასტიკური რეპერი ბავშვი, ოთო ბუაძე არაჩვეულებრივი რითმის შეგრძნებითა და საკუთარი ტექსტებით. მეგობრების ტრიო მშვენივრად შეწყობილი ხმებით და იუმორით. Dream Walkers-ის ბიჭები, რომლებიც ძალიან კარგად ცეკვავენ. შეიძლება არ იყოს რთული ილეთები, მაგრამ საერთო ჯამში ძალიან სახალისო წარმოდგენა იყო და წინ კიდევ ბევრი ნომერი გვაქვს.
არ ვიცი წლის მოვლენა, თუ რა დავარქვა ამ ყველაფერს, მაგრამ იქიდან გამომდინარე, რომ ჯერ მხოლოდ პირველი ნახევარფინალის ნაწილი ვნახეთ, დარწმუნებული ვარ, რომ ნახევარფინალები და ფინალი ძალიან დაძაბული და ნამდვილად საოცარი სანახაობა იქნება.
რაც მთავარია, დღევანდელი შოუ კიდევ ერთხელ ამტკიცებს იმას, რომ უკვე მესამე წელია პროექტი “ნიჭიერი” საქართველოში, ყველაზე რეიტინგულ არხზე, ყველაზე ძლიერი, ყველაზრე რეიტინგული და ყველაზე მასშტაბური შოუა. უკვე მიყოლებით 33 კვირაა, რაც რუსთავი2 არ თმობს პირველობას.”
სულ რამდენიმე დღე დარჩა მესამე ნახევარფინალამდე. კიდევ ერთხელ გავიხსენოთ ის მონაწილეები, რომლებსაც ორშაბათს ვიხილავთ და გადავხედოთ მათ გზას ნახევარფინალამდე.
ჯგუფი ”ლურჯი იალქანი” პროექტში ოზურგეთიდან ჩამოვიდა. მიუხედავად იმისა, რომ ბიჭების ნომერი, ეთერში სულ რამდენიმე წამით გავიდა, მან დიდი ინტერესი გამოიწვია ინტერნეტმომხმარებლებში. ”ლურჯი იალქანის” გამოსვლის სრული ვერსიის ნახვის სურვილი ბევრმა ადამიანმა გამოთქვა და ამიტომ, ის ნიჭიერის ბლოგზე და ფეისბუქის გვერდზე დაიდო, ექსკლუზივის სახით. თუკი თქვენც მოგეწონათ ლურჯი იალქანის გამოსვლა, შეგიძლიათ მოიწონოთ მათი ოფიციალური გვერდი:
ჟიურის მოწონება დაიმსახურა საცეკვაო ჯგუფმა ”ვივა დენსი”, რომლის შემადგენლობაში ბეეევრი გოგო და ერთი ბიჭი გამოვიდა. ჟიურის თანხმობამ ძალიან გაახარა ბავშვები და ახლა ისინი ახალ, ენერგიულ ნომერს ამზადებენ ნახევარფინალისთვის.
ჯგუფის გამოსვლა იხილეთ 2:27-დან
ოთარ მამასახლისი, იგივე ოთარინიო, ფეხბურთელების პაროდიებისა და ბევრი სხვა საინტერესო რამის საჩვენებლად მოვიდა კასტინგზე. როგორც აღმოჩნდა, ქართული ფეხბურთის მოყვარულებს შორის, ოთარინიო საკმაოდ პოპულარული ყოფილა და მას ნაკრების თილისმასაც კი უწოდებენ. შეგიძლიათ მოიწონოთ ოთარინიოს გვერდი ფეისბუქზე.
ნატა შუაქრიშვილი, 20 წელზე მეტია, რაც ცირკის გუმბათის ქვეშ სხვა დასხვა სახიფათო ნომერს ასრულებს, ყოველგვერი დაზღვევის გარეშე. ჟიურზე მან წარუშლელი შთაბეჭდილება დატოვა. როგორც ადრე, ბლოგთან საუბრისას აღნიშნა, აკრობატი ნახევარფინალისთვის კიდევ უფრო ლამაზ და საინტერესო შოუს ამზადებს. შეუერთდით ნატას გვერდს :
ჯგუფი LC, ლურჯი იალქანის მსგავსად, ეთერში მხოლოდ რამდენიმე წამით გამოჩნდა, მაგრამ ნიჭიერის ბლოგმა გადაწყვიტა, რომ მათი ცეკვა ნამდვილად იყო ღირსი იმის, რომ მეტი დრო დათმობოდა, ამიტომ ცალკე ეწვია ჯგუფს სალაპარაკოდ და მათი ცეკვის სრული ვერსიაც ჩაიწერა. ჯგუფი 5 გოგოსგან შედგება და სხვა და სხვა ცეკვის შეჯიბრებებზე წარმატებებს აღწევს. ვნახოთ, თუ რა ნომერს მოამზადებენ ისინი ნახევარფინალისთვის, მანამდე კი მოიწონეთ მათი გვერდი ფეისბუქზე:
30 წლიანი პაუზის შემდეგ, ნიჭიერის სცენაზე ბატონი შოთა მიქელაძე გამოვიდა. ახალგაზრდობაში, შოთა პაპა, თავისი სოფლის გუნდში, დიდი წარმატებით მღეროდა. თუმცა შემდეგ მეურნეობას მოეკიდა და სიმღერა შეწყვიტა. მისი დიდი ოჯახი და პროექტში გამოჩენის შემდეგ შეძენილი გულშემატკივრები, მოუთმენლად ელიან მის ახალ გამოსვლას ნახევარფინალში.
ნიჭიერის კასტინგებზე, ინდუსი სტუდენტების ორი ნომერი ვიხილეთ. ჟურის რჩევით, ეს ორი ჯგუფი გაერთიანდა და ნახევარფინალში ერთიან ნომერს წარმოგვიდგენენ, სადაც გურჯისტანზე შეყვარებული ჯორჯ კუტური კვლავ გვიმღერებს, ხოლო მისი მეგობრები იცეკვებენ. გამოხატეთ თქვენი მხარდაჭერა მათ ოფიციალურ გვერდზე ფეისბუქზე.
ანსამბლმა “ნადური” , ნახევარფინალამდე რთული გზა გამოიარა. გარდა კასტინგებისა, მსგავსი ნომრის მქონე ანსამბლებთან შეჯიბრი, ნადურს, მეორე ტურშიც მოუწია. ჟიურის გადაწყვეტილებით, ამ ჟანრში ანსამბლი საუკეთესო აღმოჩნდა. ვნახოთ, რას წარმოგვიდგენენ ბავშვები ნახევარფინალში, მანამდე კი, გამოხატეთ თქვენი კეთილგანწყობა ფეისბუქის მათ გვერდზე
შუახეველმა ძალოსანმა გიორგი ფუტკარაძემ, ნიჭიერის კასტინგებამდე ძალიან დიდი გზა განვლო. პროექტის სცენაზე გამოსასვლელად, მას მანძილთან და სტიქიასთან ბრძოლა მოუწია, თუმცა, მისმა თავგანწირვამ უშედეგოდ არ ჩაიარა. მან თავი მოაწონა როგორც ჟიურის, ასევე მაყურებელს. მისი გამოთქმები ძალიან პოპულარული გახდა ინტერნეტში. მოიწონეთ მხიარული ძალოსანის გვერდი ფეისბუქზე და დაელოდეთ მის ახალ გამოსვლას ნახევარფინალის სცენაზე.
ლენკა ზვიადაძის სცენაზე გამოჩენა, ასევე კასტინგზე მოსულმა ნათელმხილველმა იწინასწრმეტყველა და მართალიც აღმოჩნდა. ასეთ პატარა ასაკში, ძალიან ძლიერი და ლამაზი ხმით დაჯილდოვებულმა ლენკამ ხალხის და ჟიურის გული მოიგო. სხვათაშორის, ლენკას თავისი საკუთარი გვერდი აქვს ფეისბუქზე, რომელიც შეგიძლიათ მოიწონოთ, დაუკავშირდეთ ლენკას და თქვენი მხარდაჭერა გამოხატოთ.
ნიჭიერის ჟიური, გეგა ფალავანდიშვილი, მეორე ნახევარფინალის დროს განსაკუთრებით აქტიურად შემოუერთდა “ნიჭიერის” ინტერნეტ გულშემატკივარს. პირდაპირი ეთერის განმავლობაში, მობილურით პოსტავდა და აკეთებდა კომენტარს მონაწილეებთან დაკავშირებით:
8 saatze naklebi darcha Nichieris me-2 naxevarpinalamde!!! Mzad xart? :D
— Gega (@Gega418) May 21, 2012
Shevdivart! Itsyeba! — Gega (@Gega418) May 21, 2012
Luka! :))) — Gega (@Gega418) May 21, 2012
Guy Fawkes!!! :D
— Gega (@Gega418) May 21, 2012
Mets movelodi ashkarad 2Face-isgan
— Gega (@Gega418) May 21, 2012
”ეს გოგო საოცრებაა” – ტვიტი ნონა გიუნაშვილის შესახებ
Es gogo saotsrebaa!!! :))) — Gega (@Gega418) May 21, 2012
Budiona vs Putin :D
— Gega (@Gega418) May 21, 2012
Mgoni dges originaluroba gaimarjvebs.
— Gega (@Gega418) May 21, 2012
გარდა ამისა, ნიჭიერის ფეისბუქ გვერდზეც აქტიურად ჩაერთო. რუსთავი2, უკვე 34 კვირაა, რაც მიყოლებით არის ქართული სატელევიზიო სივრცის ნომერ პირველი ტელევიზია! ამის აღსანიშნავად სპეციალურად დამზადდა მაისური, რომლითაც ნახევარფინალის დასაწყისში უნდა გამოჩენილიყო ტელეეკრანზე ჟიურის წევრი.
სწორედ ამასთან დაკავშირებით დავსვით ფეისბუქზე კითხვა, რომელზეც ყველაზე სწრაფად ანუკა გოგიშვილმა გვიპასუხა. ანუკა მოვიწვიეთ ნახევარფინალზე და დანარჩენი შეგიძლიათ იხილოთ ფოტოებზე:
იაქტიურეთ თქვენც. როგორც იცით, ამ სეზონზე ნახევარფინალებზე დასწრება მხოლოდ მოსაწვევებით არის შესაძლებელი, რადგან ძირითადად მონაწილეებზე ნაწილდება ბილეთები. ამიტომ, ჩვენს ფეისბუქზე აქტიურობა მართლაც კარგ შანსს გაძლევთ თუ გინდათ, რომ პირადად დაესწროთ შოუს.
მეორე ნახევარფინალში ბევრი ძლიერი კონკურსანტი და მაყურებლის ფავორიტი იყო თავმოყრილი. ამის გამო, ყველა გულშემატკივარი განსაკუთრებული მოლოდინით შეხვდა შედეგებს!
შემოსული ხმების უმრავლესობა, პატარა ნიჭიერმა, ლუკა სვანიძემ მოიპოვა. ის ხმების 29%-ით გადავიდა ფინალში! ჟიურიმ არჩევანი ნონა გიუნაშვილზე შეაჩერა, რომელმაც ქართული ფილმებიდან ყველაზე ცნობილი კადრები ქვიშით დახატა.
ეს ორი ფინალისტი შეუერთდა წინა ორს და ამჟამად, ფინალისტების სია ასე გამოიყურება:
★ნინიკო კახაძე
★ოთო ბუაძე
★ლუკა სვანიძე
★ნონა გიუნაშვილი
გარდა ამისა, საქართველოს ბანკმაც დაასახელა თავის რჩეული – Angry Birds, რომლებსაც შანსი აქვთ ხუთიდან ორ დამატებით ფინალისტში მოხვდნენ.
მაყურებელთა ხმები კონკურსანტების მიხედვით ასე გადანაწილდა:
მესამე სეზონის მეორე ნახევარფინალი დაიწყო რუსთავი2-ის ეთერში! გულშემატკივრების ნაწილი ფილარმონიაშია შეკრებილი და პირადად უყურებს თავისი ფავორიტის გამოსვლას. წინ ძალიან საინტერესო შოუ გელოდებათ, რა თქმა უნდა, თავისი კულმინაციური მომენტით, როცა დასახელდება მაყურებლის რჩეული. ყველაფერი თქვენზეა დამოკიდებული, თქვენ ირჩევთ ფინალისტს.
მაყურებლის გადაწყვეტილების შემდეგ, ჟიური თავის რჩეულს დაასახელებს. გამოვლინდება ის ორი ფინალისტი, რომელიც პირველი ნახევარფინალიდან ფინალში გადასულ ნინიკო კახაძეს და ოთო ბუაძეს შეუერთდებიან. საქართველოს ბანკიც დაასახელებს თავის ფავორიტს, რომელსაც ექნება შანსი დამატებით ფინალისტად აირჩიოს ინტერნეტ მომხმარებელმა.
მაშ ასე, უგულშემატკივრეთ თქვენს ფავორიტს, დაურეკეთ შემდეგ ნომრებზე:
აუცილებლად შემოგვიერთდით ფეისბუქზეც, რომლის აქტიური მომხმარებლები ახლა ჩვენთან ერთად არიან ფილარმონიაში :)
ორშაბათს ამ ათეულს ვიხილავთ ფილარმონიის სცენაზე და რუსთავი2-ის პირდაპირ ეთერში. დააფიქსირეთ თქვენი აზრი და გვითხარით ვის გულშემატკივრობთ:
Loading ...განსაკუთრებული გულშემატკივრები, წინა ნახევარფინალს VIP ადგილებიდან უყურებდნენ. თქვენც შეგიძლიათ მიიღოთ მონაწილეობა -
თუ გყავთ გამორჩეული ფავორიტი ნიჭიერის მონაწილეებს შორის და გსურთ ნიჭიერის ნახევარფინალს, თბილისის საკონცერტო დარბაზში დაესწროთ. გამოგვიგზავნეთ თქვენი ფავორიტის მხარდასაჭერად გაკეთებული ნამუშევარი (მაგალითად, პოსტერი, სადაც მითითებული იქნება მათი საგულშემატკივრო ნომერი) და მიიღეთ მონაწილეობა კონკურსში ”საუკეთესო გულშემატკივარი”.
გამარჯვებული დაესწრება ნახევარფინალს და საშუალება ექნება პირადად უსურვოს წარმატება თავის ფავორიტს.
გამოგვიგზავნეთ http://nichieri.ge/fans/ ფორმის საშუალებით.
მესამე სეზონის პირველი ნახევარფინალი იმაზე წარმატებული აღმოჩნდა, ვიდრე მაყურებელი მოელოდა. ამას გამოხმაურება ადასტურებდა და ჟიურისაც ეთანხმებოდნენ, რომ ყველა კონკურსანტს დიდი წინსვლა ჰქონდა კასტინგიდან ნახევარფინალის ნომრამდე.
ამ ტრიოს შექმნილი პოპურები იმით არის გამორჩეული, რომ ძალიან კარგად აბალანსებენ გადასვლებს სიმღერიდან სიმღერაზე. გარდა ამისა, დადებითი მუხტი აქვთ და მაყურებლამდე ამ განწყობის მიტანა ადვილად შეუძლიათ. ალბათ, უფრო ფოლკლორია მათი ჟანრი, რადგან უცხოური ჰიტების მონაკვეთებში იყო რამდენიმე შესამჩნევი ხარვეზი სიმღერისას. ეს თვითონ რეპერტუარის ბრალიც იყო – moves like jagger-ს რთულად სამღერი მელოდია აქვს და მითუმეტეს ცოცხლად სიმღერის დროს.
ყველაზე მეტად კი მუსიკალური ინსტრუმენტების სწრაფი და ორგანიზებული ცვლილებები მომწონს. მოკლედ, მიუხედავად იმისა, რომ ფინალში ვერ მოხვდნენ, “ნიჭიერი” აუცილებლად კარგი სტარტი იქნება ამ ტრიოსთვის.
ალინამ ძალიან რთული ნომერი წარმოადგინა, თუმცა ერთი ნაკლი ჰქონდა ამ ყველაფერს – ის მოძრაობები, რომლებიც გვაჩვენა, კასტინგზე ფაქტობრივად უკვე გვქონდა ნანახი. თანაც ცოტა ხანგრძლივობა მეტი იყო და მეგონა, რომ ჟიურის ყველაზე მკაცრ წევრად შერაცხული, გეგა წითელ ღილაკსაც გამოიყენებდა. ალინას საბედნიეროდ ასე არ მოხდა :)
ძალიან პერსპექტიული სპორტსმენია ჩვენი ეკვილიბრისტი და წარმატებებს ვუსურვებთ. რაც მთავარია, მან ფაქტობრივად ის ჟანრი წარმოგვიდგინა, რაც არ გვქონია იქამდე სცენაზე და ალბათ ბევრისთვის შთაგონების წყაროც გახდება.
“სცენაზე გვყავს ყველაზე ახალგაზრდა, ყველაზე პოზიტიური და ყველაზე პერსპექტიული რეპერი საქართველოში” – გეგა
უნდა ვთქვა, რომ მე პირადად, ნიჭიერის სცენაზე და არა მხოლოდ საქართველოს ფარგლებში, მსგავსი ტიპის კონკურსებსი ასეთი ნამდვილად ნიჭიერი რეპერი სულ ხუთ თითზე ჩამოსათვლელი მინახავს!
რეპეტიციებზეც დაახლოებით ხუთჯერ მაინც მოვისმინე ეს სიმღერა და ნახევარფინალზე, პირდაპირ ეთერში, მისი ნომრის დროს მუშაობა არ მინდოდა, რომ თავიდან ბოლომდე მომესმინა და მეყურებინა მისთვის : )
მხოლოდ იმიტომ არა, რომ ასაკით პატარაა და უკვე ასე კარგად გამოსდის ყველაფერი, ამ ყველაფრის გარეშეც ვიტყვი ამას და მართალია შეიძლება თამამ განცხადებად ჩამითვალონ, მაგრამ საქართველოს ფარგლებში, ჩემთვის პირველი რეპერია ეს პატარა.
ჩარლი ჩაპლინის ბრეიქ დანსი მოულოდნელი და სასიამოვნო სანახავიც იყო. გეგამაც უთხრა, რომ რამდენიმე მოძრაობა მეორდებოდაო, მაგრამ ყოველ შემთხვევაში, “ნიჭიერის” სცენაზე გამოსული თოჯინებიდან, ყველაზე ენერგიული და მოძრავი სწორედ გაგას და მისი მეგობრების მიერ გაცოცხლებული ჩარლი იყო.
ნებოს ნომერი იმის დასტურია, თუ როგორ შეიძლება პირდაპირ ეთერში ყველაფერი ისე არ გამოვიდეს, როგორც კონკურსანტი გეგმავდა. მართალია, ნახევარფინალებში ასეთი შემთხვევები იშვიათია, მაგრამ კასტინგებზე ბევრი გვინახავს ისეთი, ვინც ნერვიულობისგან, თუ უბრალოდ ნომრის არასწორად წარმართვის გამო, ცუდ შედეგებამდე მისულა.
იმის მიუხედავად, რომ მანქანა ვერ გადაატრიალა (როგორც ჟიურიმ აღნიშნა, მანქანები შოუს აქილევსის ქუსლია :) ), პირველი ნაწილიც ძალიან კარგი სანახაობა გვიჩვენა.
ანა ქაშიბაძის შეფასება უფრო მინდა მაყურებლის გამოხმაურებას მივუძღვნა, ვიდრე თვითონ ანას. უბრალოდ, ვიტყვი, რომ 7 წლის ასაკის ბავშვებთან თუ გქონიათ ურთიერთობა, წესით უნდა მიხვდეთ, რომ ეს ბავშვი ნამდვილად ძალიან ნიჭიერია, ძალიან გახსნილი და ისეთი, როგორიც სწორედ სცენაზე უნდა იდგეს.
რაც შეეხება გამოხმაურებას, გაკვირვებას იწვევს ეს ყველაფერი. მე მესმის, როცა არ მოგწონს მონაწილე და გამოთქვამ აზრს, მაგრამ არ მესმის, როცა ამაზე ადამიანები ბრაზდებიან, შეურაცხყოფაზე გადადიან, უცენზუროდ გამოხატავენ აგრესიას და განსაკუთრებით, 7 წლის ბავშვთან მიმართებაში, რომელიც ჯერ ადამიანებს კარგად არ იცნობს და ყველა კეთილი ჰგონია :)
ჰოლივუდში წასვლის სურვილი აუცილებლად აუსრულდება <3
ნინიკომ დიდი პასუხისმგებლობა აიღო საკუთარ თავზე ამ სიმღერის შესრულებით რამდენიმე მიზეზის გამო, თუმცა მათ შორის მთავარი მელოდია იყო – ძალიან ბევრ ადგილას გიწევს ბგერაზე გაჩერება. გარდა ამისა, გადასვლებიც ძალიან ფრთხილად უნდა გაკეთდეს.
არა მხოლოდ ამ სეზონზე, არამედ გასული სამი სეზონის მომღერალ კონკურსანტებში (განსაკუთრებით მისი ასაკის ფარგლებში) საუკეთესოთა წინა რიგებში იკავებს ადგილს: )
მოკლედ, ფინალში ერთი მომღერალი და ერთი რეპერი გვყავს. Dream Walkers იმ ხუთეულში მოხვდება, რომლიდანაც ორს ფინალისტად ინტერნეტ სამყარო აირჩევს.
გელოდებით შემდეგ ორშაბათს, კიდევ უფრო საინტერესო შოუ გელოდებათ!
ორშაბათს, 14 მაისს “ნიჭიერის” მესამე სეზონის პირველი ნახევარფინალი შედგა. შოუ ძალიან საინტერესო, სანახაობრივი, დაძაბული გამოვიდა. ყველაზე მეტი დაძაბულობა კი შედეგების გამოცხადების დროს დადგა. განსაკუთრებით რთული იყო იმის გამოცნობა, თუ ვის აირჩევდა მაყურებელი ამდენი ნიჭიერი კონკურსანტიდან. ფაქტობრივად, წინასწარ განსაზღვრა შეუძლებელი იყო, რადგან ყველა მათგანი ღირსეულად წარსდგა ჟიურის და ხალხის წინაშე.
მაყურებლის გადაწყვეტილებით, ნინიკო კახაძემ დაიმსახურა ფინალში გადასვლა. ჟიურის რჩეული პატარა რეპერი, ოთო ბუაძე გახდა. ხოლო საქართველოს ბანკმა, Dream Walkers დაასახელა ფავორიტად და მათ შანსი აქვთ ფინალში მოხვდნენ!
პროცენტული გადანაწილება ასეთი იყო:
მაყურებლის უმრავლესობა ჩვენს ფეისბუქზეც გამოხატავდა ამ შედეგებით კმაყოფილებას. რა თქმა უნდა, არიან გულდაწყვეტილი გულშემატკივრებიც, მაგრამ რაც მთავარია, ორი ძალიან ძლიერი ფინალისტის ვინაობა უკვე ვიცით : )
შემდეგ ორშაბათს მომდევნო ათეული გველოდება, რომელიც ნამდვილად ასევე სეზონის ფავორიტებით არის დაკომპლექტებული:
ანასმბლი “თელა” – 0 900 100 101
ანსამბლი “ციცინათელა” – 0 900 100 102
ლუკა სვანიძე – 0 900 100 103
Angry Birds – 0 900 100 104
Two face – 0 900 100 105
ხატია ძერყორაშვილი – 0 900 100 106
ნონა გიუნაშვილი – 0 900 100 107
მიშკა კახაშვილი – 0 900 100 108
ბუდიონა გამანადგურებელი – 0 900 100 109
პრინცი პი – 0 900 100 110
ნინიკომ სიმღერა ბავშვობაში, 2-3 წლის ასაკში დაიწყო. ვოკალის პედაგოგთან არასოდეს უვლია, თუმცა ძალიან უნდა სიმღერა მომავალში პროფესიონალურ დონეზე ისწავლოს. ნიჭიერს პირველივე სეზონიდან უყურებდა და ძალიან უნდოდა პროექტში მოხვედრა, თუმცა მოსვლას ვერ ბედავდა. ეგონა, რომ დამოუკიდებლად ნასწავლი სიმღერა საკმარისი არ აღმოჩნდებოდა შოუში წარმატების მიღწევისთვის. ბათუმში პრეკასტინგზე, სადაც ”ნიჭიერის” პროდიუსერების გუნდი იყო ჩასული, ყველაზე ბოლოს მივიდა და თითქმის დამთავრებულ კასტინგს მიუსწრო. ბოლომდე არ იყო დარწმუნებული, შეძლებდა, თუ არა სცენაზე თავი მოეწონებინა ჟიურისთვის და მაყურებლისთვის.
ნიჭიერის კასტინგებზე მოსვლა მას შემდეგ გაბედა, რაც გადაცემაში სხვა, მის მსგავსად, თვითნასწავლი მომღერლები ნახა.
სიმღერასთან ერთად, ფორტეპიანოზე უკრავს. მისი საყვარელი მომღერლები არიან კრისტინა აგილერა, ლარა ფაბიანი, სელინ დიონი და ვიტნი ჰიუსტონი, რომელიც, მისი აზრით, უკვდავია და ხალხს მუდამ ემახსოვრება.
ნახევარფინალში ბარბარა სტრეიზანდის რეპერტუარიდან შეგვისრულებს სიმღერას.
კასტინგის ვიდეო:
ვიდეო გულშემატკივრებისთვის:
ანა ქაშიბაძე 7 წლის კონკურსანტია. სკოლაში მეორე კლასშია და უკვე ბევრი ლექსები იცის. მისი საყვარელი ლექსი სწორედ ის არის, რაც კასტინგზე წარმოგვიდგინა.
ძალიან უნდა გამოვიდეს მსახიობი და ჰოლივუდში წავიდეს. მის მსახიობურ მონაცემებსაც ბევრი ადამიანი აღნიშნავს.
ნახევარფინალშიც გამოავლენს თავის არტისტულობას და კიდევ ერთხელ მოგვიყვება ლექსს, რომელიც ასევე ძალიან უყვარს პატარა ანას : )
კასტინგის ვიდეო:
ვიდეო გულშემატკივრებისთვის:
გიორგი 21 წლისაა. ფორტეპიანოზე დაკვრას მე-4 კლასიდან სწავლობს. როგორც ბავშვების უმეტესობას, თავიდან მასაც არ უყვარდა ”მუსიკაზე სიარული”. თუმცა, მერე ფორტეპიანოსადმი დამოკიდებულება შეიცვალა და მე-8 კლასიდან, საკუთარ მუსიკასაც წერს.
ინსტრუმენტზე დაკვრას, ხელოვნების მე-2 სკოლაში სწავლობდა. ამ დროის განმავლობაში, ის უამრავ კონკურსზე და კონცერტზე არის გამოსული. მათ შორის, სიმფონიურ ორკესტრთან ერთად, თბილის ოპერისა და ბალეტის თეატრში და კონსერვატორიაში.
ნიჭიერში გამოსვლა იმიტომ გადაწყვიტა, რომ უნდა ხალხმა მის მიერ შესრულებულ მუსიკას მოუსმინოს. დღეისათვის, გიორგი სწავლობს თბილისის სახელმწიფო უნივერსიტეტში, ზუსტ და საბუნებისმეტყველო მეცნერებათა ფაკულტეტზე. მუშაობს პროგრამისტად და უკრავს ბენდში “Shelby”. მისი საყვარელი კომპოზიტორები სერგეი რახმანინოვი და ფერენც ლისტი არიან.
ნახევარფინალში აპირებს, რომ უფრო მეტად გაუსვას ხაზი საკუთარ პროფესიონალიზმს და სიურპრიზიც ექნება მაყურებლისთვის!
კასტინგის ვიდეო:
ვიდეო გულშემატკივრებისთვის:
Loading ...
